Jeremia 35:4 - O Debleskro Lab 2024 (Sinte-Manouche)

⁴ oun anom len an o baro Debleskro kheer, an koy bari isema i čavendar o Debleskro morshestar, o Hanan, koleskro dad o Yigdalya his. Koy bari isema hi langs koy isema o pralstunendar oun pral koy isema o Maasseyestar, koleskro dad o Shalloum hi. O Maasseya his kova, kay das garda ap o voudar.

O Debleskro Drom 2021 (Sinte)

⁴ un anom len an o baro Debleskro kheer, an koi bari isema i tchawendar o Debleskro murshestar, o Hanan, koleskro dad o Jigdalja his. Koi bari isema hi langs koi isema o pralstunendar un pral koi isema o Maasejestar, koleskro dad o Shallum hi. O Maaseja his kowa, kai das garda ap o wudar.

Jeremia 35:4 Iomraidhean Croise

1. Rajengro liil 12:22

Kote penas o Devel ap o Shemaya, ko Debleskro morsheste:

1. Rajengro liil 13:1

Koy vas i Debleskro morsh dran Youda, koles bičras o baro Devel an Betel. Yob vas koy, har his o Yerobeam pash koy rhačepaskri tardo oun rhačras soungepaskro koova.

1. Rajengro liil 13:26

Har shounas ko phouro Debleskro rakepaskro kova, penas lo: “Kova hi ko Debleskro morsh, kay kras gar, hoy o baro Devel leske penas. Doleske bičras o baro Devel o leves, te dandrell lo les moulo. Yaake vas, hoy o baro Devel penas.”

1. Rajengro liil 17:18

Kote penas yoy ap o Eliya: “Hoske kral tou kova mantsa, Debleskro morsh? Tou val pash mande, te vas miri doosh an o Debleskro shero. Doleske hounte meras miro čavo.”

1. Rajengro liil 17:24

Kote penas koy djouvel ap o Eliya: “Kanna djinau, kay tou hal i Debleskro morsh. Oun ko rakepen, hoy tou vin rakreh an o baro Debleskro lab, hi o čačepen.”

1. Rajengro liil 20:28

Kote vas o Debleskro morsh pash o baro rayeste pral Israel, oun penas leske: Kava penell o baro Devel: “I Syrarya penan, me o baro Devel, voms i devel, kay ap i berge djivell, oun gar i devel, kay ap o telstouno them djivell. Doleske dau me kal tsele boud lourden an tiro vast, te hayvenn t'mer, kay me o baro Devel hom.”

2. Rajengro liil 1:9

Oun o baro ray bičras pash o Eliya i pralstouno lourdes. Koles his penepaske pral paash-sheel lourdende. Oun kol paash-sheel las yob peha. Har kolla pash o Eliya van, his kova ap i berga beshdo. Ko pralstouno lourdo penas ap leste: “Debleskro morsh, o baro ray penell, te vess koy pral tele.”

2. Rajengro liil 12:9

“Mishto” penan i rashaya, “mer lah bouder kek love i menshendar.” Oun lenge his mishto, te hounte kran le či neves oun shoukar ap o Debleskro kheer.

2. Rajengro liil 25:18

Oun o pralstouno lourdo las o pralstouno rashayes, o Seraya, pandlo, ninna ko rashayes Sefanya, kay vas pal o Seraya, oun ninna kol triin morshen, kay dan yak ap o voudar.

2. Rajengro liil 5:14

Koy djas yob tele pash o pani Yordan oun čivas pes tel o pani efta kope yaake har o Debleskro morsh kova penas. Oun leskro mass vas pale sasto har ko mass i tikno čavestar. Oun yob vas sasto ap peskro tselo mass.

2. Rajengro liil 5:20

O Debleskro morsh, o Elisa, les his i boudepaskro. Leskro lab his Gehasi. Kova penas ap peste: “Miro ray moukas o Naaman te djal oun las lestar či, hoy kova leske anas. Kava Syrari hounte playsrals čomone. Pash o djido Debleste, me nashau leske pal, te dell yob man čomone.”

2. Rajengro liil 6:10

Koy bičras ko baro ray pral Israel lourden koy pash ko drom, kolestar o Debleskro morsh rakras oun penas “Ma djan koy!” Oun kolla lan ko drom an i yak. Yaake djas kova yek kopo, douy kope oun ninna boudeder.

2. Rajengro liil 7:17

Ko baro ray bičras ko pralstouno lourdes, kay čivell lo pes ap leskri moussi, pash o foreskro voudar. Oun kote pash ko baro voudar stakran kol menshe an leste yaake, kay meras lo, har ko Debleskro morsh kova penas, har o baro ray pash leste vas.

2. Rajengro liil 7:2

Ko pralstouno lourdo, kay čivas pes o baro ray ap leskri moussi, penas ap ko Debleskro morsheste: “Ninna te krals o baro Devel gomme kava dives o bolepen pre oun dals brishin, har nay djal kova?” O Elisa penas: “Tire yakentsa dikeh tou kova, oun či rhah tou kolestar.”

1. Familjakro liil 9:27

Oun yon ačan pral i rat troul o Debleskro kheer. Yon hounte dan garda koy pre, oun yon klidevan haki taysarla i voudya pre.

2. Familjakro liil 8:14

Oun yaake har peskro dad, o David penas, čivas o Salomo i rashayen yaake khetne, har hounte boudrenn le khetne. Ninna penas lo ap i Levitarya, havi boudi yon hounte krenn: Koy his save mank lende, kay givan, oun vavar van i rashayenge pash o vast, yaake har hounte his hako dives. Ninna i voudyengre morsha van yaake khetne anlo, har hounte denn le yak ap i voudya. Hako voudareske his save koy, kay dan yak ap leste. Yaake penas kova o David, ko Debleskro morsh.

Debleskri gili 84:10

Dik lačes ap o baro rayeste, koles menge ap mari rig čival! Dik ap leste, koles vin rodal, te vell lo maro ray!

Jeremia 21:1

O baro ray Sedekya bičras douy morshen pash o Yeremia. Ko yek his o Pashour, koleskro dad o Malkiya his, oun ko vavar his o rashay Sefanya, koleskro dad o Maasseya his. Oun o Sedekya moukas leske te penell:

Jeremia 26:10

Har shounan i pralstoune pral Youda, hoy kate djas, van le dran o baro rayeskro kheer, oun djan pre an o baro Debleskro kheer oun beshan pen tele pash o Nevo Voudar, te rakrenn le o čačepen pral leste vin.

Jeremia 35:3

Koy djom me, o Yeremia, pash o Yazania, koleskro dad o Yirmeya his, koleskro dad o Habazzinya his, oun lom les khetne leskre phralentsa oun leskre tsele čaven, oun halauteren dran i familya Rekab,

Jeremia 52:24

Oun o pralstouno lourdo las o pralstouno rashayes, o Seraya, pandlo, ninna ko rashayes Sefanya, kay vas pal o Seraya, oun ninna kol triin morshen, kay dan yak ap o voudar.

Ezekiel 40:38

An i voudareskri halla foun o nordetikro voudar his i voudar, hoy djas an i tikni isema. Kote vell o mass kol firhendar thodo, hoy venn tseles rhačedo o Debleske.

Ezekiel 43:8

Yon kran pengre bare khera langs miro kheer, lengre voudya langs mire voudya, yaake te his yek massouri halauter mank mande oun lende. Oun yaake anan le ladj ap mande pengro djoungelo koveha, hoy le kran. Doleske marom len an miri rholi.

5. Mose 33:1

Oun glan peskro merepen rakras o Debleskro morsh, o Mose, i Debleskri barht vin pral i Israelitarya, oun penas:

1. Timoteo 6:11

Tou hal i Debleskro morsh. Rike tout ko tselo koova pale! Kre lauter, te vess an o čačepen tardo, oun te djivess yaake, har o Devel kamella! Kre ninna lauter, te ačess an o patsepen, oun te kamess i menshen o tselo djiyestar! Te djal touke gar mishto, rike vin! Ab lačes ap i vavarende!

2. Timoteo 3:17

I mensho, kay kamell o Debleske koy te vell, hatsell an o Debleskro lab lauter, hoy les hounte vell, te nay krell lo lauter yaake, har o Devel kamella.

Josua 14:6

Har i Israelitarya pash Gilgal his, van i morsha dran o kheer Youda pash o Yosua. Oun o Kaleb, koleskro dad o Yefunne his, dran o kheer Kenas, penas ap leste: “Tou djineh, hoy o baro Devel ap o Debleskro morsheste, o Moseste, penas, har hams an o foro Kadesh-Barnea, har troul toute oun mande djas.

1. Samuel 2:27

Oun i Debleskro morsh djas pash o Eli oun penas leske: Kava penell o baro Devel: Tou djineh mishto, har krom man prindjedo pash tire phourende, pash o kheer Aron, har i Israelitarya an o them Egiptia his oun hounte boudran o Faraeske.