Jeremia 30:14 - O Debleskro Lab 2024 (Sinte-Manouche)

¹⁴ Tire tsele pirne bistran tout, poučenn bouder gar pal toute. Me dom tout dava, har yekes, koles kamom te marell. Krom miro dji touke pandlo, har dom tout dava tiri bari doshake oun ko boud čilačo koova, hoy kral.

O Debleskro Drom 2021 (Sinte)

¹⁴ Tire tsele pirne bistran tut, putchenn buder gar pal tute. Me dom tut dawa, har jekes, koles kamom te marell. Krom miro dji tuke pandlo, har dom tut dawa tiri bari doshake un ko bud tchilatcho koowa, hoi kral.

Jeremia 30:14 Iomraidhean Croise

Hiob 16:9

Leskri rholi dandras man khetne oun las man palla. Yob sikrell peskre danda, oun peskre yaka dikenn ap mande har te vans le čourya.

Hiob 19:11

Oun peskri rholi moukas lo pral mande pre rhačell, oun rikrell man har savo morsheske, kay kamell leske čilačepen te krell.

Hiob 30:21

Tou val mange har i čilačo, oun tiri tseli zoryah leh man palla.

Debleskri gili 107:17

Vavar kran dinelo koova, peran o Debleskro drom tele, oun anan doosh ap pende. Doleske djas lenge yaake djoungeles,

Jesaja 57:13

Te deh tou palle gole, mou venn yon ap tiri rig – tire tsele rhorhene debla! I phourdepen hadell len lauter krik. I tikno dourho phourdell len trouyel. Kolla, kay rikrenn pen ap mande, lenn o them, te vell lo lengro, oun djivenn ap miri berga, kay an-mangedo vau.

Jeremia 14:17

Oun tou peness lenge kal laba: Me rovau ap o dives oun ap i rati, oun nay moukau gar tele. Mire menshe, kolen kamau har miri čay, hi khetne dino, oun lengro doukepen vell gar bouder sasto.

Jeremia 2:36

Har sik djal tou kay te koy, te rodess touke menshen, kay krenn pen touha khetne? O them Egiptia nay vell tout gar feteder ap i rig har o them Assour.

Jeremia 22:20

T'mer menshe dran Yerusalem, djan pre ap i berga Libanon, oun denn gole! Rovenn ap i berge Bashan! Oun denn zoreles gole ap i berge Abarim! T'mare tsele mala, kay kote djivan, van dino, oun hi bouder gar koy.

Jeremia 22:22

Tire pralstoune venn krik anlo, har te vans le krik phourdedo i zorelo dourhestar. Oun tire mala hounte djan pandles an i vavar them. Yaake vell ladj pral toute, oun tou veh sapaske i vavarenge. Kova vell pral toute tiro tselo čilačepaske.

Jeremia 30:15

Hoske deh tou gole pral tiro phagepen? Kova, hoy touke douka krell, nay krell kek sasto. Tiri doosh hi baro, oun tiro čilačo koova hi boud. Doleske dom tout kay phagi.

Jeremia 32:29

Oun kol lourde dran o them Babilonia, kay troul kava foro tardo hi, venna dren, oun rhačrenn kava foro tele kol tsele kherentsa, kay vas ap i dache soungepaskro koova rhačedo o rhorheno debleske Baal, oun mool vin čoredo kol vavar rhorhene deblenge. Doleske vas i rholi an mande.

Jeremia 32:30

I menshe dran o kheer Israel oun dran o kheer Youda kran, hoy glan mire yaka djoungelo hi, yaake rah har yon i natsyona hi:

Jeremia 32:34

Koy pashel čivan le pengre rhorhene deblen an ko kheer, hoy mange kerdo vas. Oun yaake kran le les pale-čiddo.

Jeremia 32:35

Oun yon kran moulne platse o rhorheno debleske, o Baaleske an o telstouno them, kay kharella Ben-Hinnom, te nay moukenn le pengre čaven oun čen o debleske Molok an i yag te djal. Savo koova penom me lenge gar. Oun an kek tsiro vas mange kova an miro shero dren, te poučoms savo koova lendar. Har yon savo djoungelo koova kran, anan le i doosh ap o tselo them Youda.

Jeremia 38:22

Me dikom, har van i tsele djouvya, kay pral ačan an tiro kheer vin anlo pash i pralstunende o baro rayestar dran o them Babilonia. Kol djouvya penenn touke palle: “Tire mala, kay touke penan lauter hi mishto, rakran yaake boud an toute dren, te kral tou i dinelo koova. Kanna, kay tire pire an i sapeni čik hi, moukenn yon tout kokres.”

Jeremia 4:30

Yerusalem, tou hal dino! Hoy kreh tou? Tou riveh kouč lole koola ap toute, čiveh sonakay ap toute, oun makeh tire yaka an. Tou kreh tout shoukar čičeske! Tire pirne kamenn tout gar bouder, oun kamenn tout moulo te dell.

Jeremia 44:22

oun yob nay dikas bouder gar, har djan ap t'maro čilačo drom oun kran savo djoungelo koova! Doleske vas t'maro them i moulo them. I menshe, kay shounenn kolestar, denn i vasta pral o shero khetne. Oun te kamenn le yekes te praasell, penenn le: Mou djal touke har o themeske Youda! Kek mensho djivell bouder koy. Yaake hi kova kava dives!

Jeremia 5:5

Me kamau pash i pralstunende te djal, te rakrap lentsa. Kolla djinenn o Debleskro drom oun nay penenn mange, hoy an i yaka lengro Deblestar mishto hi. Palle hayvom: Ninna kolla kaman gar, te vell yob lengro ray, oun kaman gar ap leste te shounell.

Jeremia 5:6

Doleske venna leve dran o veesh oun marenn len; divye djoukle dran o divyo oun trouk them dandrenn len an kotya, oun bare divye margodje lourenn glan lengre forya. Hakeno, koon vin vella, vella an kotya dandedo. Lengri doosh hi boud oun phari. Boud kope djan le mandar krik.

Jeremia 50:42

Len hi boge oun rhare. Yon hi midjak oun len khaytell kek. Ap graya klissenn le i golyah, hoy yaake baro hi har i gole, hoy o baro pani krell. Yon venna, te kourenn le pen touha, tou foro Babilon.

Jeremia 6:23

Lengre lourde kourenn pen i bogentsa oun i rharentsa. Yon hi midjak oun len khaytell kek. Ap graya klissenn le i golyah, hoy yaake baro hi har i gole, hoy o baro pani krell. Yon venna, te kourenn le pen touha, tou foro Sion!

Ropaskre gilja 1:19

Me kharom mire pirnen, oun yon moukan man kokres. Mire rashaya oun i phoureder meran an o foro, har dikan le pal i kotar maro, te nay rikrenn le pen djido.

Ropaskre gilja 1:2

An i rati roveh, oun tire sva nashenn touke i čamya tele. Kek tire tsele pirnendar vell, oun penell touke i kamlo lab. Tire tsele mala moukan tout, oun van čilačes ap toute.

Ropaskre gilja 2:1

Ah, o baro Debleskri rholi hi čiddo ap o foro Sion har i kali rati! Yerusalem, hoy sharedo vas bis an o bolepen, vas tele vitsedo ap i phoub. Ap ko dives, kay leskri rholi pral i berga Sion vas, his leske či, te his o foro i banko peskre pirenge.

Ezekiel 23:22

Doleske shoun, Oholiba, hoy o baro Devel, maro ray, touke penell: Me moukau tire pirnen, kolenge tou o doumo sikral, ap toute pre te anell. Hake rigyatar perenn le pral toute,

Ezekiel 23:9

Doleske dom lat an i vasta kol morshendar dran o them Assour, kay lakre pirne his, oun kolenge yoy palla nashas.

Daniel 9:11

Oun o tselo Israel djas tiro dromestar tele, oun kras, hoy yob kamas, oun shounas gar ap toute. Oun yaake vas koy tseli bibarht pral mende, hoy činlo hi an o liil o Mosestar, koles tiro čačo vast his. Mer kram čilačepen ap toute. Doleske vas kay bibarht yaake pral mende, har tou tout sovel dal.

Daniel 9:13

Yaake har an o Moseskro liil činlo hi, yaake vas ninna koy bari bibarht pral mende. Oun mer mangam men gar tele glan toute, maro baro Debleste, oun moukam gar maro čilačo drom, oun dam gar yak ap tiro čačepen.

Daniel 9:5

Mer anam bari doosh ap mende, kram, hoy gar mishto hi, ačam gar touha oun moukam tiro drom. Mer djivam gar pal tire laba oun pal tiro čačepen.

Hosea 2:5

Te krell li kova gar, palle rivau lat vin, te hi li nanges čiddo, har ap ko dives, kay li boldo vas. Oun krau, te vell o them i moulo them, kay kek pani hi, kay hounte merell li i troushatar.

Hosea 5:14

Me hom o themeske Efrayim har i levo, oun o khereske Youda har i terno levo. Me dandrau len an kotya, oun djau mange. Me hidjrau len krik, oun kek nay lell len dran miro vast vin.

Obadja 1:7

Tire tsele mala tradenn tout dran tiro them vin! Kolen tou patsal, yon rhorhenn tout, oun perenn touke an o doumo. Kolla, kay tiro maro rhan, phoukrenn ap toute, oun tou hayveh les gar.