Jeremia 38:21 - O Debleskro Lab 2024 (Sinte-Manouche)

²¹ Te djah tou gar vin pash lende, palle vell kova, hoy o baro Devel mange sikras:

O Debleskro Drom 2021 (Sinte)

²¹ Te djah tu gar win pash lende, palle well kowa, hoi o baro Dewel mange sikras:

Jeremia 38:21 Iomraidhean Croise

2. Familjakro liil 36:12

Oun yob kras, hoy djoungeles hi glan i yaka o baro Deblestar, kay leskro Devel his, oun kras pes gar tiknes glan o Debleskro rakepaskro, o Yeremia, har kova leha rakras, oun leske penas, hoy o baro Devel leske an o mouy čivas.

Hiob 23:13

Yob ačell koon yob hi. Koon nay anell les kolestar krik, hoy lo kamell te krell? Kova, hoy kamell lo te krell, kova krell lo.

Hiob 34:33

Kameh, te anell o Devel ap saveste i phagi? Kameh tou kova gar? Tou hounte peness, hoy kameh, oun gar me. Pen menge kanna, har kava koova dikeh!

2. Mose 16:28

Kote rakras o baro Devel ap o Moseste: “Har rah krenn t'mer kova gar, hoy me t'menge penau, oun djivenn gar yaake, har me t'menge penom?

Jeremia 26:15

Djinenn! Te marenn man, marenn t'mer yekes, kay kek doosh ap leste hi, oun anenn miro rat ap t'mende oun ap kava foro oun kolende, kay dren djivenn. Čačepah, o baro Devel bičras man pash t'mende, te penap kava lauter glan t'mare kanda.”

Jeremia 38:20

O Yeremia penas: Yon denn tout gar an lengro vast. Shoun ap o baro Debleskro rakepen, hoy me touke penau, palle djal touke mishto, oun tou ačeh djido.

Jeremia 38:22

Me dikom, har van i tsele djouvya, kay pral ačan an tiro kheer vin anlo pash i pralstunende o baro rayestar dran o them Babilonia. Kol djouvya penenn touke palle: “Tire mala, kay touke penan lauter hi mishto, rakran yaake boud an toute dren, te kral tou i dinelo koova. Kanna, kay tire pire an i sapeni čik hi, moukenn yon tout kokres.”

Jeremia 5:3

Baro Devel, tire yaka dikenn ap i djipen an o čačepen. Tou dal len i phagi. – Yon hayvenn kova gar. Tou kral len paash moulo. – Oun yon ačan, har yon hi. Yon djan pal pengro shero. oun kamenn gar pengro čilačo drom te moukell.

Ezekiel 2:7

Pen lenge mire laba! Nay vell, te shounenn le, nay vell, te shounenn le gar. Yon hi menshe, kay moukenn pen či te penell.

4. Mose 24:13

Ninna te dell man o Balak peskro kheer pherdo roup oun sonakay, nay čivau me gar o Debleskro lab ap i rig. Me nay rakrau gar lačepen oun čilačepen har me kamau. Hoy o baro Devel rakrella, kova rakrau ninna.

Bičepangre 18:6

Yon shounan gar ap leste oun praasan les. Palle das yob koy čik dran peskre koola tele, oun penas ap lende: “T'maro rat vell ap t'maro shero. Man hi kek doosh. Kanna djau me pash kolende, kay kek bibolde hi.”

Hebrearja 12:25

Denn yak, te shounenn ap o Debleste, kay ap t'mende rakrella! Har yob ap i phoub ap i phoure Israelitarya rakras, kaman le gar ap leste te shounell, oun leskri rholi vas pral lende. Kitse boudeder vell o Debleskri rholi pral mende, te shounah gar ap leste, kay dran o bolepen rakrella.