Jeremia 32:15 - O Debleskro Lab 2024 (Sinte-Manouche)

¹⁵ O baro Devel, ko ray pral o bolepen oun i phoub, kay o Israeleskro Devel hi, penell: O tsiro vell, kay venn pale khera ginlo an kava them, ninna harhetikri phoub oun drakengro them.

O Debleskro Drom 2021 (Sinte)

¹⁵ O baro Dewel, ko rai pral o bolepen un i phub, kai o Israeleskro Dewel hi, penell: O tsiro well, kai wenn pale khera ginlo an kau them, ninna hachetikri phub un drakengro them.

Jeremia 32:15 Iomraidhean Croise

Jesaja 44:26

Me krau, te venn kol laba čačo, hoy miro boudepaskro rakras. Oun kova, hoy mire bičepangre glan-vi penan, moukau yaake te djal, har le les penan. Me hom kova, kay ap o foro Yerusalem penell: “Mou djivenn menshe an toute!” Oun pral i forya an o them Youda penau: “Yon venn pale pre tardo.” Lauter hoy khetne phagedo hi, čivau me pale pre tardo!

Jeremia 30:18

Kova penell o baro Devel: Me anau mire menshen pale khere an pengro them, oun krau miro dji haki familyake pre. Oun o foro Yerusalem vell pale pre-čiddo ap peskre berge, oun o baro rayeskro zorelo kheer kote, kay lo tardo his.

Jeremia 31:12

Yon venna pral ap i berga Sion, oun denn gole i barhtyatar, oun venn barhteles pral kova, hoy o baro Devel len dell: djob, mool, djet oun terne bakre oun groumya. Lengre djia venn zorelo har i garta, kolat hako tsiro doha pani hi. Oun lenge hi bouder gar ropaske.

Jeremia 31:24

An o them Youda oun an leskre tsele forya djivenn pale menshe, ninna harhe oun bakrengre, kay djan pengre bakrentsa trouyel.

Jeremia 31:5

Tou čiveh pale drakengre rouka an i phoub ap i berge an Samaria, oun rhah lengre drake.

Jeremia 32:14

Kava penell o baro Devel, ko ray pral o bolepen oun i phoub, kay o Israeleskro Devel hi: Le kal lila, ko pandlo ginepaskro liil khetne ko lileha, hoy gar pandles hi, oun čip len an i khoro, te ačenn le i rah tsiro tseles.

Jeremia 32:25

Oun tou, baro Devel, miro ray, peneh ap mande: Gin touke i kotar them, oun playse kol love, te vell lo toute! Oun le morshen pashel, te dikenn le halauter, har tou gineh ko kotar them. Kova penal, ninna te vell kava foro an o vast i menshendar dran o them Babilonia dino!

Jeremia 32:37

Čačepah, me anau mire menshen pale kate an kava foro, dran kol tsele themma, kay me len tradau an miri bari rholi, hoy rhačell har i yag an mande. Me anau len pale an kava foro, te djivenn le kate kek daryah.

Ezekiel 28:26

Oun yon djivenn an ko them, oun len hounte vell kek daar i vavar themendar. Yon krenn penge khera oun čivenn drakengre rouka an i phoub. Oun kek nay krell lenge čilačepen. An ko tsiro kay dau kol themma troul lende pengri phagi, kay tele dikan ap i Israelitarya, dikenn oun hayvenn i Israelitarya, te hom me o baro Devel lengro Devel.

Zakarie 3:10

An ko emligo tsiro, moukell yek o vavares te penell: Am pash mande, te vas mer barhtelo tel i drakengre rouka oun tel i faygetikre rouka. Kova penell o baro Devel, ko ray pral o bolepen oun i phoub.