Jeremia 33:12 - O Debleskro Lab 2024 (Sinte-Manouche)

¹² Kova penell o baro Devel, ko ray pral o bolepen oun i phoub: Ninna te dikell kava them kanna vin har i moulo them, kay nay djivenn kek menshe oun kek firhe, vell i tsiro, kay hi hako fores pale lačo them, kay i bakrengre pengre bakren anenna.

O Debleskro Drom 2021 (Sinte)

¹² Kowa penell o baro Dewel, ko rai pral o bolepen un i phub: Ninna te dikell kau them kanna win har i mulo them, kai nai djiwenn kek menshe un kek vieche, well i tsiro, kai hi hako fores pale latcho them, kai i bakrengre pengre bakren anenna.

Jeremia 33:12 Iomraidhean Croise

Kamlepaskri gili 1:7

Tou, koles miro dji kamell, pen mange, kay aneh tire bakre, te rhan le? Kay besheh tou tout tele mashkral o dives? Te nashap gar trouyel mank i bakre, te rodap tout pash i vavar bakrengre!

Jesaja 65:10

Mire menshenge, kay poučenn pal mande, vell i tala Sharon koy platsa, kay anenn le pengre bakre, oun i tala Akor vell koy platsa, kay ačenn pengre groumya.

Jeremia 17:26

Oun menshe venna dran kol forya o themestar Youda, oun dran i gaba troul Yerusalem, oun dran o them Benyamin oun dran kol tikne oun bare berge oun dran o them Negev. Oun yon anenn an o baro Debleskro kheer firhen rhačepaske oun rhapaske, djob oun kouč soungepaskro koova, oun vavar koova, koleha parkrenn le pen pash o baro Debleste.

Jeremia 31:12

Yon venna pral ap i berga Sion, oun denn gole i barhtyatar, oun venn barhteles pral kova, hoy o baro Devel len dell: djob, mool, djet oun terne bakre oun groumya. Lengre djia venn zorelo har i garta, kolat hako tsiro doha pani hi. Oun lenge hi bouder gar ropaske.

Jeremia 31:24

An o them Youda oun an leskre tsele forya djivenn pale menshe, ninna harhe oun bakrengre, kay djan pengre bakrentsa trouyel.

Jeremia 32:15

O baro Devel, ko ray pral o bolepen oun i phoub, kay o Israeleskro Devel hi, penell: O tsiro vell, kay venn pale khera ginlo an kava them, ninna harhetikri phoub oun drakengro them.

Jeremia 36:29

Pral o Yoyakim moukess te činell: Kava penell o baro Devel: Tou rhačral ko ersto liil oun penal ap o Yeremia: Hoske moukal pre te činell, kay vell i baro ray dran Babilonia, oun krell kava them paash, oun tradell i menshen oun i firhen vin?

Jeremia 50:6

Mire menshe hi har nashede bakre. Lengre bakrengre anan len o čačo dromestar tele. Yaake nashran le pen ap i berge. Pral tikne oun bare berge hounte nashan le, oun bistran, kay le khere hi.

Jeremia 51:62

Oun palle pen: “Baro Devel, tou penal, kay kreh kava foro paash, yaake kay kek nay djivella bouder kate, kek mensho oun kek firho. Tou penal, te vell kava foro i moulo foro hako tsireske.”

Ezekiel 36:35

Palle penenn le: Kava them his mouklo oun divyo. Kanna hi lo har i baar Eden. Oun kal forya his paash-dino, tele-phagedo oun vi-meredo. Kanna hi le zoreles koy tardo, oun menshe djivenn pale dren.

Haggai 1:4

Hi ko tsiro kay, te beshenn t'mer an shoukar kerde khera, oun miro kheer hi paash dino oun čiddo an kotya?