Jeremia 30:20 - O Debleskro Lab 2024 (Sinte-Manouche)

²⁰ T'mer Yakobeskre čave han pale, har hans an o phouro tsiro: i natsyona, hoy zoreles tardo hi glan mande; me dau lauteren i phagi, kay kamenn t'men tele te rikrell.

O Debleskro Drom 2021 (Sinte)

²⁰ Tumer Jakobeskre tchawe han pale, har hans an o phuro tsiro: i natsjona, hoi soreles tardo hi glan mande; me dau lauteren i phagi, kai kamenn tumen tele te rikrell.

Jeremia 30:20 Iomraidhean Croise

Debleskri gili 102:18

Yob shounell o mangepen kolendar, hoy mouklo van. Ap lengro mangepen dikell yob lačes.

Debleskri gili 102:28

Tou ačeh yaake har tou hal, oun djiveh hako tsiro.

Jesaja 49:26

Kolla, kay rhan tout, kolla hounte rhan pengro mass oun hounte piyenn pengro rat, oun venn kolestar yaake mato, har te piyans le goudli mool. Palle hayvenn i tsele menshe, te hom me o baro Devel, kova, kay lell tout vin dran o merepen, oun tserdell tout vin dran i čilače vasta, me o zorelo Devel o Yakobestar.

Jesaja 51:22

Kava penell o baro Devel, kay tiro ray oun tiro Devel hi, kova, kay lell o koova leskre menshendar an peskro vast: Dik, me lau ko khoro, hoy tout mates kras, dran tiro vast vin. Tou hounte piyess bouder gar dran o khoro, hoy pherdi miri rholi his.

Jesaja 54:14

An o čačepen veh tou zoreles tardo. Tou hounte daress kekestar, te rikrell lo tiro djipen phares. Oun tou hounte daress kek bibarht. Kaya nay vell gar pash toute!

Jeremia 2:3

An ko tsiro hals mange kokres koy, yaake har o nevo djob mange hi. Koon tout an-tapras, anas doosh ap peste, oun i bibarht vas pral leste. Kova penell o baro Devel.

Jeremia 30:16

Tou hounte djiness, kolla lauter, kay rhan tout, venn ninna rhalo. Oun lauter, kay kran tout daar, venn pandles krik anlo. Oun kolla, kay čoran tiro koova, venn ninna vin čoredo. Oun kolla, kay randan tout, venn ninna randedo.

Jeremia 32:39

Me krau, te vell len yek dji oun yek djipen, te kamenn le ap mande te shounell pengro tselo djipen. Palle djal lenge mishto, ninna lengre čavenge pal lende.

Ropaskre gilja 5:21

An men, baro Devel, pale pash toute, te vas pale khere! Kre, te djal menge pale lačes har an o phouro tsiro!

Zakarie 10:6

Oun me krau o kheer Youda zoreles, oun vau ap i rig kolenge dran o kheer Yosef. Man hi i baro dji lenge, oun moukau len pale te djal an pengro them. Te venn le yaake har yon his, har krom len gomme gar pale-čiddo. Me, o baro Devel, hom lengro Devel oun shounau lengro mangepen.

Zakarie 10:8

Me kamau mire menshen gole te dell, ava, khetne gole te dell, te lap len vin kotar, kay le pandle hi. Yon te venn yaake boud har an o phouro tsiro.

Zakarie 8:5

Oun ap i dromma o forestar khelenn boud čave oun ča.”