Jeremia 37:13 - O Debleskro Lab 2024 (Sinte-Manouche)

¹³ Har yob pash o Benyamineskro Voudar vas, his kote i lourdo, kay das garda, koon dren te vin nashella. Kova kharas Iria, leskro dad his o Shelemya, koleskro dad his o Hananya; o Iria das garda ap ko voudar, oun rikras o Yeremiyes peske vastentsa pre, oun penas: Tou kameh pash i Babilonarya vergel te nashell.

O Debleskro Drom 2021 (Sinte)

¹³ Har job pash o Benjamineskro Wudar was, his kote i lurdo, kai das garda, koon dren te win nashella. Kowa kharas Jirija, leskro dad his o Shelemja, koleskro dad his o Hananja; o Jirija das garda ap ko wudar, un rikras o Jeremijes peske wastentsa pre, un penas: Tu kameh pash i Babilonarja wergel te nashell.

Jeremia 37:13 Iomraidhean Croise

Jeremia 18:18

Koy hi menshe, kay penenn: Avenn, te rakras koy pral, havo čilačepen mer nay krah ap o Yeremia. Men hi doha rashaya, kay nay sikrenn men maro drom, oun doha goseve, kay nay penenn menge, hoy te kras, oun doha Debleskre rakepangre, kay nay penenn menge o Debleskre laba. Mer tapras les leskre labentsa, oun das či ap leskro rakepen!

Jeremia 20:10

Me shounau, har boud menshe čorrhanes rakrenna: “Yob krell menge či har traash. Anas doosh ap leste! Sikras les an!” Ninna mire mala lourenn koy pre, te perap. “Dikas, te anas les yaake dour, te penell yob čomone, hoy gar mishto hi. Palle dah les pale, hoy lo mentsa kras!”

Jeremia 20:2

das lo les, oun pandas leskre herya an i kotar kasht pash o voudar, hoy kharell Benyamineskro Voudar, oun hi pash o baro Debleskro kheer.

Jeremia 21:9

Koon an kava foro ačella, hounte merella an o kourepen, i bokatar, oun ap i pharo nasslepen. Koon vin djala oun pash kol Kaldearya nashella, kay troul t'maro foro tardo hi, kova ačell djido. Leske ačell či har peskro djipen.

Jeremia 27:6

Me dom kal tsele themma an i vasta o baro rayestar, o Neboukadnezar dran o them Babilonia. Yob krell, hoy kamau, te krell lo. Ninna i divye firhen dom les, te vell lo ray pral lende.

Jeremia 28:14

O baro Devel, ko ray pral o bolepen oun i phoub, kay o Israeleskro Devel hi, kova penell: Me krau, te hounte boudrenn i menshe an kal tsele themma o baro rayeske dran Babilonia, o Neboukadnezar. Leskro vast hi phares ap lende čiddo har i saster, hoy o harho troul o gouroumeskri meen čivell. Ninna i firhen čivom an leskro vast.”

Jeremia 36:12

Oun sik djas lo an o baro rayeskro kheer, kote, kay i pralstoune khetne beshdo his: o činepaskro Elishama, kay i lila činas, o Delaya, koleskro dad o Shemaya his, o Elnatan, koleskro dad o Akbor his, o Gemarya, koleskro dad o Shafan his, o Sidkiya, koleskro dad o Hananya his, oun kol vavar pralstoune.

Jeremia 38:1

His pralstoune koy, kay shounan, hoy o Yeremia ap i tsele menshende penas. Kolla his o Shefatya, koleskro dad o Mattan his, oun o Gedalya, koleskro dad o Pashour his, oun o Youkal, koleskro dad o Shelemya his, oun o Pashour, koleskro dad o Malkiya his. Yon shounan har o Yeremia penas:

Jeremia 38:4

Kote rakran kol pralstoune o baro rayeha oun penan: Mouk kava morshes, o Yeremia te marell; yaake har yob rakrella, lell lo i zoor kol lourdendar krik, kay kate pash mende pral ačan an kava foro. Oun yaake djal ninna i tsele menshenge an kava foro. Kava morsh rodell gar, hoy i menshenge mishto hi. Na-a, yob anell len an i bibarht.

Jeremia 38:7

An o baro rayeskro kheer his i pralstouno dran o them Etiopia. Leskro lab his Ebed-Melek. Kova shounas, kay o Yeremia an koy brounna vitsedo vas. Ap ko dives his o baro ray Sedekya beshdo pash ko Benyamineskro Voudar.

Ropaskre gilja 4:18

Yon lan men palla, te nay nasham bouder gar ap mare dromma. Mentsa hi trouyel. Mer ham nashedo. Maro djipen hi trouyel.

Amos 7:10

Oun o rashay o forestar Betel – leskro lab his Amazya – bičras morshen pash o Yerobeam, ko baro rayeste an Israel, oun moukas leske te penell: “O Amos krell i menshen divyo, te hadenn le pen pral toute. Leskro rakepen nay shounah mer bouder gar.

Zakarie 14:10

O tselo them Youda vell i bourhlo telstouno them mank o foro Geba oun o foro Rimmon, hoy hi čačes o forestar Yerusalem čiddo. O foro Yerusalem ačell pralstounes čiddo, oun djal o voudarestar Benyamin bis kote, kay o ersto voudar his, oun kotar doureder bis pash o voudar, kay i rigya khetne venna, oun foun o turmo Hananel bis kote, kay i mool dran i drake o baro rayeske kerdo vas.

Louka 23:2

Oun yon anan boud koova ap leste pre, oun penan: “Kava morsh kras mare menshen divyo. Yob penas, te das mer o baro rayeste an o foro Rom bouder kek love. Oun yob penas ninna, kay hi lo o Kristo, ko baro ray, kolestar o Devel penas, te vell yob.”

Bičepangre 24:13

Yon nay sikrenn tout vitar gar, kay kova čačo hi, hoy yon pral mande penan.

Bičepangre 6:11

Palle anan le morshen ap lengri rig. Oun kolla anan rhorhepen ap o Stefaneste pre. Yon penan: “Mer shounam, kay penas yob djoungele laba pral o Moseste oun pral o Debleste.”

2. Korintarja 6:8

Hi menshe koy, kay sharenn men, oun vavar, kay praasenn men. Hi menshe, kay rakrenn djoungeles pral mende, oun vavar, kay rakrenn kamles pral mende. Ko yek penell: “Rhorhene!” ap mende, kol vavar djinenn, mer penah o čačepen.