Jeremia 31:8 - O Debleskro Lab 2024 (Sinte-Manouche)

⁸ Ava, me, o baro Devel, anau len dran o them, hoy kote čiddo hi, kay norden hi. Oun anau len khetne dran i tsele themma ap i phoub, ninna kolen, kay korelo, bango oun an vavar koova hi, ninna i terne daya. Kolla lauter hi boud boud menshe, kay venn pale kay.

O Debleskro Drom 2021 (Sinte)

⁸ Awa, me, o baro Dewel, anau len dran o them, hoi kote tchiddo hi, kai norden hi. Un anau len khetne dran i tsele themma ap i phub, ninna kolen, kai korelo, bango un an wawar koowa hi, ninna i terne daja. Kolla lauter hi bud bud menshe, kai wenn pale kai.

Jeremia 31:8 Iomraidhean Croise

Debleskri gili 107:3

Yob anas len khetne dran boud themma, kotar, kay o kham pre-djala, kotar, kay o kham tele djal, kotar, kay o kham gar vell, oun kotar, kay o kham pralstounes tardo hi.

Debleskri gili 65:5

Har barhtelo hi kova, koles tou touke vin rodal, oun moukeh les pash toute te vell, te djivell lo ap i platsa glan tiro kheer. Kova vell čalo o lačepastar an tiro raylo kheer, kay tou djiveh.

Debleskri gili 98:3

Yob bistras gar peskro lačepen o khereske Israel, oun rikrell peskro lab, hoy das lo lende. I tseli phoub dikas, har las lo len vin dran o čilačepen.

Jesaja 40:11

Yob dell yak ap lende har i bakrengro dell yak ap peskre bakre oun dell len te rhal, oun lell i terne bakren an peskre moussya, oun hidjrell len an peskri baya. Oun kolla, kay len terne hi, lenge djal lo lačes trouyel.

Jesaja 42:16

Mire menshen, kay hi har korele, sikrau i drom, kolestar yon či djinenn. Oun anau len ap dromma, kolendar yon či shounan. Yon djivenn har an kali rat, oun me lau o tamlepen glan lende krik. Oun kol barra, hoy ap lengro drom čiddo hi, lau krik. Kava krau lenge, oun moukau len gar.

Jesaja 43:6

Ap i rayende pral i themma, hoy hi serves oun čačes toutar, penau: De kay! Ma rike len pale! Anenn mire čaven oun čen foun doural, anenn len dran i palstoune themma i phoubyatar!

Jesaja 45:22

T'mer menshe ap i tseli phoub, avenn pash mande! Oun me lau t'men dran o čilačepen vin. Me hom o Devel oun dell kek vavar har man!

Jesaja 52:10

Glan i yaka i menshendar an i tsele themma sikrell o baro Devel peskri zoor, kolah yob peskre menshen vin lell dran o pandepen. Ap i tseli phoub dikenn le, har maro Devel peskre menshen khere anell.

Jeremia 16:15

Na-a, yon penenna: … pash o djido Debleste, kay las kol Israelitaryen vin dran ko them, hoy kote čiddo hi, kay norden hi, ninna dran kol tsele vavar themma, kay yob len tradas. Čačepah, me kamau len pale anell an ko them, kay dom lengre phourende.

Jeremia 23:3

Oun me lau khetne kolen, kay djido ačan mire menshendar dran i tsele themma, kay tradom len. Me anau len pale khere. Kote djal lenge mishto, oun yon venn pale boud menshe.

Jeremia 23:8

Na-a, yon penenna: … pash o djido Debleste, kay las i Israelitaryen vin dran ko them, hoy kote čiddo hi, kay norden hi, ninna dran kol tsele vavar themma, kay yob len tradas. Palle djivenn yon pale an pengro them.

Jeremia 29:14

palle moukau man t'mendar te hatsell, penell o baro Devel. Oun me lau t'men dran t'maro pandepen vin, oun anau t'men khetne dran i tsele menshende oun themma, kay tradom t'men, penell o baro Devel. Oun me anau t'men pale an kava them, kay moukom t'men krik te anell.

Jeremia 3:12

Dja koy oun de kol laba gole ap kolende, kay djivenn an o norden oun pen: “Tou Israel, kay djal mandar krik, am pale”, penas o baro Devel. Palle kamau bouder gar rhoyedo ap t'mende te dikell. Man hi i dji t'menge, oun kamau gar hako tsiro rhoyedo te vell ap t'mende.

Jeremia 3:18

Ap ko dives djan kol menshe dran o kheer Youda pash kol menshende dran o kheer Israel: Oun yon djan khetne khere dran o norden an ko them, hoy dom me t'mare phourende, te ačell kova lengro.

Ezekiel 20:34

Oun me lau t'men vin dran kol tsele themma oun natsyone, kay tradedo van, oun anau t'men pale khetne. I zorelo vasteha oun i pre-hadedi moussyah oun bari rholyah krau me kova.

Ezekiel 20:41

Te soungau ko lačo soungepen, hoy dran kova vin vell, hoy t'mer mange rhačrenn, dikau lačes ap t'mende. Yaake vell kova an ko tsiro, kay lom t'men vin dran i themma oun natsyone, kay van tradedo. Oun i tsele vavar natsyone dikenn, te hom me o čačo Devel.

Ezekiel 34:12

Yaake har i bakrengro, kay pash peskre bakre hi, kolen rodell, kay nashran pen, yaake rodau me mire bakren, oun lau len pale dran haki platsa, kay le tradedo van ap ko djoungelo kalo dives.

Ezekiel 34:13

Oun me anau len vin dran vavar themma oun vavar menshendar. Oun anau len pale khetne an lengro them. Oun me hom lenge koy ap i berge an o them Israel, oun pash i panya, oun ap hake platse, kay i menshe djivenn an o them.

Ezekiel 34:16

Kolla, kay nashedo hi, rodau me. Oun kolla, kay nashran pen, anau me pale. Oun kolla, kay pen doukran, pandau i diklo trouyel. Oun kolla, kay nasselo hi, krau zoreles. Oun i thoullen oun zorelen lau an i yak. Me dau yak ap lende har mishto hi.

Micha 4:6

O baro Devel penell: O tsiro vell, kay anau mire menshen pale khetne, yaake har anell i bakrengro peskre bakren pale khere, hoy doukedo hi oun krik tradedo van. Me dom len pengri phagi.

Zefanja 3:19

O tsiro vella, kay dau i phagi halauterenge, kay t'men tele rikran, oun vau kolenge t'mendar ap i rig, kay doukedo hi. Oun anau kolen khere, kay vin tradedo van. Oun krau, te venn le sharedo oun hadedo an i tsele themma, kay i menshe rikrenn kanna či lendar.

Zakarie 2:6

Oun me poučom lestar: “Kay djah tou?” Yob penas: “Kamau te dikap pal, har baro oun bourhlo o foro Yerusalem hi.”

Mateo 12:20

Yob hi lačo ap koleste, kay hi les bouder gar boud zoor. Yob phagell les gar har i kasht, kay hi an-phagedo. Ninna i momeli, hoy gomme i tikno kotar rhačella, krell lo gar vin. Yaake hi lo, bis te hi peskro čačepen pral halauter tardo.

Johanni 21:15

Pal o rhapen penas o Yezous ap o Simon Petreste: “Simon, tou o Yohanneskro čavo, kameh tou man boudeder har kal tsele vavar man kamenna?” “Ava, ray!” penas yob ap leste. “Tou djineh, kay me kamau tout o djiyestar.” “De mire tikne bakren te rhal!” penas o Yezous.

1. Korintarja 8:10

Tou patseh, tou hal gosevo an o patsepen oun hayval, te nay rhah ko mass, hoy glan koy figura anlo vas, oun tou djah an ko kheer, kay mangenn le kolat an, oun rhah ko mass. Djineh tou, hoy nay vella, te dikell tout yek, kay gar zoreles an o patsepen hi? Kova nay vell yaake, te rhal yob ninna ko mass, ninna te penell leskro dji leske: “Ma kre kova!”

5. Mose 30:4

Te vans t'mendar yaake dour krik tradedo bis an o palstouno them ap kay phoub, ninna kotar anell t'men t'maro baro Devel khetne oun pale pale.

1. Tessalonikarja 5:14

Mire phrala, kanna penah t'menge, hoy te krenn: Denn kolen trad, kay kamenn gar te boudrell! Rakrenn kolentsa mishto, kay hi dareno! Krenn kolen zoreles, kay hi gar zorelo an o patsepen! Denn kekes sik pre!

Hebrearja 12:12

Doleske avenn pale zoreles! Hadenn t'mare vasta pale pre, hoy khino van! Krenn t'mare herya pale zoreles, an lende bouder kek zoor hi!

Hebrearja 4:15

Yob, maro baro rashay, hayvell men mishto, oun djinella, te hi men kek zoor pral o čilačepen. Les kamas o beng ninna o Debleskro dromestar tele te anell, yaake har kamell lo men o Debleskro dromestar tele te anell. Yek koova his an o Yezouseskro djipen vavarčandes har pash mende: Kek čilačepen his an leste.