Jeremia 36:19 - O Debleskro Lab 2024 (Sinte-Manouche)

¹⁹ Koy penan kol pralstoune ap leste: Tou oun o Yeremia, t'mer hounte khatrenn t'men, te djinell kek, kay han!

O Debleskro Drom 2021 (Sinte)

¹⁹ Koi penan kol pralstune ap leste: Tu un o Jeremia, tumer hunte khatrenn tumen, te djinell kek, kai han!

Jeremia 36:19 Iomraidhean Croise

1. Rajengro liil 17:3

“Dja touke kate krik! Dja kote, kay o kham pre djal, oun khate tout pash o tikno pani Krit, kova, kay nashell an o pani Yordan dren!

1. Rajengro liil 18:10

Me dau man sovel pash o baro Debleste, kay tiro Devel hi: O Ahab rodas tout an hako them, pash i tsele bare rayende. Oun te penan yon: Yob hi gar pash mende, kamas lo, te denn le pen sovel, kay nay hatsan le tout gar.

1. Rajengro liil 18:4

Oun an ko tsiro, kay i Isebel o baro Debleskre rakepangren kamas te marell, las o Obadya sheel lendar oun khatras len, i paash-sheel an kay grotta oun i paash sheel an koy grotta, oun anas lenge maro oun pani, te rhan le oun piyenn le.

2. Familjakro liil 25:15

Kote vas o baro Devel rhoyedo pral o Amazya, oun yob bičras i Debleskro rakepaskro pash leste. Oun kova penas ap leste: “Hoske mangeh tou o debla kol menshendar an, kay nay lan pengre menshen gar dran tiro vast vin?”

Gosewe laba 28:12

Te hi kolen penepaske, kay an o čačepen tardo hi, palle hi barhtelo tsiro. Te vell i čilačen penepaske, palle khatrenn pen i menshe.

Jeremia 26:16

Palle penan i pralstoune oun kol vavar menshe ap i rashayende oun kol rhorhene rakepangre: “Kava morsh hounte merell gar! Yob penas menge kol laba, hoy das les maro baro Devel.”

Jeremia 36:26

Yob penas ap peskro čaveste, o Yerameel oun ap o Seraya, koleskro dad o Asriel his, oun ap o Shelemya, koleskro dad o Abdeel his, te tapenn le o činepaskres, o Barouk, oun o Debleskro rakepaskres, o Yeremia. Kolen khatras o baro Devel. Doleske hatsan le len gar.

Amos 7:12

Oun o Amazya penas ap o Amos: “Tou dikepaskro, dja touke, oun naash an o them Youda! Kote nay rakreh an o Debleskro lab, oun yon denn tout tiro maro.

Louka 13:31

Ap kava tsiro har o Yezous kova penas, van Farisarya pash leste oun penan: “Dja touke! Khate tout! O Herodes kamell tout te marell.”

Bičepangre 5:40

Palle dan yon o Yezouseskre bičepangren gole, dan len dava i čoupniyah, oun dan len trad, te rakrenn le bouder gar o Yezousestar. Oun palle moukan le len te djal.