Jeremia 34:15 - O Debleskro Lab 2024 (Sinte-Manouche)

¹⁵ T'mer van pale ap miro drom, oun kran, hoy glan mire yaka mishto hi, oun moukan vin gole te dell, te venn kol boudepangre vin mouklo, kay hi Israelitarya. Oun t'mer dan t'men sovel, glan mande an ko kheer, kay mange kerdo vas, te krenn kova yaake.

O Debleskro Drom 2021 (Sinte)

¹⁵ Tumer wan pale ap miro drom, un kran, hoi glan mire jaka mishto hi, un mukan win gole te dell, te wenn kol budepangre win muklo, kai hi Israelitarja. Un tumer dan tumen sowel, glan mande an ko kheer, kai mange kerdo was, te krenn kowa jaake.

Jeremia 34:15 Iomraidhean Croise

2. Rajengro liil 12:2

An ko tsiro his o Yehou an o eftato bersh o baro ray pral o them Israel. O Yoash his star-deesh bersha baro ray pral o them Youda, oun djivas an ko tsiro an o foro Yerusalem. Leskri day kharas Sibya, oun vas dran o foro Beersheba.

2. Rajengro liil 14:3

O Amazya kras, hoy mishto his glan o baro Debleskre yaka. Kokres har leskro dad David his lo gar, na-a, yob his yaake har leskro dad Yoash oun djivas ninna yaake.

2. Rajengro liil 23:3

Oun o baro ray his ap ko pralstouno kotar tardo glan o Debleskro kheer oun das o baro Debleste peskro lab, te djan le ap o Debleskro drom, oun rikrenn leskre laba, oun djivenn yaake, har yob len sikras oun pal leskro čačepen. Pengro tselo djiyeha oun pengri tseli zoryah kaman le pal kal laba te djivenn, hoy o Devel len das, oun hoy an kava liil činlo hi. Oun i tsele menshe pandan pen an pengro lab, te rikrenn le kova, hoy an o liil činlo hi.

Nehemia 10:29

I tsele Israelitarya, i rashaya, oun i Levitarya, oun kolla, kay yak denn ap o foreskre voudya, oun i gipangre, oun i boudepangre an o Debleskro kheer, oun kolla i vavar menshendar, kay moukan pengre menshen oun djan kanna o Debleskro drom, ninna lengre romya, lengre čave oun ča, kay hayvenn kova,

Debleskri gili 119:106

Me dom man sovel, oun me kamau lat te rikrell: Kamau te djap pal tire čačepaskre laba.

Debleskri gili 76:11

Te hadenn pen rhoyede menshe pral toute, maro Debleste, vell diklo, har baro tou hal. Oun kova, hoy pral ačell lengri rholyatar, hi touke har i shoukar ripen, hoy riveh.

Jesaja 58:2

Yon venn hako dives, har te rodans le man, oun penenn, te kamans le mire dromma te djinell, har te vans le menshe, kay o čačepen krenn, oun pengro Debles gar moukan. Oun yon kamenn, te krap me o čačepen lenge vin, oun te vap pash lende.

Jeremia 32:34

Koy pashel čivan le pengre rhorhene deblen an ko kheer, hoy mange kerdo vas. Oun yaake kran le les pale-čiddo.

Jeremia 34:8

Kava hi ko lab, hoy o baro Devel ap o Yeremia penas, pal ko tsiro, kay o baro ray Sedekya i menshentsa an o foro Yerusalem vin kras, te moukenn le i tsele ginle boudepangre vin,

3. Mose 25:10

O 50. (paash-sheelto) bersh hi o baro Debleske. An kava bersh denn vin gole, te vell hakeneske, kay an ko them djivell, peskri siyaan mouklo. Oun te his leskri siyaan yaake baro, te bikras pes lo ap i vavareske, hounte moukell kova les pale te djal. Hakeno t'mendar lell kova pale, hoy leskro his, oun nay djal khere pash peskre menshende.

Mateo 15:8

O Devel penas: Kal menshe sharenn man pengre mouya. Lengre djia hi dour mandar.