Jeremia 34:1 - O Debleskro Lab 2024 (Sinte-Manouche)

¹ Kava hi ko lab, hoy o baro Devel ap o Yeremia penas, an ko tsiro har o Neboukadnezar, ko ray dran o them Babilonia, peskre tsele lourdentsa troul o foro Yerusalem tardo his. Ninna troul i vavar forya an o them Youda his le tardo. Oun gar kokres dran o them Babilonia his le, na-a ninna dran kol tsele vavar themma, pral kolende o Neboukadnezar o ray his.

O Debleskro Drom 2021 (Sinte)

¹ Kawa hi ko lab, hoi o baro Dewel ap o Jeremia penas, an ko tsiro har o Nebukadnezar, ko rai dran o them Babilonia, peskre tsele lurdentsa trul o foro Jerusalem tardo his. Ninna trul i wawar forja an o them Juda his le tardo. Un gar kokres dran o them Babilonia his le, na-a ninna dran kol tsele wawar themma, pral kolende o Nebukadnezar o rai his.

Jeremia 34:1 Iomraidhean Croise

Jeremia 1:15

Shoun mishto: Me dau gole i tsele menshen an kol themma, hoy an o norden čiddo hi, te venn yon, penell o baro Devel. Lengre raya čivenn pengre beshepangre glan kol voudya o forestar Yerusalem, oun troul leskre massurya oun troul kol tsele forya an o them Youda.

Jeremia 21:2

“O Neboukadnezar, ko baro ray pral Babilonia vas, te kourell lo pes mentsa, oun hi peskre lourdentsa troul o foro Yerusalem tardo. Mange menge o baro Deblestar! Te kamell yob, nay vell lo menge peskri bari zoryah ap i rig, har yob kova boudeder kope kras, yaake te hounte tserdell pes o Neboukadnezar pale.”

Jeremia 32:1

Kava hi ko lab, hoy o baro Devel penas ap o Yeremia an o deshto bersh, har o Sedekya o baro ray pral Youda his. Kova hi o deesh-te-orhtato bersh har o Neboukadnezar o baro ray pral Babilonia his.

Jeremia 32:2

An ko tsiro his i lourde o baro rayestar dran o them Babilonia troul o foro Yerusalem tardo. Oun o Debleskro rakepaskro, o Yeremia, vas pandles ap i lourdengri platsa rikedo. Koy platsa his pash o kheer o baro rayestar pral o them Youda čiddo.

Jeremia 34:7

An ko tsiro his i lourde o rayestar dran o them Babilonia tardo troul o foro Yerusalem oun troul i forya Lakish oun Aseka; kokres kal forya Lakish oun Aseka his gomme gar dren lino kol tsele zorele foryendar an o them Youda.

Daniel 4:1

Me, o Neboukadnezar homs barhtelo an miro kheer, oun man his lauter, hoy kamom.

Daniel 4:22

Tou veh pale-čiddo oun hounte djivess pash i firhende oun bouder gar mank i menshende. Yon denn tout khass te rhal har i groumyen. Oun tou čiveh tout vin tele. Oun o brishin perell ap toute tele oun krell tout sapenes. Oun efta bersha djan yaake trouyel, bis te tou hayveh, te hi o pralstouno Debles i tsele rayengre themma an peskro vast, oun yob dell kol themma koleste yob kamell.

Daniel 5:19

Doleske daran oun trissan i menshe dran hako them oun rakepen lestar. Oun yob maras, yaake har yob kamas, oun moukas koles te djivell, kones yob kamas, te ačell lo djido. Yob hadas menshen oun kras vavaren tikno, yaake har leske shoukar his.