Jeremia 33:9 - O Debleskro Lab 2024 (Sinte-Manouche)

⁹ Palle vell o foro Yerusalem mange i foro, pral koleste barhtelo hom. I menshe an i tsele themma sharenn man, oun hadenn man, te shounenn le ko tselo lačo koova, hoy me o foreske Yerusalem krau. Lenge ačell o rakepen krik, oun yon krenn bare yaka, te dikenn le ko tselo lačepen oun koy tseli barht, hoy dau kava foreske.

O Debleskro Drom 2021 (Sinte)

⁹ Palle well o foro Jerusalem mange i foro, pral koleste bachtelo hom. I menshe an i tsele themma sharenn man, un hadenn man, te shunenn le ko tselo latcho koowa, hoi me o foreske Jerusalem krau. Lenge atchell o rakepen krik, un jon krenn bare jaka, te dikenn le ko tselo latchepen un koi tseli bacht, hoi dau kau foreske.

Jeremia 33:9 Iomraidhean Croise

2. Familjakro liil 20:29

Har shounan i menshe an kol vavar themma, har kouras pes o baro Devel kolentsa, kay kaman i Israelitaryen te marell, oun har vas yob o zorleder, koy vas i bari traash o Deblestar pral lende.

Nehemia 6:16

Har shounan kova kolla lauter, kay menge čilačepen kaman, trashan i menshe an i tsele themma, hoy troul mende hi. Oun lengro pre-phourdepen djas krik. Oun yon hayvan, te his maro Devel pal koy boudi tardo.

Ester 8:17

Oun an hako them oun an hako foro, kay o baro rayeskro lab vas, his barht oun sapen pash i biboldende. Oun yon kran baro rhapen oun van barhteles khetne. Oun boud menshe i vavar menshendar lan daar i biboldendar oun van bibolde.

Debleskri gili 130:4

Tou hal kova, kay i doosh krik lella. Doleske dikah pre ap toute oun shounah ap toute.

Debleskri gili 40:3

Yob hadas man vin dran i grufta, dran o merepen oun i čik, oun čivas mire pire ap i baro bar, te vap zoreles tardo.

Jesaja 43:21

Oun mire menshe Israel, kolen mange krom, sharenn man glan i vavarende.

Jesaja 55:13

Kote, kay soubyengre bourra oun soubyengro zenlepen bares van, djan kanna bare zenele rouka pre. Doleske vell o baro Debleskro lab sharedo. Oun kova hi ninna i sikepen, te bistrell kek, te his o baro Devel kova, kay sau koova kras.

Jesaja 60:5

Palle dikeh tou kova, oun bari barhtyatar rhačell tiro mouy har i momeli, oun tiro dji trissella oun djal dour pre. Boud bravlepen dran vavar themma vell anlo pash toute, foun vergel o baro pani vell lo pash toute.

Jesaja 62:1

Te dikau tout, Yerusalem, nay rikrau gar miro mouy, dran o kamlepen ap toute dau gar pre, bis te lell o foro peskro čačepen, oun leskri barht pre djal har o kham oun diklo vell har i yag an i rati.

Jesaja 62:12

Oun yon venn kharedo Debleskre menshe oun vi-ginle o baro Deblestar. Oun tout denn le gole o foro, hoy o Devel kamell oun o foro, hoy bouder gar mouklo hi.

Jesaja 62:4

Tou veh gar bouder kharedo mouklo foro oun tiro them moulo them. Tou veh gole dino o Debleskri pirni, oun tiro them barhteli romni. O baro Devel dikell lačes ap toute, oun romedinerell pes tiro themeha.

Jesaja 62:7

Yon denn yaake rah gole, bis te yob o foro Yerusalem pale pre tardo čivas, oun bis te yob les yaake kras, te vell o foro ap i tseli phoub sharedo.

Jesaja 64:2

te kreh tou pale baro zorelo koova, hoy kek vavar nay krell, vitar gar glan-vi dikell. Ab tele, te trissenn i berge glan toute!

Jeremia 13:11

Yaake har i morsh ko pandepen troul peste pandella, yaake pandom me kol tsele menshen dran Israel oun kol tsele menshen dran Youda troul mande, te venn yon mire menshe. Kamom, te vap dran lende sharedo oun miro lab bares oun prindjedo vell; yon kaman gar ap mande shounell, penell o baro Devel.

Jeremia 16:19

Baro Devel, tou deh man zoor oun deh garda ap mande. Pash toute nay vau me oun khatrau man an i bibarht. Dran i tsele themma ap i phoub venn i menshe pash toute, oun penenn: Kol debla mare phourendar hi lauter rhorhepen, či-moldo hi le, oun nay venn gar ap mari rig.

Jeremia 24:6

Ap lende dikau lačes, oun anau len pale pale an kava them. Oun moukau len pale bares te vell, oun krau len gar paash, krau len pale zoreles, oun tradau len bouder gar dran lengro them vin.

Jeremia 26:6

palle krau kava khereha har ko khereha an Shilo. Oun me krau, te penenn i vavar menshe, te kamenn le yekes te praasell: Mou djal touke har o foreske Yerusalem!

Jeremia 29:1

O Debleskro rakepaskro, o Yeremia, činas i liil ap i phourende, kay pral ačan kolendar, kay pandles krik anlo van, oun ap i rashayende oun o Debleskre rakepangre oun ap i tsele menshende, kolen o Neboukadnezar an Yerusalem pandles las oun an o them Babilonia anas.

Jeremia 3:17

An ko tsiro vell o foro Yerusalem kharedo: O baro Debleskri beshepaskri. Oun i tsele menshe venn koy khetne. Oun yon djan bouder gar pal pengro shero oun pengro čilačo dji.

Jeremia 3:19

Me, o baro Devel penom, har nay rikrau me tout, har te vess tou miro čavo? Kamoms te dap tout ko lačo them, ko shoukester kotar them i tsele themendar. Oun patsom, tou peness palle ap mande kamlo tata, oun djals bouder gar mandar krik.

Jeremia 31:14

I rashaya venn pale čalo o feteder massestar. Oun mire menshenge dau boudeder har doha rhapaske, penell o baro Devel.

Jeremia 31:4

Israel, miri pirni! Me krau tout pale baro. Toutar vell pale i natsyona. Tou kress tout pale shoukar, bashress oun djas vin ap o khelepen.

Jeremia 32:42

Kova penell o baro Devel: Yaake har me pral kal tsele menshende kay bari bibarht anom, yaake moukau ninna ko tselo lačepen pral lende te vell, kay me lenge penom.

Jeremia 33:14

Čačepah, penell o baro Devel, ko tsiro vella, kay moukau ko lačo lab čačes te vell, hoy me penom ap o khereste Israel oun ap o khereste Youda.

Jeremia 4:2

Te denn t'men sovel oun penenn: Me dau man sovel pash o djido Debleste … oun t'mer rhorhenn gar koy pashel, oun rikrenn t'maro lab, palle poučenn mandar i menshe an i vavar themma, te čivap miri barht ap lende, oun yon sharenn pen, kay prindjrenn yon man.

Jeremia 44:8

T'mer rhoyrenn man koleha, hoy krenn kote an o them Egiptia, kay djan, te djivenn koy. T'mer rhačrenn soungepaskro koova vavar deblenge. Kamenn t'mer halauter te merell? Kamenn, te praasenn t'men i menshe dran i tsele vavar themma oun san pral t'mende?

Jeremia 49:25

Har hi lo kanna kokres mouklo, ko bravelo oun barhtelo foro!

Ezekiel 26:20

Oun vitsrau tout tele pash kolende an o moulengro them, pash kol menshende, kay meran glan i rah tsiro. Dour tella an i phoub, pash kova, hoy kol phoure foryendar pral ačas, hoy tele djan, dau tout i platsa pash i moulende. Yaake nay djivell bouder kek an toute. Tou veh bouder kek foro ap i phoub, kay i djide djivenn.

Ezekiel 36:35

Palle penenn le: Kava them his mouklo oun divyo. Kanna hi lo har i baar Eden. Oun kal forya his paash-dino, tele-phagedo oun vi-meredo. Kanna hi le zoreles koy tardo, oun menshe djivenn pale dren.

Ezekiel 39:13

Oun i tsele menshe an o them Israel paskrenn len. Koleske venn le sharedo i vavar menshendar ap ko dives, kay sikrau har baro oun raylo hom. Kova penell o baro Devel, maro ray.

Hosea 3:5

Pal ko tsiro venn i Israelitarya palpale pash o baro Debleste, kay lengro Devel hi, oun pash lengro baro rayeste – yekeste dran o kheer David. Oun trisslepah venn le pash o baro Debleste. Oun yob vell lenge lačes an ko tsiro, hoy vella.

Zakarie 1:17

De pale gole: Kova penell o baro Devel, ko ray pral o bolepen oun i phoub: “An mire forya vell pale boudeder har doha lačepen. Oun o baro Devel rakrell pale lače laba ap i menshende ap i berga Sion. Oun o foro Yerusalem vell pale leskro vi-rodedo foro.”

Zakarie 12:2

“Shounenn, me krau, te vell o foro Yerusalem har i čaro, kay i zorelo pipen dren hi. I menshe dran i themma trouyel, kay venn, te kourenn le pen o foreha, piyenn lestar oun venn har mate, kay nay ačenn bouder gar ap i pire tardo. Ninna pral i menshende an o them Youda vell kova ap ko tsiro, kay hi o foro Yerusalem dren pandlo.

5. Mose 30:5

T'maro baro Devel anell t'men an ko them, koles t'mare phourenge his. Oun t'mer lenn les t'menge dren. Oun yob dell t'men boud bravlepen, oun krell t'mendar boudeder har t'mare phoure his.