Jeremia 32:37 - O Debleskro Lab 2024 (Sinte-Manouche)

³⁷ Čačepah, me anau mire menshen pale kate an kava foro, dran kol tsele themma, kay me len tradau an miri bari rholi, hoy rhačell har i yag an mande. Me anau len pale an kava foro, te djivenn le kate kek daryah.

O Debleskro Drom 2021 (Sinte)

³⁷ Tchatchepah, me anau mire menshen pale kate an kau foro, dran kol tsele themma, kai me len tradau an miri bari choli, hoi chatchell har i jag an mande. Me anau len pale an kau foro, te djiwenn le kate kek darjah.

Jeremia 32:37 Iomraidhean Croise

Debleskri gili 106:47

Baro Devel, le men vin dran i vasta kol vavar menshendar, maro Devel! An men pale lauter khetne an o them Israel, te parkras men pash toute, kay kokres o čačo Devel hal. Mari barht hi, te nay sharah tout.

Jeremia 12:14

O baro Devel penella: Kol čilače menshe, kay djivenn troul mire menshende, oun tapran lengro them an, hoy dom mire menshende Israel, te vell ko them lengro hako tsireske, kolen lauter tradau dran lengro them vin. Oun o kheer Youda lau dran lengre vasta vin.

Jeremia 16:14

Dikenn, vell ko tsiro, penell o baro Devel, kay vell gar bouder sovel dino kal labentsa: … pash o djido Debleste, kay las kol Israelitaryen vin dran o them Egiptia.

Jeremia 16:15

Na-a, yon penenna: … pash o djido Debleste, kay las kol Israelitaryen vin dran ko them, hoy kote čiddo hi, kay norden hi, ninna dran kol tsele vavar themma, kay yob len tradas. Čačepah, me kamau len pale anell an ko them, kay dom lengre phourende.

Jeremia 21:5

Me kourau man t'mentsa o zorelo vasteha, oun hadau miri moussi ap t'mende bari rholyah, oun krau miro dji pandlo t'menge.

Jeremia 23:3

Oun me lau khetne kolen, kay djido ačan mire menshendar dran i tsele themma, kay tradom len. Me anau len pale khere. Kote djal lenge mishto, oun yon venn pale boud menshe.

Jeremia 23:6

An leskro tsiro vell o Youda vin lino dran i čilače vasta, oun o Israel nay djivell kek daryah. Oun i menshe denn les o lab o baro Devel krell men čačo.

Jeremia 23:8

Na-a, yon penenna: … pash o djido Debleste, kay las i Israelitaryen vin dran ko them, hoy kote čiddo hi, kay norden hi, ninna dran kol tsele vavar themma, kay yob len tradas. Palle djivenn yon pale an pengro them.

Jeremia 24:6

Ap lende dikau lačes, oun anau len pale pale an kava them. Oun moukau len pale bares te vell, oun krau len gar paash, krau len pale zoreles, oun tradau len bouder gar dran lengro them vin.

Jeremia 29:14

palle moukau man t'mendar te hatsell, penell o baro Devel. Oun me lau t'men dran t'maro pandepen vin, oun anau t'men khetne dran i tsele menshende oun themma, kay tradom t'men, penell o baro Devel. Oun me anau t'men pale an kava them, kay moukom t'men krik te anell.

Jeremia 30:18

Kova penell o baro Devel: Me anau mire menshen pale khere an pengro them, oun krau miro dji haki familyake pre. Oun o foro Yerusalem vell pale pre-čiddo ap peskre berge, oun o baro rayeskro zorelo kheer kote, kay lo tardo his.

Jeremia 31:10

Shounenn, t'mer menshe dran vavar themma, hoy o baro Devel penell! Djan pral o baro pani pash i panyeskre themma, oun rakrenn kote leskre laba! Penenn: Kova, kay tradas o Israel an boud themma, kova lell len pale khetne oun dell garda ap lende har i bakrengro ap peskre bakre garda dell.

Jeremia 32:15

O baro Devel, ko ray pral o bolepen oun i phoub, kay o Israeleskro Devel hi, penell: O tsiro vell, kay venn pale khera ginlo an kava them, ninna harhetikri phoub oun drakengro them.

Jeremia 33:16

An ko tsiro venn i menshe an Youda vin lino dran i čilače vasta, oun kolla an Yerusalem nay djivenn kek daryah. Oun o foro vell kharedo o baro Devel krell men čačo.

Jeremia 33:7

Ava, me krau te vell pale lauter mishto i menshenge Youda oun Israel, oun krau kal themma pale yaake zorelo, har his le glan kova.

Ezekiel 11:17

Me, o baro Devel, lengro ray, lau len khetne dran kol tsele themma oun natsyone, an kolende yon tradedo van, oun dau len o them Israel pale.

Ezekiel 20:34

Oun me lau t'men vin dran kol tsele themma oun natsyone, kay tradedo van, oun anau t'men pale khetne. I zorelo vasteha oun i pre-hadedi moussyah oun bari rholyah krau me kova.

Ezekiel 28:25

Me, o baro Devel, t'maro ray, penau: An ko tsiro, kay anau me i Israelitaryen pale khetne dran i tsele vavar themma, kay van le tradedo, sikrau koleha i menshen an i tsele themma te hom me o čačo Devel. Oun i Israelitarya djivenn pale an pengro them, hoy dom me miro boudepaskres, o Yakobeste.

Ezekiel 28:26

Oun yon djivenn an ko them, oun len hounte vell kek daar i vavar themendar. Yon krenn penge khera oun čivenn drakengre rouka an i phoub. Oun kek nay krell lenge čilačepen. An ko tsiro kay dau kol themma troul lende pengri phagi, kay tele dikan ap i Israelitarya, dikenn oun hayvenn i Israelitarya, te hom me o baro Devel lengro Devel.

Ezekiel 36:24

Me lau t'men vin dran i tsele themma oun vavar menshendar. Oun lau t'men khetne oun anau t'men an t'maro them.

Hosea 3:5

Pal ko tsiro venn i Israelitarya palpale pash o baro Debleste, kay lengro Devel hi, oun pash lengro baro rayeste – yekeste dran o kheer David. Oun trisslepah venn le pash o baro Debleste. Oun yob vell lenge lačes an ko tsiro, hoy vella.

Zefanja 3:20

An ko tsiro anau t'men khere. oun anau t'men khetne. An ko tsiro dikenn t'mer: Me krau, te vell t'menge pale lauter mishto. Me krau t'men bares oun an-dikles an i tsele themma ap kay phoub. Kova penell o baro Devel.

Zakarie 14:11

Kote, an o foro Yerusalem djivenn boud menshe. Kek vella, te dell lo o foro paash. I menshe kote nay djivenn kek daryah.

Zakarie 3:10

An ko emligo tsiro, moukell yek o vavares te penell: Am pash mande, te vas mer barhtelo tel i drakengre rouka oun tel i faygetikre rouka. Kova penell o baro Devel, ko ray pral o bolepen oun i phoub.