Jeremia 34:18 - O Debleskro Lab 2024 (Sinte-Manouche)

^18-19 Kol pralstoune pral o them Youda oun pral Yerusalem oun pral o rayeskro kheer, ninna i rashaya oun kol tsele vavar, yon his koy pashel, har o terno gouroum an douy kotya činlo vas. Oun yon djan mashkral kol douy kotya vergel, te sikrenn le, te kamenn le kova te rikrell, hoy lentsa vin krom. Oun yon rikran pen gar ap kova, oun rikran kol laba gar dren, hoy yon pen glan mande sovel dan. Doleske kamau ap lende yaake te krell, har ap ko terno gouroum kerdo vas.

O Debleskro Drom 2021 (Sinte)

^18-19 Kol pralstune pral o them Juda un pral Jerusalem un pral o rajeskro kheer, ninna i rashaja un kol tsele wawar, jon his koi pashel, har o terno gurum an dui kotja tchinlo was. Un jon djan mashkral kol dui kotja wergel, te sikrenn le, te kamenn le kowa te rikrell, hoi lentsa win krom. Un jon rikran pen gar ap kowa, un rikran kol laba gar dren, hoi jon pen glan mande sowel dan. Doleske kamau ap lende jaake te krell, har ap ko terno gurum kerdo was.

Jeremia 34:18 Iomraidhean Croise

1. Mose 15:10

Oun yob anas leske kol tsele firhen oun činas len mashkral khetne. Oun čivas yek kotar ap kay rig, ko vavar kotar ap koy rig. Kokres i čirkle činas yob gar an kotya.

1. Mose 15:8

Koy penas o Abram: “Miro ray, baro Devel, har djinau me, te vell kava them miro?”

Debleskri gili 50:1

I gili o Asafestar. O Devel rakrell, o baro oun zorelo Devel dell i menshen ap i tseli phoub gole, kotar, kay o kham pre djas bis kote, kay lo tele djal.

Hosea 6:7

Yaake sik har van le an o them dren pash o foro Adam, rikran le pen bouder gar ap kova, hoy me, o baro Devel lentsa vin krom, oun moukan man.

Hosea 8:1

O baro Devel penell: Phourde zoreles an i phourdepaskri! Har i adlari venn le pral miro them. Kolla kay kote djivenn, rikran pen gar ap kova, hoy lentsa vin krom, oun hadan pen pral mire laba.

Remarja 2:8

Ap kol vavarende vell leskri rholi. Lenge hi lo gar lačes. Yon hi kolla, kay djivan pal pengro shero oun shounan gar ap o Debleskro čačo lab, oun kran, hoy lengro čilačo dji lenge penas.

5. Mose 17:2

Te shounenn t'mer i morshestar, i djouvyatar an yek foro t'mendar, hoy t'maro baro Devel t'men dell, oun kova oder koya krell sau koova, hoy an i yaka t'maro baro Deblestar djoungelo hi, oun phagell koy sovel, hoy t'mer leske dan,

Josua 7:11

O Israel anas bari doosh ap peste! Yon rikran pen gar ap mire laba, hoy lenge penom, te hounte rikrenn le. Oun yon lan kolestar, hoy mange his oun čoran les oun čivan les čorrhanes pash pengro koova pashel.