Jeremia 31:9 - O Debleskro Lab 2024 (Sinte-Manouche)

⁹ Yon venna ropah. Oun me rakrau lenge lačes, oun anau len pash panya oun ap lače dromma, te perell kek; me hom o Israeleskro dad, oun o Efrayim hi miro phoureder čavo.

O Debleskro Drom 2021 (Sinte)

⁹ Jon wenna ropah. Un me rakrau lenge latches, un anau len pash panja un ap latche dromma, te perell kek; me hom o Israeleskro dad, un o Efrajim hi miro phureder tchawo.

Jeremia 31:9 Iomraidhean Croise

1. Familjakro liil 29:10

oun sharas o baro Debles glan i tsele menshende, oun penas: Baro Devel, tou Devel maro dadestar Israel, mer sharah tout kanna oun hako tsiro.

Debleskri gili 107:7

Oun yob sikras len o čačo drom, yaake te van le an i foro, kay menshe djivenna.

Debleskri gili 23:2

Yob moukell man tele te čivell ap i phoub pherdo zenlepen, oun anell man pash lačo pani.

Debleskri gili 89:27

Yob penell ap mande: Tou hal miro dad, miro Devel, kova, kay rikrell peskre vasta pral mande oun vell ap miri rig.

2. Mose 4:22

Oun rake ap leste: Yaake rakrella o baro Devel: O Israel hi miro phoureder čavo.

Jesaja 42:16

Mire menshen, kay hi har korele, sikrau i drom, kolestar yon či djinenn. Oun anau len ap dromma, kolendar yon či shounan. Yon djivenn har an kali rat, oun me lau o tamlepen glan lende krik. Oun kol barra, hoy ap lengro drom čiddo hi, lau krik. Kava krau lenge, oun moukau len gar.

Jesaja 43:20

Mire vi-rodede menshenge dau pani an o moulo them, ava, lengste zorele panya an o tato them. Doleske sharenn man i divye firhe, ninna i divye djoukle oun bare divye čirkle.

Jesaja 45:11

Kava penell o baro Devel, kay kokres o čačo Devel hi. Yob hi o Israeleskro Devel, oun kova, kay les kras: Hounte penap t'menge, hoy mire čaventsa krau? Kamenn mange glan te činell, hoy te krap mire vastentsa?

Jesaja 57:14

O baro Devel penell: Krenn o drom! Krenn o drom! Krenn mire menshenge o drom! Lenn halauter krik, hoy lenge ap o drom čiddo hi!

Jesaja 63:13

Kay hi kova, kay moukas mare phouren mank telstoune panya te djal, yaake har divye graya, hoy zoreles ap i herya hi?

Jesaja 63:16

Tou hal maro dad. O Abraham djinell či mendar, oun o Yakob prindjrell men gar. Tou, baro Devel, hal maro dad, kova kay men vin las dran o them Egiptia. Glan rah tsiro kral tou touke koleha i baro lab.

Jesaja 64:8

Baro Devel, mouk tiri rholi gar yaake bares te vell, te bistress mari doosh gar bouder. Dik ap mende, mangah tout, tire menshe ham halauter.

Jeremia 3:19

Me, o baro Devel penom, har nay rikrau me tout, har te vess tou miro čavo? Kamoms te dap tout ko lačo them, ko shoukester kotar them i tsele themendar. Oun patsom, tou peness palle ap mande kamlo tata, oun djals bouder gar mandar krik.

Jeremia 3:4

Oun kanna peneh ap mande: Kamlo dad, tou hal miro maal yaake rah har djivau.

Jeremia 31:20

Efrayim, tou hal miro kouč čavo, miro čavo, koles kamau boud! Hako kopo, kay hounte dap les trad, vell lo mange gar dran o shero. Miro dji dell zoreles an mande: me hounte vap leske lačes, penell o baro Devel.

Jeremia 50:4

An kol divessa oun ap ko emligo tsiro, penell o baro Devel, venn kol menshe dran o them Israel, khetne kol menshentsa dran o them Youda oun djan trouyel o ropah, oun rodenn man, pengro Debles.

Hosea 12:4

Har lo an o per peskri datar his, rhorhras lo peskro phrales. Oun har lo i morsh vas, kouras lo pes o Debleha.

Hosea 3:5

Pal ko tsiro venn i Israelitarya palpale pash o baro Debleste, kay lengro Devel hi, oun pash lengro baro rayeste – yekeste dran o kheer David. Oun trisslepah venn le pash o baro Debleste. Oun yob vell lenge lačes an ko tsiro, hoy vella.

Zakarie 12:10

O Davideskre menshenge oun i menshenge an Yerusalem krau lengre djia pre, te venn le kamles yek ap o vavareste oun mangenn mandar lačepen. Oun yon dikenn ap koleste, kay dan le an i rig čourye. Oun yon denn gole i ropah pral leste, har yek pral peskro moulo čaveste gole dell, koles kek vavar čave hi, oun har rovenn i menshe pral pengro phoureder čavo, kay meras.

Maleachi 2:10

Men halauteren hi yek dad! O emligo Devel kras men halauter! Hoske phoukrell ko yek ap o vavareste, oun rikrell pes gar ap kova, hoy o baro Devel mare phourentsa vin kras?

4. Mose 2:18

Ap koy rig, kay o kham tele djala, hounte čivenn kolla pengre plarhtene khera pre pash pengri pre-čiddi plarhta, kay venna dran o kheer Efrayim. Pash lende hi ninna lengre lourde 40.500 (star-deesh-zerya-panč-sheel) morsha. Lengro pralstouno hi o Elishama, leskro dad hi o Ammihoud.

Mateo 3:3

O Yohanni hi ko morsh, kolestar o Debleskro rakepaskro, o Yesaya, penas: Kote hi yek, kay an o moulo them gole della oun penella: Krenn o drom o Debleske, te nay vell lo pash i menshende! Lenn halauter krik, hoy o Debleske an o drom čiddo hi.

Mateo 5:4

Barhtele hi kolla, kay kanna rovenna. O Devel lell lengri douk dran lengro dji.

Mateo 6:9

T'mer te rakrenn o Debleha, penenn: Maro dad an o bolepen. Tiro lab vell sharedo!

Louka 6:21

Barhtele han t'mer, kay kanna bokenna. T'mer venna čalo. Barhtele han t'mer, kay kanna rovenna. T'mer san pale.

Remarja 8:26

Ninna vell o Debleskro Dourho ap mari rig, kay ham gar zorelo. Te kamah mer te rakras o Debleha oun djinah gar, hoy te mangas lestar, palle rakrell o Debleskro Dourho menge i labentsa, hoy kek nay rakrell vin.

2. Korintarja 6:18

Oun me kamau t'maro dad te vell, oun t'mer han mire čave oun mire ča. Kova penell o baro Devel, kay hi o ray pral o bolepen oun i phoub.

5. Mose 14:1

T'mer han i čave t'maro baro Deblestar. An ko tsiro, kay rovenn i mouleske, ma činenn t'maro mass leske! Oun ma činenn i balla pral t'mare yaka!

5. Mose 32:6

T'mer dinele menshe, kolen kek gosvepen hi, parkrenn t'mer t'men yaake pash t'maro baro Debleste? Hi yob gar t'maro dad, kay kras t'men? Kova, kay kras t'mendar i natsyona?

Hebrearja 12:13

Ačenn ap o čačo drom, te venn kolla, kay gar zorelo hi, sasto an o patsepen, oun te perenn le gar ko dromestar tele!

Hebrearja 12:23

Kote venna o Debleskre čave khetne. Lengre laba hi an o bolepen pre činlo. Kote hi o Devel, kay rakrell o čačepen vin pral i tsele menshende. Kote hi ninna kol tsele patsle, kay meran oun kolen o Devel pash peste las.

Hebrearja 5:7

Har o Yezous ap i phoub djivas, kras lo lauter, hoy o Devel kamas. Doleske shounas les o Devel. An i daar mangas o Yezous o Debles i ropah oun bari golyah. Yob djinas, kova nay lell les dran o merepen vin.

Debleskro tsiro 7:17

O terno bakro, hoy mashkral o Debleskro beshepaskro hi, kova dell yak ap lende, har i bakrengro ray ap peskre bakre yak della, oun anell len pash o pani, hoy o djipen della. Oun o Devel khossell hake sva ap lengre yaka tele.