Jeremia 38:6 - O Debleskro Lab 2024 (Sinte-Manouche)

⁶ Kote lan le o Yeremiyes oun anan les pash i brounna ap koy lourdengri platsa. Koy brounna his o baro rayeskro čaves, o Malkiya. Oun doryentsa moukan le o Yeremiyes tele an kay brounna. Kote dren his kek pani, kokres sapeni čik his kote, oun o Yeremia peras i kotar dren an koy čik.

O Debleskro Drom 2021 (Sinte)

⁶ Kote lan le o Jeremijes un anan les pash i brunna ap koi lurdengri platsa. Koi brunna his o baro rajeskro tchawes, o Malkija. Un dorjentsa mukan le o Jeremijes tele an kai brunna. Kote dren his kek pani, kokres sapeni tchik his kote, un o Jeremia peras i kotar dren an koi tchik.

Jeremia 38:6 Iomraidhean Croise

1. Mose 37:24

Oun lan o Yosefes oun vitsran les an i grouba. Koy his kek pani dren.

Debleskri gili 109:5

Har homs lenge lačo, dan le man čilačepen pale. Har sikrom len miro kamlepen, dikan le čilače yakentsa ap mande.

Debleskri gili 40:2

Miro tselo djiyeha dikom ap o baro Debleste, oun yob rissras peskro kand pash mande, oun shounas, har ap leste gole dom.

Debleskri gili 69:2

Le man vin, mo Devel! O pani djal mange bis pash i meen.

Jeremia 32:2

An ko tsiro his i lourde o baro rayestar dran o them Babilonia troul o foro Yerusalem tardo. Oun o Debleskro rakepaskro, o Yeremia, vas pandles ap i lourdengri platsa rikedo. Koy platsa his pash o kheer o baro rayestar pral o them Youda čiddo.

Jeremia 36:26

Yob penas ap peskro čaveste, o Yerameel oun ap o Seraya, koleskro dad o Asriel his, oun ap o Shelemya, koleskro dad o Abdeel his, te tapenn le o činepaskres, o Barouk, oun o Debleskro rakepaskres, o Yeremia. Kolen khatras o baro Devel. Doleske hatsan le len gar.

Jeremia 37:16

Yaake vas o Yeremia stildo an i isema dour tele an kava kheer. Kote ačas lo boud divessa.

Jeremia 37:21

Kote moukas o baro ray Sedekya te penell, te rikrenn le o Yeremia ap koy platsa stildo, kay rikran pen i lourde pre. Oun yob moukas leske hako dives i maro te anell, kotar kay o maro peklo vas, yaake rah bis te his bouder kek maro an o foro. Yaake ačas o Yeremia ap koy platsa stildo.

Jeremia 38:13

Oun yon tserdan les kol doryentsa pre dran koy brounna. Oun yob ačas ap i lourdengri platsa.

Jeremia 38:22

Me dikom, har van i tsele djouvya, kay pral ačan an tiro kheer vin anlo pash i pralstunende o baro rayestar dran o them Babilonia. Kol djouvya penenn touke palle: “Tire mala, kay touke penan lauter hi mishto, rakran yaake boud an toute dren, te kral tou i dinelo koova. Kanna, kay tire pire an i sapeni čik hi, moukenn yon tout kokres.”

Daniel 6:16

Kote nashan kol morsha pale khetne pash o baro rayeste oun penan ap leste: “Tou djineh, baro ray, pash i Medarya oun o Persarya hi o čačepen yaake, te nay vell kek lab pale pale lino, hoy o baro ray moukas te činell!”

Zakarie 9:11

Shounenn, penell o baro Devel, me anau t'mare pandlen vin dran o stilepen, vin dran o them, hoy hi har i brounna, kay kek pani dren hi. Kova vell yaake čačo har koy sovel, hoy t'mentsa dren djom, oun hoy rateha čačo vas.

Bičepangre 16:24

Har yon kova ap leste penan, vitsras yob len an o palstouno stilepen, oun čivas lengre pire an o kasht, oun pandas len.

Hebrearja 10:36

T'mer hounte venn gar khino an t'mare djia, te krenn kova lauter, hoy o Devel kamella! Palle dell lo t'men peskro bravlepen yaake, har yob penas.