Jeremia 32:41 - O Debleskro Lab 2024 (Sinte-Manouche)

⁴¹ Miro dji sala, te nay krau lenge lačepen. Oun me moukau len zoreles an kava them vell, oun yon hounte moukenn les bouder gar. Čačepah, kova krau miro tselo djiyeha oun miri tseli zoryah.

O Debleskro Drom 2021 (Sinte)

⁴¹ Miro dji sala, te nai krau lenge latchepen. Un me mukau len soreles an kau them well, un jon hunte mukenn les buder gar. Tchatchepah, kowa krau miro tselo djijeha un miri tseli sorjah.

Jeremia 32:41 Iomraidhean Croise

Debleskri gili 80:8

Tou, Devel oun ray pral o bolepen oun i phoub, hade men pale pre! Dik lačes ap mende, yaake djal menge pale mishto.

Jesaja 60:21

Tire menshe hi halauter an o čačepen tardo. Oun kava them hi lenge hako tsireske. Yon hi har i tikne rouka, hoy čivom an i phoub, oun hoy bares van. Mire vastentsa krom len, te sikrap miro raylepen.

Jesaja 62:4

Tou veh gar bouder kharedo mouklo foro oun tiro them moulo them. Tou veh gole dino o Debleskri pirni, oun tiro them barhteli romni. O baro Devel dikell lačes ap toute, oun romedinerell pes tiro themeha.

Jesaja 62:5

Yaake har i terno morsh peske i terni čay lell, yaake lenn tire menshe o them Youda penge. Oun yaake barhtelo ko biyabeskro hi pral i terni čay, kolah yob biyab krell, yaake barhtelo hi tiro Devel pral toute.

Jesaja 65:19

Me ninna, vau barhtelo pral Yerusalem, oun miro dji givell pral mire menshende. Ropen vell kote bouder gar shounlo, vitar gar dell yek gole i daryatar.

Jeremia 18:9

I vavar kopo penau me ap i menshende an i rayeskro them, kay krau len baro oun zorelo.

Jeremia 24:6

Ap lende dikau lačes, oun anau len pale pale an kava them. Oun moukau len pale bares te vell, oun krau len gar paash, krau len pale zoreles, oun tradau len bouder gar dran lengro them vin.

Jeremia 31:28

Yaake har garda dom, te van le vin tserdedo oun khetne phagedo, paash kerdo, oun tele dino oun doukedo, yaake dau palle garda, te venn le pale bares oun zoreles, penell o baro Devel.

Ezekiel 36:36

Oun kol menshe an i vavar themma troul t'mende, kay djido ačan, kolla dikenn oun hayvenn, te krom me, o baro Devel, kova neves, hoy tele-phagedo his, oun moukom zenlepen oun djob bares te vell kote, kay či bares vas. Me, o baro Devel, penom kova glan-vi, oun me krau kova ninna yaake.

Hosea 14:5

Yaake penell o baro Devel: Me anau mire menshen pale ap miro drom, kay le tele peran. Me kamau len o djiyestar, oun hom bouder gar rhoyedo ap lende.

Amos 9:15

Me anau mire menshen pale an lengro them, hoy lende dom. Oun kek nay tserdell len dran lengro them vin. Kova penell t'maro baro Devel.

Micha 7:18

Kek Devel hi har tou, kay lell o čilačepen krik, hoy mer kram, oun kay bistrell koy doosh, hoy anam ap mende – mer, kay tire menshendar pral ačam. Tou ačeh gar rhoyedo pral mende hako tsiro, oun kreh tiro dji pre menge.

Zefanja 3:17

T'maro baro Devel hi pash t'mende, yob hi zorelo oun hi ap t'mari rig. Leskro dji givell pral t'mende, oun yob hi t'menge lačo. T'mari doosh lell lo t'mendar krik an peskro baro kamlepen, oun yob dell gole i barhtyatar pral t'mende,

5. Mose 28:63

Oun yaake har o baro Debleske shoukar his, te krell lo t'menge lačepen, oun te krell lo t'mendar boud menshe, yaake vell leske palle shoukar, te krell lo t'menge čilačepen, bis te ačenn gar boud t'mendar pral. Oun dran ko them, kay kanna dren djan, te lenn les t'menge dren, venn t'mer palle vin tserdedo.

5. Mose 30:9

T'maro baro Devel dell t'men barht an halauter, hoy t'mer krenn; t'mer lenn boud čave, boud firhe oun boud djob ap t'mari harhetikri phoub, te djal t'menge lačeder har mishto. Leske hi shoukar te krell lo t'menge lačepen, yaake har leske shoukar his, te kras lo lačepen ap t'mare phourende.