Jeremia 31:2 - O Debleskro Lab 2024 (Sinte-Manouche)

² O baro Devel penell: Kol menshe, kay van gar maredo o rhareha, lenge sikrau lačepen an o moulo tato them; o Israel hi ap o drom khere.

O Debleskro Drom 2021 (Sinte)

² O baro Dewel penell: Kol menshe, kai wan gar maredo o chareha, lenge sikrau latchepen an o mulo tato them; o Israel hi ap o drom khere.

Jeremia 31:2 Iomraidhean Croise

Debleskri gili 78:52

Palle anas yob peskre menshen vin, oun djas glan lende har i bakrengro djal glan peskre bakre, oun sikras len o drom an o moulo tato them.

Debleskri gili 95:11

Doleske dom man sovel an miri rholi: “Yon te djan gar dren an miro them, kay nay vans le khere!”

2. Mose 1:16

“Te lenn kol hebretikre djouvya čaven, pale krenn i morsh čaven moules, kol čen moukenn te djivell!”

2. Mose 1:22

Kanna penas o Farao ap i Egiptarya an peskro tselo them: “Kol tsele morsh čave, hoy neves boldo van, vitsrenn an o pani Nil! Oun i čen moukenn te djivell!”

2. Mose 12:37

Oun i Israelitarya djan vin dran o foro Ramses oun djan pash o foro Soukot. Kokres i morsha his 600.000 (shob-sheel-zerya). Ninna lengre romya oun čave his pashel.

2. Mose 2:23

Pal i rah tsiro meras o baro ray pral o them Egiptia. Fothe phares hounte boudran i Israelitarya tel dava oun dan gole, te shounas len o Devel.

2. Mose 33:14

O Devel penas: “Me djau glan toute oun anau tout an i them, kay tou khere hal.”

2. Mose 5:21

“O baro Debleskri rholi vell ap t'mende! T'mer kran, te ham o Faraeske oun leskre pralstunenge har djoukle. Kanna hi an lengre vasta, te nay marenn le men.”

Jeremia 2:2

Dja koy, oun rake glan i tsele menshende an o foro Yerusalem, oun pen: Kova penell o baro Devel: Israel, me djinau, har ap mande rikral har terno hals, oun har kamal man har i pirni peskro pirnes, oun har tou mantsa djal an o moulo tato them, an ko them, kay či bares vell an i phoub.

Ezekiel 20:35

Oun anau t'men an o moulo tato them mashkral kol vavar natsyone. Oun kote krau me o čačepen pral t'mende vin, yaake te dikas mer menge an i yaka.

Hosea 11:4

Lačepah tserdom len, oun kamlepah sikrom lenge lengro drom, oun hidjrom khetne lentsa ko pharepen ap lengre phika, oun me djom ap mire čanga, te dap len te rhal.

4. Mose 10:33

Yaake moukan le o baro Debleskri berga pal pende oun djan triin divessa dour. Oun kolla, kay hidjran o sonakaskro morhton, kay o baro Debleskre deesh laba dren hi, djan glan lende oun sikran lende, kay ačenn le tardo.

4. Mose 14:20

Oun o baro Devel penas: “Me bistrau lengro djoungelo koova, yaake har tou kova mangal.

Mateo 11:28

T'mer marenna t'men tele, te krenn kova, hoy t'mare phoure ap t'mende penan. Avenn pash mande! Me lau ko pharo koova t'mendar, te lenn t'mer pale nevi zoor.

5. Mose 1:30

T'maro baro Devel djal glan t'mende vin oun kourell pes t'menge, yaake har lo glan t'mare yaka an o them Egiptia t'menge kras.

5. Mose 1:33

koles, kay o tselo drom glan t'mende djas, te sikrell lo t'mende i platsa, kay nay čivenn t'men tele, Yob sikras t'menge o drom rati an i yag, oun pral o dives an i folka.

5. Mose 12:9

Kanna van gomme gar khere an ko them, hoy t'men t'maro baro Devel dell, te vell les t'maro.

5. Mose 2:7

Ma bistrenn, maro baro Devel das men barht an halauter, hoy mare vasta kran. Yob das yak ap mende ap o drom an kava baro moulo them: Star-deesh (40) bersha his o baro Devel mentsa, oun halauter hoy men hounte vas, das lo men.

5. Mose 8:16

oun das t'men Manna te rhal an o moulo tato them, ko maro, hoy t'mare phoure gar prindjran. Kote sikras lo t'men: Te hi lo gar t'mentsa, nay krenn či. Ninna kamas lo vin te hatsell, hoy an t'mare djia hi, te nay krell lo les t'menge pal kova mishto.

Josua 1:13

“Ma bistrenn ko lab, hoy penas t'menge o Mose, koles o baro Debleskro čačo vast his. Yob penas: O baro Devel, kay t'maro Devel hi, yob kras, te van khere oun das t'men kava them.