Jeremia 34:9 - O Debleskro Lab 2024 (Sinte-Manouche)

⁹ kolla, kay Hebrearya hi, morsha oun djouvya, yaake te hounte boudrell kek yekeske peskre menshendar.

O Debleskro Drom 2021 (Sinte)

⁹ kolla, kai Hebrearja hi, mursha un djuwja, jaake te hunte budrell kek jekeske peskre menshendar.

Jeremia 34:9 Iomraidhean Croise

1. Mose 14:13

Oun yek kolendar, kay peske nashas, vas pash o Abrameste oun penas leske halauter. O Abram his i Hebreari. An ko tsiro djivas o Abram pash i bare rouka ko morshestar Mamre. Kova his i Amorari. Leskre phrala his o Eshkol oun o Aner. Kolla triin kran o Abrameha vin, te rikrenn yon khetne, oun dan pengro dadeskro vast koy pre.

1. Mose 40:15

Hom čoredo dran o them, kay djivenn i Hebrearya. Oun kate krom me vitar či, kay hounte djap an o stilepen.”

2. Mose 2:6

Har yoy koy korba pre kras, dikas yoy i tikno čaves, hoy rovas. Kova khaytas lat oun yoy penas: “Kova hi i hebretikro čavo.”

2. Mose 3:18

Oun i phoureder shounenna ap tiro lab. Palle dja lentsa pash o baro rayeste pral o them Egiptia. Oun penenn ap leste: O baro Devel, koles i Hebrearya an-mangenna, vas pash mende. Kanna mouk men triin divessa dour an o moulo tato them te djal, te maras firhen maro Debleske.”

Jeremia 25:14

Ava, ninna i Babilonarya venn boudepangre oun hounte boudrenn i menshenge an boud themma oun lengre zorele bare rayenge. Yaake dau len pale, hoy yon ap mire menshende kran. Yaake lenn le pengri phagi.

Jeremia 27:7

I menshe dran i tsele themma hounte boudrenn leske oun leskro čaveske, oun koleskro čaveske, bis te vell ko tsiro, kay nashrell ninna leskro them peskri zoor. Oun menshe dran vavar bare themma oun lengre zorele bare raya venn i raya pral lende.

Jeremia 30:8

O baro Devel, ko ray pral o bolepen oun i phoub penell: An ko tsiro phagau ko kasht, hoy hi troul lengre menya, oun lau i shelle tele, hoy rikrenn len pandles. Yon hounte boudrenn bouder gar vavar menshenge,

Jeremia 34:10

Oun i pralstoune oun i tsele vavar menshe, kay penan ava ap kova, kran ninna yaake, oun moukan pengre boudepangren te djal.

1. Korintarja 6:8

Oun kova hi gar lauter! T'mer krenn i vavarenge ninna čilačepen oun lenn t'menge lendar kova krik, hoy len hi. Oun kova krenn t'mer ninna i patslentsa.

2. Korintarja 11:22

Yon hi Hebrearya. Me hom ninna yek. Yon hi bibolde. Me hom ninna yek. Yon venna pal o Abraham. Me ninna.

5. Mose 15:12

Te bikras pes i vavar Israelitari ap toute, – morsh oder djouvel – palle boudrell lo touke shob bersha, oun an o eftato bersh moukess les te djal.

Filiparja 3:5

Me vom ap miro mass činlo, har homs orhta divessa phouro. Me hom i Israelitari. Mire menshe hi Benyaminarya. Me hom i Hebreari. Oun miro dad oun miri day hi ninna Hebrearya. Oun me homs i Farisari, oun djivom pal o Moseskre lila.

1. Samuel 14:11

Oun kol douy sikran pen kol Filistarengre lourdenge, kay koy yak dan. Oun kolla penan ap pende: “Ake, i Hebrearya venn dran pengre rhebya vin, an kolende yon pen khatran!”

1. Samuel 4:6

Oun i Filistarya shounan koy bari gole, oun poučan pen: “Hoy hi savi bari gole kote ap koy platsa, kay kol Hebrearya tardo hi?” Har shounan le, te vas ko morhton ap i platsa

1. Samuel 4:9

Avenn zorele t'mer Filistarya! Kourenn t'men har čače morsha, te perenn gar an i Israelengre vasta! Te venn yon i zorleder pral t'mende, hounte boudrenn t'mer lenge yaake, har yon hounte boudran menge. Avenn kanna morsha oun kourenn t'men!”