Jeremia 3:25 - O Debleskro Lab 2024 (Sinte-Manouche)

²⁵ Mer hounte ladjams men, oun mari ladj hounte čakrals men har i plarhta! Maro tselo djipen djivam yaake, har o baro Devel, maro ray, gar kamas. Mer oun mare phoure djivam yaake, oun shounam gar ap kova, hoy yob menge penas, te kras mer.

O Debleskro Drom 2021 (Sinte)

²⁵ Mer hunte ladjams men, un mari ladj hunte tchakrals men har i plachta! Maro tselo djipen djiwam jaake, har o baro Dewel, maro rai, gar kamas. Mer un mare phure djiwam jaake, un shunam gar ap kowa, hoi job menge penas, te kras mer.

Jeremia 3:25 Iomraidhean Croise

Debleskri gili 106:6

Mer anam doosh ap mende yaake har mare phoure, oun kram gar, hoy čačo hi. Na-a, mer kram čilačo koova.

Debleskri gili 106:7

Mare phoure hayvan gar ko baro zorelo koova, hoy tou an o them Egiptia kral, oun bistran har boud lenge lačes hals, oun hadan pen pral toute pash o Baro Lolo Pani.

Debleskri gili 109:29

An i ladj ap kolende lauterende, kay anan doosh ap mande pre. Lengri ladj mou vell yaake baro, te venn le latar čakedo har i bayah.

Gosewe laba 13:18

An čorvlepen oun ladj vell kova, kay moukell pes či te penell. An-diklo vell kova, kay shounell, te vell lo trad dino.

Gosewe laba 5:13

Hoske shounom gar ap mire sikepangre, oun dom yak ap lengro rakepen?

Jesaja 48:8

An kek tsiro shounan t'mer, hoy penom, vitar gar kaman kova te djinell. Oun i rah tsiro his t'mare kanda pandlo mire labenge. Čačepah, me djinom t'maro phoukepen. Oun yaake rah har ap i phoub han, venn t'mer kharedo: Kolla, kay kamenn či o Deblestar te djinell.

Jesaja 50:11

T'mer lauter, kay i yag krenn, oun kashta činenn oun an-rhačenn, te denn čourye lentsa, nashenn an t'mari yag! Oun rhačrenn t'men kokres kol kashtentsa, hoy an-rhačan! Kava hi, hoy ap t'mende vell dran o vast o baro Deblestar: An phare douka venn t'mer koy čiddo.

Jeremia 11:13

Yaake boud forya t'men hi, yaake boud deblen hi t'men, t'mer menshe an Youda. Oun yaake boud dromma an Yerusalem hi, yaake boud rhačepangre kran t'mer, kay rhačrenn firhen o djoungelo debleske Baal.

Jeremia 12:13

Mire menshe čivan djob an i phoub, oun soubyengro zenlepen lan le khetne. Yon maran pen tele, oun lan či dran lengri phari boudi. Lauter his čičeske! His koy bari rholi o baro Deblestar, hoy kras lauter paash.

Jeremia 14:20

Baro Devel, mer dikah dren, kay djivam gar touha, oun mare phoure čilačepen kran. Mer lam doosh ap mende glan toute.

Jeremia 14:7

Baro Devel, mari doosh hi glan mare yaka tardo. Boud kope djam toutar krik, oun shounam gar ap toute. Ab pale ap mari rig, te dikell hakeno, har kamlo hal!

Jeremia 2:17

Kova lauter hi tiri doosh! Boud kope kamas o baro Devel, tiro ray, tout ap o čačo drom te anell. Oun tou moukal les!

Jeremia 2:19

Dran tiro čilačepen vell kova ap toute. Tou shounal gar. Doleske leh tou savi phagi. Tou hounte djiness oun hayvess, havo pharo koova oun douka ap koleste venna, kay djal peskro baro Deblestar krik, oun kamell lestar bouder či te djinell. Kova penell o baro Devel, ko ray pral o bolepen oun i phoub.

Jeremia 2:2

Dja koy, oun rake glan i tsele menshende an o foro Yerusalem, oun pen: Kova penell o baro Devel: Israel, me djinau, har ap mande rikral har terno hals, oun har kamal man har i pirni peskro pirnes, oun har tou mantsa djal an o moulo tato them, an ko them, kay či bares vell an i phoub.

Jeremia 2:26

Har i čorepaskro hounte ladjell peske, te vell yob tapedo, yaake hounte ladjenn penge kol menshe an o them Israel, ninna kol bare raya, oun pralstoune oun rashaya oun Debleskre rakepangre,

Jeremia 20:18

Hoske vom dran miro dakro per vin, te dikap ropen oun douka, oun djivap hako dives an ladj?

Jeremia 22:21

Yerusalem, har djas touke gomme mishto, dom me tout trad. Tou penal, me dau gar yak ap kova, hoy lo rakrell. Yaake kral hako tsiro. Ninna har tou gomme terno hals, shounal gar ap mande.

Jeremia 3:13

Tou hounte kress či, har te dikess dren, kay anal doosh ap toute, har hadal tout pre pral o baro Debleste, kay tiro Devel hi. Tou nashal kay te koy trouyel, te mangess vavar deblen an tel hake zenele rouka, oun shounal gar ap mire laba, penell o baro Devel.

Jeremia 31:19

Har dikom miri doosh dren, moukom miro čilačo drom, oun har khaytas man, hoy krom, dom mire vasta pral o shero khetne. Ko vi-ladjedo koova, hoy krom, har terno homs, koleske ladjom oun vom lolo i ladjatar.”

Jeremia 6:26

T'mer, mire menshe, t'menge penau: Rivenn gone ap t'mende! Čivenn t'men an i yagakri čik! Rovenn har te merals t'maro čavo, oun t'men kek vavar hi! Givenn i ropaskri gili! Kol marepangre perenn ap yek kopo pral mende.

Jeremia 7:19

Mange krenn yon koveha kek douka, penell o baro Devel. Ap pende kokres anenn le ladj.

Jeremia 8:14

Hoske ham mer kay trouyel beshdo? [poučenn i menshe dran Youda.] Mer vas khetne, te djas mer an kol zorele forya, te vas koy maredo! Mer moukam o baro Debles, maro rayes. Doleske kamell lo maro merepen, oun dell men savo pani te piyell, hoy marell men.

Jeremia 9:18

Shounenn, o ropen vell shounlo an o foro Sion: Ah, har djan yon zoryah ap mende! I ladj vas ap mende! Mer hounte djas dran kava them. Mare khera rhačran yon tele.

Ropaskre gilja 5:16

Mer nashram maro raylepen. Mari doosh, hoy anam ap mende, anas men an i bibarht!

Ropaskre gilja 5:7

Mare phoure anan doosh ap pende, oun djivenn bouder gar. Mer kitse kay ham, hounte hidjras lengri tseli doosh.

Ezekiel 2:3

Tou, mensho, me bičrau tout pash i Israelitarya. Kolla hadan pen oun peran mandar tele. Ninna lengre phoure hadan pen pale te pale pral mande. Oun kolla, kay kava dives djivenn, hi gar vavarčandes.

Ezekiel 36:32

Me o baro Devel, t'maro ray penau t'menge: Hi gar t'menge, kay me krau kava lačo koova. Ma bistrenn kova! T'mer dran o kheer Israel, ladjenn t'men oun avenn lolo i ladjatar pral kova, hoy kran!

Ezekiel 44:13

Yon nay ačenn bouder gar mire rashaya oun venn bouder gar pash kol tsele koola, hoy mange hi, oun hounte rikrenn pen pale foun ko rhapen, hoy mange dino vas, oun kokres i rashaya nay rhan. Yon hounte ladjenn pen pral ko djoungelo koova, hoy le kran.

Ezekiel 7:18

Gone čivenn le troul pende har ripya, oun činenn pengre balla ap lengro shero tele, te sikrenn le har boud khaytell len lengri doosh. Yon trissenn i daryatar. Oun lengre sherya hi lolo i ladjatar.

Daniel 12:2

Oun boud kolendar, kay tel i phoub čiddo his oun sovan, kolla stenn pre, ko yek o djipaske, hoy gar pre herella, oun ko vavar i bari ladjake oun o praasepaske, hoy bouder gar pre herella.

Hosea 9:10

O baro Devel penell: I Israelitarya his mange har drake an o moulo them, har hatsom len kote. Oun t'mare phoure his mange har neve fayge ap i faygetikro rouk. I tsiro koy pre, har van le pash i berga Peor, dan le pen o vi-ladjedo debleske Baal koy, oun van yaake pale-čiddo har ko devel, kones yon kaman.

Zefanja 1:17

I menshe kran čilačepen ap mande. Doleske krau len darenes, te nashenn le trouyel har korele menshe. Lengro rat te nashell ap i phoub har čik, hoy krik vitsedo vell. Oun lengre bouke venn krik vitsedo har te vans le foul.

Remarja 6:21

Kova, hoy kran, his či moldo. T'mer kran savo koova, koleske kay dives ladjenn t'men. Savo koova anell an o merepen dren.

Čačepangre 2:2

Oun t'mendar kamom, te venn kek mala kol menshenge, kay an kava them djivenn, oun te phagenn t'mer lengre pre-čidde barra tele, kay rhačrenn le firhen lengro debleste. Oun hoy kran t'mer? T'mer shounan gar ap kova, hoy penom!