Jeremia 36:10 - O Debleskro Lab 2024 (Sinte-Manouche)

¹⁰ Oun o Barouk draveras dran ko liil o Yeremiyeskre laba glan i menshende an o baro Debleskro kheer. Yob his tardo an koy isema ko morshestar Gemarya, koleskro dad o Shafan his. Kova his o činepaskro, kay i lila činas. Leskri isema his ap i pralstouni platsa pash o nevo voudar o baro Debleskro kherestar.

O Debleskro Drom 2021 (Sinte)

¹⁰ Un o Baruch draweras dran ko liil o Jeremijeskre laba glan i menshende an o baro Debleskro kheer. Job his tardo an koi isema ko murshestar Gemarja, koleskro dad o Shafan his. Kowa his o tchinepaskro, kai i lila tchinas. Leskri isema his ap i pralstuni platsa pash o newo wudar o baro Debleskro kherestar.

Jeremia 36:10 Iomraidhean Croise

2. Samuel 20:25

O Sheva his o činepaskro, kay činas i lila. O Zadok oun o Abyatar his rashaya.

2. Samuel 8:17

O Zadok, koleskro dad o Ahitoub hi, oun o Ahimelek, koleskro dad o Abyatar hi, his rashaya. O Seraya his kova, kay činas i lila.

1. Rajengro liil 6:36

Yob moukas ninna i glanstouni platsa troul o Debleskro kheer te krell. Troul i platsa kras lo i massouri, kay triin kope barra ap barra čiddo van, oun ap i triinte barra van cedertikre kashta čiddo.

2. Rajengro liil 15:35

Kokres kol moulne platse moukas lo gar khetne te dell. Oun i menshe rhačran kote i moule deblenge firhen oun soungepaskro koova. O Yotam kras ko pralstouno voudar ap o baro Debleskro kheer.

2. Rajengro liil 18:37

Oun kol triin pralstoune, kolen o Hiskiya bičras, o Elyakim, ko pralstouno pral leskro kheer, koleskro dad o Hilkiya hi, oun o Shebna, kay činas i lila, oun o moskro Yoa, koleskro dad o Asaf hi, yon kran pengre koola paash i doukatar oun djan pash o Hiskiya oun penan leske kol laba, kay ko pralstouno dran o them Assour ap lende penas.

2. Rajengro liil 22:3

Oun har o Yosia an o deesh-te-orhtato bersh baro ray his, bičras lo o Shafan, kay i lila činas, an o baro Debleskro kheer. O Shafaneskro dad his o Azalya oun leskro papo his o Meshoullam. Oun o Yosia penas:

Jeremia 26:10

Har shounan i pralstoune pral Youda, hoy kate djas, van le dran o baro rayeskro kheer, oun djan pre an o baro Debleskro kheer oun beshan pen tele pash o Nevo Voudar, te rakrenn le o čačepen pral leste vin.

Jeremia 26:24

Pral o Yeremiyes rikras o Ahikam peskro vast. Koleskro dad his o Shafan. O Ahikam moukas les gar an i vasta kol menshendar te dell, kay kaman les te marell.

Jeremia 29:3

O Yeremia das peskro liil kol douy morshenge peha, o Elasa, koleskro dad o Shafan his, oun o Gemarya, koleskro dad o Hilkiya his. Kolen bičras o baro ray pral Youda, o Sedekya, an o them Babilonia pash o baro rayeste pral Babilonia, o Neboukadnezar. An ko liil his tardo:

Jeremia 35:4

oun anom len an o baro Debleskro kheer, an koy bari isema i čavendar o Debleskro morshestar, o Hanan, koleskro dad o Yigdalya his. Koy bari isema hi langs koy isema o pralstunendar oun pral koy isema o Maasseyestar, koleskro dad o Shalloum hi. O Maasseya his kova, kay das garda ap o voudar.

Jeremia 36:11

O Gemarya, les his i čavo. Koleskro lab his Mika. Kova shounas halauter, hoy o Barouk dran o liil glan draveras, kol tsele laba, hoy o baro Devel penas.

Jeremia 36:25

Oun fothe kol morsha Elnatan, Delaya oun Gemarya o baro rayestar mangan, te rhačrell lo gar ko liil, shounas yob gar ap lende.

Jeremia 36:6

Doleske dja tou koy ap ko dives, kay rhan le či o Debleske. Oun drave kol laba an ko liil glan i menshende, kay an o baro Debleskro kheer hi, ninna glan kolende dran Youda, kay dran pengre forya kote venn.

Jeremia 36:8

O Barouk kras, hoy o Debleskro rakepaskro, o Yeremia, leske penas oun draveras o baro Debleskre laba glan i menshende an o baro Debleskro kheer.

Jeremia 43:3

O Barouk, koleskro dad o Neriya hi, kova rakras an toute dren, te penal savo koova. Yob kamell, te peras an o vast i lourdendar dran Babilonia, te marenn le men oder te anenn men pandles an o them Babilonia.

Jeremia 52:25

Oun dran o foro las lo: ko pralstounes pral i lourdende; vavar efta morshen, kay an hako tsiro troul o baro rayeste trouyel hounte venn; ko činepaskro, kay i laba i lourdendar pre činas oun i lourden vin rodas; oun shob-deesh vavar bare morsha, kay an Yerusalem his.

Ezekiel 40:38

An i voudareskri halla foun o nordetikro voudar his i voudar, hoy djas an i tikni isema. Kote vell o mass kol firhendar thodo, hoy venn tseles rhačedo o Debleske.