Jeremia 37:2 - O Debleskro Lab 2024 (Sinte-Manouche)

² O Sedekya oun i pralstoune troul leste oun kol vavar menshe an o them shounan gar ap i laba, hoy o baro Devel ap peskro rakepaskro, o Yeremia, penas, te penell lo len lenge doureder.

O Debleskro Drom 2021 (Sinte)

² O Zedekja un i pralstune trul leste un kol wawar menshe an o them shunan gar ap i laba, hoi o baro Dewel ap peskro rakepaskro, o Jeremia, penas, te penell lo len lenge dureder.

Jeremia 37:2 Iomraidhean Croise

2. Samuel 10:2

Koy penas o David: “Me kamau o čaveha o Nahashestar, o Hanoun, maal te vell, yaake har leskro dad miro maal his.” Oun o David bičras morshen koy, oun moukas leske lendar kamle laba te penell pral leskro dadeste, te vell leske gar bouder ropaske. Har kanna kolla, kay o David bičras, an ko them Ammon van,

2. Samuel 12:25

oun moukas peskro rakepaskro Natan o Davideske kova te penell. Doleske das o Natan les ko lab Yedidja. Kova kharell: O baro Devel kamell les.

1. Rajengro liil 14:18

Oun yon paskran les, oun i tsele Israelitarya rovan pral leste. Yaake van kol laba čačo, hoy o baro Devel peskro rakepaskres, o Ahia, kay leske koy his, an o mouy čivas.

1. Rajengro liil 16:7

Kova, hoy penas o baro Devel ap peskro rakepaskro, o Yehou, kol laba pral o Baasha, kova vas pral koleste dran ko tselo čilačepen, hoy o Baasha kras glan o baro Debleste. Yob kras peske moule debla, oun kolentsa rhoyras yob o baro Debles. Ninna moukas yob i tsele čaven o Yerobeamestar te marell. Doleske djas leske har koleskri familya.

2. Familjakro liil 36:11

Biish-te-yek (21) bersh his o Sedekya, har lo baro ray vas; oun deesh-te-yek (11) bersha his lo baro ray an o foro Yerusalem.

2. Mose 4:13

Koy penas o Mose: “Miro ray, mangau tout, biče yek vavares!”

Gosewe laba 26:6

Kova, kay i dinelo bičepaskres bičrell, kova hi har yek, kay dell peske kokres i herya tele oun rhal dava.

Gosewe laba 29:12

I ray, kay ap rhorhene laba shounella, koleskre boudepangre venn lauter rhorhene.

Jeremia 34:2

Koy penas o baro Devel, kay o Israeleskro Devel hi, ap o Yeremia: Dja pash o Sedekya, ko rayeste pral o them Youda, oun pen leske: Kova penell o baro Devel: Me dau kava foro an o vast o baro rayestar dran o them Babilonia, oun yob rhačrell les tele.

Ezekiel 21:25

Ko yek djal an o foro Rabba, kay i Ammonarya djivenn, ko vavar an o zorelo foro Yerusalem an o them Youda. Yaake sikreh tou kol dromma, ap kolende o baro ray nay vell peskre lourdentsa.

Hosea 12:10

Me, o baro Devel, hom tiro Devel foun ko tsiro, kay anom tout dran o them Egiptia. Me moukau tout pale an plarhtene khera te djivell, har an ko tsiro, har homs pash toute an o moulo tato them.

3. Mose 8:36

O Aron oun leskre morsh čave kran lauter yaake, hoy o baro Devel ap o Moseste penas.

1. Tessalonikarja 4:8

Koon kamell kol laba gar te shounell, kova čivell o Debles ap i rig, oun gar i menshes. Oun o Devel hi kova, kay das peskro Dourho an t'mende.