Jeremia 31:16 - O Debleskro Lab 2024 (Sinte-Manouche)

¹⁶ Kanna penell o baro Devel: Mouk tiri gole oun tiro ropen! Khosse tire sva! Kova, hoy kral tire čavenge, his gar čičeske, penell o baro Devel. Yon venn pale pale dran o them, kay van le tele rikedo.

O Debleskro Drom 2021 (Sinte)

¹⁶ Kanna penell o baro Dewel: Muk tiri gole un tiro ropen! Khosse tire swa! Kowa, hoi kral tire tchawenge, his gar tchitcheske, penell o baro Dewel. Jon wenn pale pale dran o them, kai wan le tele rikedo.

Jeremia 31:16 Iomraidhean Croise

1. Mose 43:31

Pal kova thovas lo peskre yaka, djas vin oun las pes khetne oun penas: “Anenn o rhapen!”

1. Mose 45:1

Koy rikras pes nay o Yosef bouder gar pale glan lauterende, kay troul leste tardo hi. Oun yob bičras i tsele Egiptaryen vin. Oun kek his pashel, har yob penas, kay yob lengro phraal hi.

2. Familjakro liil 15:7

T'mer, avenn zorelo, ma moukenn t'men daar te krell! O baro Devel playsrell t'men koleske, hoy krenn!”

Debleskri gili 126:5

Koon ropah o djob an i phoub vitsrella, kova dell gole i barhtyatar ap ko dives, kay lell lo o djob dren.

Debleskri gili 30:5

Bashrenn o baro Debleske, t'mer, kay han leskro! Sharenn les, oun bistrenn gar, te hi lo o Devel.

Sikepaskro 9:7

Doleske rha tiro maro oun pi tiri mool i barhtelo djiyeha; kova kamell o Devel yaake toutar.

Jesaja 25:8

O merepen lell lo krik hako tsireske. O baro Devel, maro ray, khossell palle hakeneske i sva tele. Oun koy ladj, hoy ap peskre menshende čiddo hi an hake themma, lell lo lendar krik. Kova penas o baro Devel.

Jesaja 30:19

T'mer menshe an o foro Yerusalem, kay djivenn ap i berga Sion, t'mer hounte rovenn bouder gar. Te denn t'mer ap leste gole, hi lo lačes ap t'mende. Yaake sik har shounell lo t'mari gole, rakrell lo ap t'mende pale.

Jesaja 40:10

Dikenn, o baro Devel, maro ray, vell bari zoryah. Oun yob hi o ray pral halauter. Kolen, kay yob vin las dran o pandepen, hi pash leste. Ava, kolen, kay yob peske ginas, djan leske glan vin.

Jeremia 23:3

Oun me lau khetne kolen, kay djido ačan mire menshendar dran i tsele themma, kay tradom len. Me anau len pale khere. Kote djal lenge mishto, oun yon venn pale boud menshe.

Jeremia 29:14

palle moukau man t'mendar te hatsell, penell o baro Devel. Oun me lau t'men dran t'maro pandepen vin, oun anau t'men khetne dran i tsele menshende oun themma, kay tradom t'men, penell o baro Devel. Oun me anau t'men pale an kava them, kay moukom t'men krik te anell.

Jeremia 30:18

Kova penell o baro Devel: Me anau mire menshen pale khere an pengro them, oun krau miro dji haki familyake pre. Oun o foro Yerusalem vell pale pre-čiddo ap peskre berge, oun o baro rayeskro zorelo kheer kote, kay lo tardo his.

Jeremia 30:3

Dik, o tsiro vella, kay lau o pandepen krik mire menshendar, o kherestar Israel oun o kherestar Youda, penell o baro Devel; Oun me anau len pale an ko them, hoy lengre phourende dom, te vell kova lengro them.

Jeremia 33:11

kote vell pale sapen shounlo oun barhteli gole. O pirno oun leskri pirni, kay i biyab krenn, givenn pale. Oun vavar anenn firhen an miro kheer, te parkrenn le pen pash mande, oun givenn koy pashel: Parkrenn t'men pash o baro Debleste, ko rayeste pral o bolepen oun i phoub; yob hi kamles ap mende. Hako tsiro hi leskro lačepen menge koy. Me krau te djal kava themeske pale yaake mishto, har leske glan kova djas.

Jeremia 33:7

Ava, me krau te vell pale lauter mishto i menshenge Youda oun Israel, oun krau kal themma pale yaake zorelo, har his le glan kova.

Ezekiel 37:21

Oun pen ap lende: Kava penell o baro Devel, maro ray: Denn yak, me lau i Israelitaryen dran kol tsele themma vin, an kolende yon hounte djan, oun lau len khetne haki rigyatar, oun anau len pale an lengro them.

1. Tessalonikarja 4:14

Mer patsah, te meras o Yezous oun stas i moulendar pale pre. Doleske djinah ninna, ap ko dives, kay vell o Yezous pale, anell o Devel ninna kolen khetne leha, kay an o patsepen meran.

Hebrearja 11:6

Te hi yekes kek patsepen, nay krell lo gar, hoy hi lačo glan o Debleskre yaka. Koon kamell pash o Debleste te vell, kova hounte patsell, te hi o Devel djido, oun te hi lo lačo ap koleste, koon rodell les.

Hebrearja 6:10

O Devel hi lačo oun čačo, oun bistrell gar t'maro kamlepen ap leste, har boudran i patslenge, oun krenn kova gomme kanna doureder.

Ruth 2:12

O baro Devel mou dell tout ko lačepen pale, hoy tou lake kral! Yob, o baro Devel, ko Devel pral o Israel, pash koleste tou val, oun tel koleskro vast tout khatral, yob te dell tout i shoukar bravlepen halautereske, hoy kral.”