Jeremia 37:6 - O Debleskro Lab 2024 (Sinte-Manouche)

⁶ Oun kote penas o baro Devel ap peskro rakepaskro, o Yeremia:

O Debleskro Drom 2021 (Sinte)

⁶ Un kote penas o baro Dewel ap peskro rakepaskro, o Jeremia:

Jeremia 37:6 Iomraidhean Croise

Jeremia 32:24

I Babilonarya hi troul o foro tardo, oun čivan phoub pre, te krenn le i drom, te nay djan le an o foro dren. Kava drom djal bis pash o foreste. Sik hounte perell o foro an lengre vasta. Oun i menshendar koy dren merenn boud i bokatar oun ap o djoungelo nasslepen. Oun vavar venn maredo o rhareha. Yaake har tou kova penal, yaake vas ninna; tou nay dikeh kokres, har hi.

Jeremia 32:3

Glan i tsiro stilas les o baro ray pral o them Youda, o Sedekya, doleske, kay penas o Yeremia glan-vi: Kova penell o baro Devel: Me dau kava foro an o vast o baro rayestar dran o them Babilonia, oun yob lell ko foro peske dren,

Jeremia 37:5

An ko tsiro djan i lourde o Faraestar dran o them Egiptia vin. Har o Babilonarya, kay glan o foro Yerusalem pre tardo his, kova shounan, tserdan le pen pale dran o foro Yerusalem.

Jeremia 37:7

Kova penell o baro Devel, kay o Israeleskro Devel hi: Pen o baro rayeske dran o them Youda, kova kay bičras t'men pash mande, te poučenn man: Kol lourde o Faraestar, kay djan vin dran pengro them, te venn le ap t'mari rig, kolla djan pale khere an o them Egiptia.