Jeremia 30:17 - O Debleskro Lab 2024 (Sinte-Manouche)

¹⁷ Tout oun tiro doukepen krau me pale sasto, penell o baro Devel, ninna te penenn le ap toute o praasedo them un: o foro Sion, pal koleste kek poučella.

O Debleskro Drom 2021 (Sinte)

¹⁷ Tut un tiro dukepen krau me pale sasto, penell o baro Dewel, ninna te penenn le ap tute ‘o praassedo them’ un: ‘o foro Zion, pal koleste kek putchella’.

Jeremia 30:17 Iomraidhean Croise

Hiob 5:18

Yob doukrell, oun palle čivell lo i pandepen ap ko doukepen. Yob dell khetne, oun leskre vasta krenn pale sasto.

Debleskri gili 103:3

Yob hi kova, kay miri tseli doosh mandar krik lella, kova, kay miro tselo nasslepen krik lella oun man sastes krella,

Debleskri gili 107:20

oun rakras i lab, oun yon vas sasto. Oun yob las len vin dran o merepen.

Debleskri gili 12:5

oun penenna: “Mer hayvah te rakrell. Maro rakepah ham zoreles. Koon hi o pralstouno pral mende?”

Debleskri gili 142:4

Har djinom bouder gar, hoy te krap, djinal tou, har mantsa doureder djal. Ap ko drom, hoy me hounte djom, čivan le dorya vin, te perap dren.

Debleskri gili 23:3

Yob dell miro djipen nevi zoor. Yob anell man ap o čačo drom, yaake har yob peskro lab koy pre das.

2. Mose 15:26

Oun yob penas: “Te shouneh tou ap mande, tiro baro Debleste, oun kreh, hoy me penau, lauter, hoy an mire yaka čačo hi, oun rikreh tout ap mire laba oun kreh, hoy me toutar kamau, palle čivau me kek nasslepen ap toute, hoy čivom ap i Egiptarya. Me hom o baro Devel, kay tout sasto krell.”

Jesaja 11:12

Oun yob čivell i sikepen pre, te sikrell lo kol menshen an i vavar themma, te anell lo kolen khetne, kay dran Israel oun Youda vin tradedo his. Kolen anell lo pale dran hake rigya i phoubyatar.

Jesaja 30:26

An ko tsiro, kay pandell o baro Devel i pandepen troul o doukepen peskre menshendar, hoy yob len das, oun krell lengro nasselo oun ratlo mass pale sasto, hi o čon yaake zorelo har o kham. Oun o kham hi efta kope zorleder har kanna.

Jesaja 33:24

Oun kek mensho, kay kote djivell, penell bouder: “An mande hi kek zoor.” Oun kol menshe, kay an kava foro djivenn, kolenge hi pengri phagi krik lino.

Jesaja 54:6

Tou hal har i djouvel, kay mouklo vas, oun kolakro dji ratell. Kanna dell tout tiro baro Devel pash peste gole oun penell: Har nay tradoms miri romyat krik, kolat vin rodom, har terno homs?

Jesaja 56:8

O baro Devel, maro ray, kova kay anas i krik-tradede Israelitaryen pale an lengro them, penell: Me anau gomme boudeder khetne pash kolende, kay khetne anlo van.

Jesaja 57:18

Lengre dromma dikom me, oun doleske krau yaake: Me krau len sasto, sikrau len o drom, oun rakrau lačes lentsa. Oun kolenge, kay rovenn,

Jesaja 57:19

čivau i gili an lengro mouy, kolah sharenn le man. Kolenge, kay dour krik hi, ninna kolenge kay gar dour hi, lenge halauterenge mou djal mishto, penell o baro Devel. Me krau len sasto.

Jesaja 58:8

Palle vell tiro čačepen glan har o kham taysarlakro. Oun tiro doukepen vell sik sasto. Oun hakeno dikell ko lačo oun čačo koova, hoy kral. Oun o baro Devel djal pal toute peskri zoryah oun dell yak ap toute.

Jesaja 60:15

His i tsiro, kay hals mouklo, oun kek kamas tout oun djas pash toute. Kanna krau toutar, te vess hako tsiro sharedo oun shoukar, i foro, kay hi hakeno barhtelo yaake rah har menshe ap kay phoub hi.

Jeremia 10:20

Miro plarhteno kheer vas paash dino, oun mire shelle hi an kotya činlo. Mire čave djan mandar krik, oun hi gar bouder koy. Kek čivell miro kheer pale pre, kek čivell i plarhta koy pral.

Jeremia 17:14

Kre man sasto, baro Devel, Te kreh man sasto, palle hom sasto. Le man vin dran i bibarht! Palle nay krell man kek či. Tou hal kova, kones sharau.

Jeremia 3:22

Avenn pale pale, t'mer kay djan t'menge mandar! Oun me kamau lauter bistrell, hoy kran. Dik, mer vah pash toute. Tou hal o baro Devel, maro ray.

Jeremia 30:13

Tiro koova lell kek an peskro vast. Kek dramaskro hi koy, kay pandell tiro doukepen, oun kek nay krell tout sasto.

Jeremia 33:24

Shounal tou, hoy kal menshe rakran: “I menshe dran kol douy khera, dran o kheer Youda oun dran o kheer Israel, kolen o baro Devel peske vin rodas, kolendar kamell lo bouder či te djinell.” Oun yon dikenn tele ap mire menshende. An lengre yaka hi yon bouder kek natsyona.

Jeremia 33:6

Kanna shoun, me kamau kava foro pale zoreles te krell, oun leskro doukepen sasto te krell, te djal leskre menshenge mishto, oun te nay djivenn le kek daryah.

Jeremia 8:22

Hi an o them Gilead kek doukepaskro djet? Hi kek dramaskro koy? Hoske dell kek sastepen mire menshenge?

Ropaskre gilja 2:15

Halauter, kay djan ap o drom, oun dikenn tout, denn i vasta khetne pral o shero, denn shol, oun čivenn o shero ap i rig, oun san pral kova, hoy toutar pral ačas, Yerusalem: “Hi kava kau foro, pral koleste penlo vas: Kek foro hi shoukeder har kava! I tseli phoub dikell barhteles ap leste.”

Ezekiel 34:16

Kolla, kay nashedo hi, rodau me. Oun kolla, kay nashran pen, anau me pale. Oun kolla, kay pen doukran, pandau i diklo trouyel. Oun kolla, kay nasselo hi, krau zoreles. Oun i thoullen oun zorelen lau an i yak. Me dau yak ap lende har mishto hi.

Ezekiel 35:12

Palle dikenn oun hayvenn t'mer, te shounom me o baro Devel, ko tselo djoungelo koova, hoy t'mer pral i berge Israel rakran, har t'mer penan: I berge Israel hi vi-meredo koy čiddo. Kanna hi le menge koy.

Ezekiel 36:20

An havo them, kay le ninna van, vas lendar penlo: “I menshe o baro Deblestar hi kalla, oun hounte djan penge dran leskro them.” Yaake anan le ladj ap miro lačo lab.

Hosea 11:3

Me sikrom o Efrayimeske, har te nashell lo, oun lom les ap mire moussya. Oun yon hayvan gar, hoy me lenge krom.

Hosea 6:1

Avenn, te djas pale pash o baro Debleste! Yob doukas men, oun yob krell men pale sasto. Yob das men dava, oun yob pandell men pale khetne.

1. Petro 2:24

O čilačepen, hoy mer kram, las o Yezous Kristo ap peste, oun hidjras les ap o troushel. Har yob menge meras, hi kova yaake, har te meram mer leha. Kanna hi o čilačepen an mende moulo. Oun mer djivah nay i lačo oun čačo djipen. Kol douka, hoy o Yezous ap peste las, kran maro djipen sasto.

Debleskro tsiro 22:2

O pani nashell mashkral o baro drom. Ap haki rig o panyestar hi kol rouka tardo, kay denna o djipen. Ap lende venna deesh-te-douy kope an i bersh roukengro rhapen baro, hako čon yek kopo. Oun i patria kol roukendar krenn i menshen an i tsele themma sasto.