Jeremia 30:15 - O Debleskro Lab 2024 (Sinte-Manouche)

¹⁵ Hoske deh tou gole pral tiro phagepen? Kova, hoy touke douka krell, nay krell kek sasto. Tiri doosh hi baro, oun tiro čilačo koova hi boud. Doleske dom tout kay phagi.

O Debleskro Drom 2021 (Sinte)

¹⁵ Hoske deh tu gole pral tiro phagepen? Kowa, hoi tuke duka krell, nai krell kek sasto. Tiri doosh hi baro, un tiro tchilatcho koowa hi bud. Doleske dom tut kai phagi.

Jeremia 30:15 Iomraidhean Croise

Esra 9:13

Oun har ko tselo čilačo koova kram oun yaake boud doosh ap mende anam, vas kay bari bibarht ap mende. Ah, maro Devel, tou rikral tout pale oun dal men gar koy phagi, hoy hounte lams. Oun moukal mendar save djides, kay van dran o pandepen pale vin, oun van pale kate an o them Israel.

Hiob 34:29

Te rikrell pes o Devel pale, nay penell kek leske: Tou anal doosh ap toute! Te khatrell lo pes, nay dikell les kek. Hoy nay krenn i menshe, hoy nay krell i natsyona,

Hiob 34:6

Hounte rakrap rhorhepen oun penap: Me lom doosh ap mande? Mange vas i baro doukepen dino, ninna te hi kek doosh ap mande.”

Debleskri gili 107:17

Vavar kran dinelo koova, peran o Debleskro drom tele, oun anan doosh ap pende. Doleske djas lenge yaake djoungeles,

Jesaja 1:6

Foun o shero bis pash i pire hi kek kotar ap t'mende, hoy sasto vals. T'maro mass hi pherdo doukepen, phouro oun nevo doukepen, kay dino van. T'maro činepen hi gar vi-thodo, vitar gar dren pandlo. Kek djet vas pre čiddo.

Jesaja 5:2

Oun yob rissras koy phoub, oun las i tsele barra krik, oun čivas vi-rodede, lače drakengre rouka an koy phoub. Oun yob čivas i turmo pre tardo mashkral dren. Oun hadas i grouba vin, kay venn i drake vin stakedo, te vell o mool vin. Oun palle dikas lo ap ko tsiro, kay venn i drake bares, – lače drake, patsas lo. Har ko tsiro vas, van divye shoutle drake baro.

Jeremia 11:13

Yaake boud forya t'men hi, yaake boud deblen hi t'men, t'mer menshe an Youda. Oun yaake boud dromma an Yerusalem hi, yaake boud rhačepangre kran t'mer, kay rhačrenn firhen o djoungelo debleske Baal.

Jeremia 15:18

Hoske venn mire douka gar sasto? Hoske hi miro doukepen yaake djoungelo, te vell lo gar sasto? Tou val mange har i brounna, kay an o niyale kek pani dren hi.

Jeremia 2:19

Dran tiro čilačepen vell kova ap toute. Tou shounal gar. Doleske leh tou savi phagi. Tou hounte djiness oun hayvess, havo pharo koova oun douka ap koleste venna, kay djal peskro baro Deblestar krik, oun kamell lestar bouder či te djinell. Kova penell o baro Devel, ko ray pral o bolepen oun i phoub.

Jeremia 30:12

O baro Devel penell: Tiro činepen hi djoungelo, tiro doukepen nay krell kek mensho sasto.

Jeremia 30:14

Tire tsele pirne bistran tout, poučenn bouder gar pal toute. Me dom tout dava, har yekes, koles kamom te marell. Krom miro dji touke pandlo, har dom tout dava tiri bari doshake oun ko boud čilačo koova, hoy kral.

Jeremia 30:16

Tou hounte djiness, kolla lauter, kay rhan tout, venn ninna rhalo. Oun lauter, kay kran tout daar, venn pandles krik anlo. Oun kolla, kay čoran tiro koova, venn ninna vin čoredo. Oun kolla, kay randan tout, venn ninna randedo.

Jeremia 30:17

Tout oun tiro doukepen krau me pale sasto, penell o baro Devel, ninna te penenn le ap toute o praasedo them un: o foro Sion, pal koleste kek poučella.

Jeremia 46:11

Tou bibarhteli Egiptia, ninna te djah pral an o them Gilead, oun leh touke djet tiro doukepaske, hi kova čičeske. Hi yek, har boud draba oun djet tou leh, kova nay krell tout gar sasto.

Jeremia 6:13

Kol baren oun kol tiknen hi bok ap bravlepen, hoy gar lengro hi. Oun o Debleskre rakepangre oun i rashaya rhorhenn i menshen,

Ropaskre gilja 1:5

Kolla, kay kamenn o foreske čilačepen te krell, len hi kanna penepaske pral leste, oun lenge djal mishto. O baro Devel anas koy bibarht pral o foro te dell lo les i phagi leskri boud doshake. Oun kolla, kay lan o foro dren, lan i čaven pandles, oun tradan len glan pende vin dran o them.

Ropaskre gilja 2:13

Ah, Yerusalem, hoy te penap touke? Miro foro, hoy yaake kamau, har nay dap tout kamle laba? Kekeske djas yaake djoungeles har touke! Hoy nay penoms touke, te djal touke feteder? Tiri douk hi yaake baro har o baro pani. Koon nay krell tout sasto?

Ropaskre gilja 3:39

Har nay penell i mensho i ropah: “O Devel djal gar mishto mantsa trouyel.” Vals feteder te rovals lo pral peskri doosh!

Ropaskre gilja 4:13

Kova vas pral o foro koy doshake, hoy o Debleskre rakepangre oun i rashaya ap pende anan. Yon moukan kote save menshen te marell, kay kek čilačepen kran.

Micha 1:9

O doukepen o forestar Samaria nay vell gar sasto. Koy bibarht vell ninna an o them Youda, oun taprell o foro Yerusalem, ko foro mire menshendar.

Micha 7:9

Djinau, me moukom o baro Debleskro drom. Doleske vas leskri rholi ap mande. Me hidjrau lat, bis te lell yob miro koova an leskro vast, oun dell man miro čačepen. Yob sikrell man peskri momeli, te dikap, har lačo yob ap mande hi.

Nahum 3:19

Či hi, hoy tiro doukepen sasto nay krell! Ko doukepen, hoy tou lal, ap koleste hounte meress. Lauter kolla, kay toutar shounenn, denn i vasta pral o shero khetne. Kek hi koy, ap koleste gar pale te pale čilačo hals.