Jeremia 3:3 - O Debleskro Lab 2024 (Sinte-Manouche)

³ Doleske dell kek brishin an o vend, vitar gar an o niyal. Tou dikeh vin har i loubni oun kameh tout gar te ladjell.

O Debleskro Drom 2021 (Sinte)

³ Doleske dell kek brishin an o wend, witar gar an o nijal. Tu dikeh win har i lubni un kameh tut gar te ladjell.

Jeremia 3:3 Iomraidhean Croise

1. Mose 19:34

Oun o vavar dives, koy penas i phoureder čay ap o terneder čate: “Shoun, me čivom man taysar rati pash miro dadeste. Kay rati dah les pale mool te piyell. Koy čiveh tout tou pash leste, te vell men čave maro dadestar, te meras gar vin.”

Nehemia 9:17

Oun yon kaman gar te krell, hoy tou lenge penal, oun bistran ko tselo baro koova, hoy tou lenge kral, hoy kek vavar nay krella. Yon kran pengre djia pandlo har bar. Oun rodan yekes vin, te vell lo lengro ray, oun anell len pale an o them Egiptia, an pengro pandepen. Tou hal i Devel, kay i doosh krik lell, oun hal kamlo oun kreh tiro dji pre i menshenge. Tou veh gar sik rhoyedo oun tiro lačepen hi baro. Oun tou djal gar lendar.

Gosewe laba 21:29

O čilačo stakrell zoreles pre i baro mouyeha. Kova, kay o čačepaske tardo hi, moukell gar peskro drom.

Jesaja 5:6

Oun me moukau ko them čiddo, har lo hi. I rouka venn gar pale činlo, oun i phoub gar trouyel vitsedo. Palle venna soubyengre bourra oun soubyengro zenlepen bares koy pre. Oun me penau o brishineske, te perell lo gar koy tele.

Jeremia 14:1

O baro Devel penas ap o Yeremia pral ko them, kay i rah tsiro kek brishin das.

Jeremia 14:22

Kek devel, koles i menshe an vavar themma an-mangenna, nay bičrell brishin! Vitar gar dell o bolepen dran peste brishin! Na-a, maro baro Devel, tou hal kova, kay krell savo koova. Doleske dikah ap toute.

Jeremia 14:3

Kol bravele bičrenn pengre boudepangren pal pani. Kolla djan pash i brounna, oun hatsenn kek pani. Lengre khore anenn le kek panyeha pale. Lenge hi ropaske, oun khatrenn pengro mouy i ladjatar.

Jeremia 14:4

I phoub hi trouk oun dell gole pal brishin. Doleske hi kol harhenge ropaske, oun khatrenn pengro mouy.

Jeremia 36:2

Le i liil oun čin halauter dren, hoy penom touke pral o Israel oun o Youda, oun i menshende an kol tsele vavar themma dran ko tsiro, kay o baro ray Yosia djivas bis kava dives.

Jeremia 5:24

An pengro dji penenn le gar: Mer te dikas pre ap maro baro Debleste! Yob bičrell menge o brishin an o čačo tsiro, brishin an o vend oun brishin an i niyal, te vell men o djob rhapaske an ko čačo tsiro.

Jeremia 5:25

T'mari doosh, hoy ap t'mende anan, oun ko čilačepen, hoy krenna, rikras ko lačepen t'mendar pale, yaake te van phare tsirya ap t'mende.

Jeremia 5:3

Baro Devel, tire yaka dikenn ap i djipen an o čačepen. Tou dal len i phagi. – Yon hayvenn kova gar. Tou kral len paash moulo. – Oun yon ačan, har yon hi. Yon djan pal pengro shero. oun kamenn gar pengro čilačo drom te moukell.

Jeremia 6:15

Yon hounte ladjans pen ko djoungelo koveha, hoy yon kran. Kova krenn le gar. Yon ladjenn gar. Yon djinenn gar, hoy ladj hi. Doleske venn yon maredo khetne kol vavarentsa. Te vau me, oun dau len i phagi, ačell kek lendar djido, penell o baro Devel.

Jeremia 8:12

Yon hounte ladjans koleske hoy yon kran, koveha man rhoyran. Kova krenn le gar. Yon ladjenn gar. Hoy ladj hi, djinenn le gar. Doleske venn yon maredo khetne kol vavarentsa. Te vau me, oun dau len i phagi, hounte perenn le, penell o baro Devel.

Jeremia 9:12

O baro Devel penell koy pre: Me sikrom len miro drom, oun yon moukan les, oun shounan gar ap mire laba, oun djivan gar koy pal.

Ezekiel 3:7

Kolla dran o kheer Israel kamenn gar ap mande te shounell. Doleske shounenn le vitar gar ap toute. Yon lauter djan pal pengro shero. Oun lengre djia hi har dran bar.

3. Mose 26:19

T'maro pre-phourdepen oun t'maro pesso shero phagau, oun dau t'men bouder kek brishin. Ko bolepen pral t'mende vell har saster, oun koy phoub tel t'mare pire zorelo har barra.

Amos 4:7

Triin čon glan kova kay anan t'maro djob dren, rikrom o brishin pale. Oun me dom brishin ap yek foro oun gar ap i vavar. O brishin peras ap yek harhetikri phoub, oun koy vavar phoub, kay kek brishin das, meras tele.

Amos 4:8

Oun i menshe dran douy, triin forya djan an i vavar foro, te hatsenn le pani. Oun kote his gar doha lenge. Ninna palle van t'mer gar pale pash mande, penell o baro Devel.

Zefanja 2:1

T'mer menshe, kay kamenn pen gar te ladjell! Dikenn dren, hoy kran! Oun avenn pale pash o baro Debleste,

Zefanja 3:5

Kova lauter krenn le, ninna te djivell o baro Devel mank lende. Yob krell kek čilačepen. Oun leskro čačepen ačell zoreles tardo. Yaake har hako dives o kham pre djal, yaake sikrell lo hako dives, har te djivenn le an o čačepen. Kol čilače menshe krenn pale te pale djoungelo koova, oun ladjenn gar.

Haggai 1:11

Doleske penom, te vell kek brishin pral t'maro them, pral i berge, pral o them, kay o djob, i drake oun i djeteskre rouka bares venna, oun pral halauter, hoy dran i phoub vell, ninna pral i menshende oun i firhende. Kova, hoy t'mare vastentsa krenn, djal t'menge bouder gar mishto.

5. Mose 28:23

Oun dell kek brishin, oun i phoub tel t'mende vell yaake zorelo har bar.

Hebrearja 12:25

Denn yak, te shounenn ap o Debleste, kay ap t'mende rakrella! Har yob ap i phoub ap i phoure Israelitarya rakras, kaman le gar ap leste te shounell, oun leskri rholi vas pral lende. Kitse boudeder vell o Debleskri rholi pral mende, te shounah gar ap leste, kay dran o bolepen rakrella.