Jeremia 30:5 - O Debleskro Lab 2024 (Sinte-Manouche)

⁵ Yob penas: Mer shounah i gole i trashatar; kokres i daar hi koy oun kek lačepen.

O Debleskro Drom 2021 (Sinte)

⁵ Job penas: Mer shunah i gole i trashatar; kokres i daar hi koi un kek latchepen.

Jeremia 30:5 Iomraidhean Croise

Jesaja 5:30

Oun an ko tsiro vell pral lende i bari gole, savi gole har o baro pani krell. Oun te dikell yek palle tele ap i phoub, dikell lo kalepen oun bare douka. Oun pesse volke krenn, te vell o dives tamlo.

Jesaja 59:11

Har pandle divye firhe dah gole i doukatar, oun rovah har i taube. Mare djia nashenn pal ko dives, kay vell menge o Devel ap i rig, oun lell men vin dran i čilače vasta. Yob vell gar, oun či djala.

Jeremia 12:12

Pral ko nango pralstouno them venn kol kourepangre, kay denn lauter khetne. O baro Devel anas len kay, te kourenn le pen i menshentsa an o tselo them, yek rigyatar bis ap i vavar. Oun kek nay nashell peske lendar.

Jeremia 25:36

Shounenn, har denn i pralstoune gole! Shounenn, har rovenn le! O baro Devel krell lengro lačo them paash.

Jeremia 30:4

Oun kalla hi kol laba, hoy o baro Devel rakras pral i menshende dran Israel oun dran Youda.

Jeremia 46:5

Hoy dikau me kote? poučell o baro Devel. Len hi traash, kol lourde, oun tserdenn pen pale! Ninna i zorele kourepangre venn dino. Hakeno nashell yaake sik har djala, oun dikell bouder gar pal peste!

Jeremia 6:22

Kova penell o baro Devel: Denn garda: Boud menshe venna dran lengro them, hoy kote čiddo hi, kay norden hi. Ava, boud menshe krenn pen ap o drom an ko dour them, te djan le an o kourepen.

Jeremia 6:26

T'mer, mire menshe, t'menge penau: Rivenn gone ap t'mende! Čivenn t'men an i yagakri čik! Rovenn har te merals t'maro čavo, oun t'men kek vavar hi! Givenn i ropaskri gili! Kol marepangre perenn ap yek kopo pral mende.

Jeremia 8:16

Kolla, kay kamenn te kourenn pen mentsa, hi pash o foro Dan tardo. Foun kotar shounah koy gole lengre grayendar. O tselo them trissell koy golyatar hoy i graya denn. Yon venna oun rhan ko tselo them pre, lauter, hoy ap ko them hi, kol forya oun lauter, hoy koy dren djivella.

Jeremia 8:19

Dran o tselo them shounau me, har denn mire menshe gole. Kamell o baro Devel bouder gar o Devel an Sion te vell? Hi o fores Sion bouder kek baro ray? Hoske kran yon man yaake rhoyedo [penell o baro Devel], har mangan le pengre figuren oun rhorhene deblen an, kay kekeske ap i rig venna?

Jeremia 9:19

Shounenn, t'mer djouvya, o baro Debleskro rakepen! Denn garda ap leskre laba! Sikrenn t'mare čende, har te givenn le koy ropaskri gili; yek te anell i vavarat kay gili pashel:

Amos 8:10

T'mare bare divessa, kay hans barhtelo, venn kanna divessa, kay denn gole i bibarhtyatar. Oun t'mare gilya venna ropangre gilya. T'mer rivenn t'men an gone, oun činenn t'mare tsele balla ap o shero tele. Oun han yaake har i dad oun i day, kay pral pengro čaveste rovenn, kay meras, oun len hi kek vavar čave. Oun lauter, hoy djal an ko dives, krell i menshenge bari daar.

Habakuk 1:10

Yon sanenn pral i bare rayende oun pralstunende an vavar themma. Kol tsele forya, kay zorele massurya troul lende tardo hi, hi lenge har čičeske; yon čivenn čik pre glan i massurya, oun djan pral vergel, oun lenn kol forya dren.

Habakuk 1:6

Me krau te venn i Babilonarya zoreles, kol čilače oun sik kourepangre. Pral i tseli phoub venn le, de lenn le penge vavar themma dren hoy gar lengro his.