Jeremia 3:6 - O Debleskro Lab 2024 (Sinte-Manouche)

⁶ An ko tsiro, kay o Yosia o baro ray his, penas o baro Devel ap mande: Dikal tou, hoy i Israelitarya kran? Yon hi har i djouvel, kay moukas peskro romes, oun djas ap kol tsele berge oun tel hake zenele rouka oun das pes trouyel vavar morshentsa.

O Debleskro Drom 2021 (Sinte)

⁶ An ko tsiro, kai o Josia o baro rai his, penas o baro Dewel ap mande: Dikal tu, hoi i Israelitarja kran? Jon hi har i djuwel, kai mukas peskro romes, un djas ap kol tsele berge un tel hake senele ruka un das pes trujel wawar murshentsa.

Jeremia 3:6 Iomraidhean Croise

1. Rajengro liil 14:23

Ap i tsele berge oun tel hako baro rouk kran le penge moulne platse, čivan bare barra pre lengre rhorhene deblenge, ninna figure, hoy i debletsa Ashera sikrenn.

2. Familjakro liil 34:1

O Yosia his orhta bersha, har vas lo baro ray; oun yob his 31 (triyanda-te-yek) bersha baro ray an o foro Yerusalem.

Debleskri gili 106:39

oun kran pen pale-čiddo koleha, hoy yon kran, oun peran o baro Debleskro dromestar tele.

Jesaja 57:3

T'mer, kay mangenn rhorhene deblen an, han har dravepangre, har morsha, kay pash vavar djouvyende djan, oun har djouvya, kay loubya hi.

Jesaja 57:7

Israel, tou kral tiro čiben pral ap i bari berga, oun djal koy pre, te maress firhen kolenge, kay kek devel hi.

Jeremia 1:2

O baro Devel rakras ap o Yeremia, har o Yosia, koleskro dad o Amon his, an o 13 (deesh-te-triinto) bersh o baro ray pral o them Youda his.

Jeremia 11:10

Yon krenn savo čilačo koova har lengre phoure kran, kay glan lende his, oun kaman ap mire laba vitar gar te shounell, oun nashan kol vavar deblen palla oun mangan len an. Yaake rikran kol menshe dran o kheer Israel oun dran o kheer Youda kol laba gar dren, hoy krom lengre phourentsa vin.

Jeremia 17:2

Ninna lengre čave vitsrenn pen tele glan kol rhačepangren oun glan kol figuren, hoy sikrenn i debletsa Ashera, oun hoy le pre čivan tel kol zenele rouka, oun ap i tikne oun bare berge oun ap o them. Me dau t'maro tselo bravlepen oun kouč koova vavarende, te čorenn le kova t'mendar. Koya hi koy phagi ko čilačepaske, hoy t'mer an kava tselo them kran.

Jeremia 3:8

har me lakri phenyat, i Israel, krik bičrom koleske, kay das li pes vavar morshentsa trouyel, oun dom lat i liil, kay činlo hi, te bičrom lat krik. Kova kras i rhorheni Youdake kek daar. Yoy djas koy oun das pes ninna trouyel vavar morshentsa.

Jeremia 31:22

Har rah kameh te nashess trouyel, tou, miri čay, kay moukal miro drom? O baro Devel krell čomone neves ap i phoub: I romni hi pash peskro romeste.

Jeremia 5:11

Yon sikran mange o doumo, penell o baro Devel, kol menshe an Israel oun kol menshe an Youda.

Jeremia 7:24

Yon shounan gar ap mande, oun lengre kanda pandan le, oun djivan pal lengro shero, oun kran hoy lengro čilačo dji penella, oun sikran mande pengro doumo, oun gar pengro mouy.

Ezekiel 16:31

Kote kay i dromma khetne venn, oun ap haki platsa kral mangepaskre platse, kay rhorhene deblen an-mangal. Oun tou hals gar har vavar loubya: Tou kamal kek love koleske, hoy kral.

Ezekiel 16:35

Doleske shoun, Yerusalem, tou loubni, hoy o baro Devel penell!

Ezekiel 20:28

Har me len an o them anom, kolestar man sovel dom, te dap les lende, mangan le vavar deblen an. Hako kopo, kay dikan le i tikni berga oder i baro rouk boud patyentsa, rhačran le firhen i rhorhene deblenge, oun kran man rhoyedo koleha, hoy le lenge anan. Yon rhačran soungepaskro koova lenge, oun čoran mool vin lenge.

Ezekiel 23:11

Lakri pheen, i Oholiba, dikas kova. Ninna te dikas li har lakri phenyake djas, nashas li gomme boudeder morshende palla, oun loubras djoungleder trouyel har lakri pheen.

Ezekiel 23:4

Koy bari kharas Ohola oun lakri pheen Oholiba. Oun me romedinerom len, oun yon van mire romya, oun anan mange čaven oun čen ap i phoub. I Ohola hi o foro Samaria. Oun i Oholiba hi o foro Yerusalem.

Hosea 11:7

Mire menshe ačenna krik mandar, oun kamenn gar pash mande te vell. Ninna te venn le pash mande, o pralstuneste, hadenn le man gar.

Hosea 4:13

Pral ap i berge marenn le firhen pengre rhorhene deblenge, oun ap i tikne berge rhačrenn le lenge soungepaskro koova, tel i bare oun bourhle rouka, kay gar yaake tato hi oun shoukar te beshell. Doleske venn lengre ča loubya, oun lengre čavengre romya rhorhenn pengre romen.

Čačepangre 2:17

Oun ninna ap pengre čačepangre morshende shounan le gar. Na-a, yon vitsran pen glan vavar deblende tele oun mangan len an. Sik djan le tele ko dromestar, hoy lengre phoure djan, kay shounan ap i laba o baro Deblestar. Kova kran yon gar.