Jeremia 36:6 - O Debleskro Lab 2024 (Sinte-Manouche)

⁶ Doleske dja tou koy ap ko dives, kay rhan le či o Debleske. Oun drave kol laba an ko liil glan i menshende, kay an o baro Debleskro kheer hi, ninna glan kolende dran Youda, kay dran pengre forya kote venn.

O Debleskro Drom 2021 (Sinte)

⁶ Doleske dja tu koi ap ko diwes, kai chan le tchi o Debleske. Un drawe kol laba an ko liil glan i menshende, kai an o baro Debleskro kheer hi, ninna glan kolende dran Juda, kai dran pengre forja kote wenn.

Jeremia 36:6 Iomraidhean Croise

Jeremia 18:11

Oun kanna Yeremia, pen kol menshenge an Youda oun kolenge, kay djivenn an Yerusalem: Kova penell o baro Devel: Djinenn, man hi an o dji, te dap t'men i phagi, oun kamau bibarht pral t'mende te anell. Doleske djan tele hakeno peskro čilačo dromestar! Oun djivenn i vavar djipen!

Jeremia 19:14

Oun o Yeremia djas pale dran Tofet, kay bičras les o baro Devel koy, te penell yob o Debleskre laba. Oun djas ap koy glanstouni platsa glan o baro Debleskro kheer, oun penas ap i tsele menshende:

Jeremia 22:2

Oun pen: Tou baro ray pral Youda, kay hal ap o Davideskri beshepaskri beshdo, shoun, hoy penell o baro Devel touke oun tire pralstunenge oun kol menshenge, kay venn pash toute an tiro raylo kheer!

Jeremia 26:2

Kova hi, hoy me, o baro Devel, touke penau: Dja ap i glanstouni platsa glan miro baro kheer, oun rake ap kol tsele menshende, kay van dran i tsele forya dran o them Youda, te mangenn le man an. Pen lenge i tsele laba, hoy touke penom. Ma mouk čomone krik!

Jeremia 36:2

Le i liil oun čin halauter dren, hoy penom touke pral o Israel oun o Youda, oun i menshende an kol tsele vavar themma dran ko tsiro, kay o baro ray Yosia djivas bis kava dives.

Jeremia 36:4

Koy kharas o Yeremia o morshes, koleskro lab Barouk hi. Leskro dad his o Neriya. Oun o Barouk činas i tsele laba pre, hoy o baro Devel ap o Yeremia penas, yaake har o Yeremia leske kova penas.

Jeremia 7:2

Dja oun čip tout an ko voudar o baro Debleskro kherestar, oun pen i menshenge kal laba: T'mer lauter dran o them Youda, kay djan kate dren, te mangenn o baro Debles an, shounenn o baro Debleskro lab!

Zakarie 8:19

Kova penell o baro Devel, ko ray pral o bolepen oun i phoub: “Kol divessa an o starto, pančto, eftato oun deshto čon, kay i menshe či rhan, te rodenn le man, kal divessa venn i barhtelo tsiro o khereske Youda. An kal divessa givenn oun khelenn le i barhtyatar. T'menge penau, rodenn o čačepen! Oun denn yak, te vell kek čingepen mank t'mende!”

Bičepangre 27:9

Har kote vam, nashram boud tsiro. O vend his glan o voudar, oun mer lam daar, te ouleras doureder. Doleske penas o Paulo ap lende: