Jeremia 31:3 - O Debleskro Lab 2024 (Sinte-Manouche)

³ O baro Devel sikras pes mande foun doural: Me kamom tout hako tsiro, doleske tserdom tout pash mande dran miro lačepen.

O Debleskro Drom 2021 (Sinte)

³ O baro Dewel sikras pes mande fun dural: Me kamom tut hako tsiro, doleske tserdom tut pash mande dran miro latchepen.

Jeremia 31:3 Iomraidhean Croise

1. Rajengro liil 10:9

Sharedo vell o baro Devel, kay tiro Devel hi, yob, kay dikell lačes ap toute, oun kras te val o ray pral o Israel! O baro Devel kamell peskre menshen Israel an hako tsiro. Doleske čivas lo tout pral lende, te vess lengro ray, te aness o čačepen pash lende, oun hakeno peskro čačepen lell.”

Debleskri gili 103:17

O lačepen o baro Deblestar hi gar yaake. Kova ačella hako tsireske. An kek tsiro lell lo les krik kolendar, kay djivenn leha. Ninna lengre čavenge oun kolengre čavenge rikrell yob peskro lab,

Debleskri gili 25:6

Miro baro Devel, ma biste tiro kamlepen oun tiro lačepen, hoy hako tsiro ap tire menshende sikral.

Kamlepaskri gili 1:4

Le miro vast, tradas men! Miro pirno mou anell man khere pash peste! Mer kamah khetne te sanell oun barhteles te vell. Tiro kamlepen hi mange shoukeder har mool. Kol čen hi čačo, kay tout kamenna.

Jesaja 43:4

Tou hal mange yaake kouč oun boud moldo, oun kamau tout o tselo djiyestar, te dap menshen touke koy, oun dau themma koy, te nay djivess tou.

Jesaja 45:17

O Israel vell vin lino o baro Deblestar dran o čilačepen hako tsireske. Kek ladj oun kek praasepen vell ap leste – an kek tsiro.

Jesaja 49:14

I menshe dran Sion penenn: O baro Devel moukas men. Maro ray bistras men.

Hosea 11:1

Har o Israel terno his, kamom les o djiyestar, oun dran o them Egiptia kharom les, miro čaves.

Hosea 11:4

Lačepah tserdom len, oun kamlepah sikrom lenge lengro drom, oun hidjrom khetne lentsa ko pharepen ap lengre phika, oun me djom ap mire čanga, te dap len te rhal.

Maleachi 1:2

“Me kamau t'men o djiyestar”, penell o baro Devel. T'mer penenn mange koy pre pale: “Har dikah mer kova, kay tou kameh men?” “Hi gar o Esau oun o Yakob phrala?” penell o baro Devel. “Oun me kamau o Yakobes,

Remarja 8:30

Kolen yob vin rodas, kolen das lo ninna gole, te djivenn le leha khetne. Oun kolen, kay yob gole das, kolen čivas lo an o čačepen. Oun kolen, kay yob an o čačepen čivas, kolen kras lo ninna erligo, te djivenn le leha khetne an leskro raylepen.

Remarja 9:13

Yaake hi kova an o Debleskro lab činlo: Me kamom o Yakobes. O Esaes kamom gar.

5. Mose 10:15

T'mare phouren kamas lo o djiyestar. Oun t'mer, kay lendar van, rodas lo peske vin mank i menshende dran an i tsele vavar themma. Oun ninna kava dives han t'mer leskre vi-rodede menshe.

5. Mose 33:26

Israel, kek devel hi har tiro Devel. Pherdo raylepen hi lo beshdo ap volke oun djal pral o bolepen, te vell lo ap tiri rig.

5. Mose 33:3

O baro Devel kamell peskre menshen o djiyestar. Yob rikrell peskro vast pral halauterende, kay leske hi. Yon beshenn pen pash leskre pire, oun shounenn ap leskre laba.

5. Mose 4:37

Yob kamas t'mare phouren o tselo djiyestar, oun rodas lengre čaven vin oun kolengre čaven, oun halauter kay lendar venna. Oun yob djas t'mentsa, har anas lo t'men vin dran o them Egiptia peskri bari zoryah,

2. Timoteo 1:9

Yob las men dran o čilačepen vin, oun das men gole, te djivas leha khetne. His gar dran maro lačo koova, te das lo men gole. Na-a. Kova his an leskro dji, te vas lo menge lačes. Har o bolepen oun i phoub gomme gar koy his, his an leskro dji, te bičrell lo o Yezous Kristes menge ap i phoub.

Jakobo 1:18

Yob kamas, te vam mer leskre čave. Kolla vam, har menge leskro čačo lab penlo vas. Yaake vam mer o feteder mank lauter, hoy o Devel kras.

1. Petro 1:3

Mer sharah o Debles, ko dades maro rayestar, o Yezous Kristestar. O Devel kamas men yaake boud, te vas yob maro dad oun das men o nevo djipen. Oun an mare djia djinah zoreles, yaake har yob o Yezous Kristes i moulendar djido kras,

1. Johanni 4:19

O Devel kamas men o djiyestar. Doleske kamah mer o Debles oun i menshen ninna.