Jeremia 33:15 - O Debleskro Lab 2024 (Sinte-Manouche)

¹⁵ An kol divessa moukau i baro ray dran o Davideskri familya pre te stell, kay hi an o čačepen tardo. Kova krell hoy mishto oun čačo hi an o tselo them.

O Debleskro Drom 2021 (Sinte)

¹⁵ An kol diwessa mukau i baro rai dran o Davideskri familja pre te stell, kai hi an o tchatchepen tardo. Kowa krell hoi mishto un tchatcho hi an o tselo them.

Jeremia 33:15 Iomraidhean Croise

Debleskri gili 45:4

Čip tiro rharo ap tiri rig, tou čačo morsh, oun sike tiro raylepen oun zoor!

Debleskri gili 45:7

Miro Devel, tiri rayeskri beshepaskri ačell hako tsireske. Tou hal i čačo oun lačo ray pral tire menshende.

Jesaja 4:2

I tsiro vella, kay krell o baro Devel peskro them Israel raylo oun shoukar. Oun kolla, kay pral ačan oun an o them djivenn, hi barhtelo pral ko boud lačo koova, hoy i phoub vin anell. Oun vavar menshe sharenn len koleske.

Jesaja 42:21

O baro Devel hi o čačepaskro. Doleske his leske shoukar, te sikrell lo, har baro oun raylo leskre čačepaskre laba hi.

Jesaja 53:2

Yob vas baro glan o baro Debleste har i sano terno rouk, har i drab hoy dran i trouk phoub vell. Les his kek shoukapen oun kek barepen. Oun har mer les dikam, hatsam či, hoy an mare yaka shoukar vals.

Jesaja 9:7

O baro Devel rakras o čačepen vin pral o kheer Yakob. Oun leskri rholi peras ap i Israelende.

Jeremia 17:25

palle nay djan ninna bare raya dran o Davideskri familya dren an kava foreskre voudya, kay beshenn ap graya oun vourdya, yon oun vavar pralstoune, oun lauter, kay an Youda oun Yerusalem djivenna. Oun an kava foro djivenn hako tsiro menshe.

Jeremia 30:9

kokres pengro baro Debleske, oun pengro baro rayeske. Kova hi i čavo o Davidestar, koles me i baro rayes krau.

Jeremia 50:7

Halauter, kay len hatsan, rhan len pre. Oun kolla, kay his rhoyedo ap lende, penan: Mer krah či, hoy gar čačo hi! Yon anan doosh ap pende, har moukan le o baro Debles, kay das len lauter, hoy len hounte vell djipaske, oun ap koleste lengre phoure patsan.

Zakarie 3:8

Shoun kanna, Yeshoua, tou baro rashay: Tou oun tire phrala, kay glan toute beshdo hi, t'mer han i sikepen, hoy o baro Devel kamell te krell an o tsiro, hoy vella: Me bičrau miro boudepaskres, kay kharell nevo rouk.

Debleskro tsiro 19:11

Oun me dikom, har o bolepen pre hi. Oun kote his i parno gray. Oun kova, kay pre beshdo hi, kharella: Morsh labestar, kay rakrell o čačepen. Yob te dell i menshen i phagi oun kourell pes kolentsa, kay čilače hi, djal yob pal o čačepen.