Jeremia 3:24 - O Debleskro Lab 2024 (Sinte-Manouche)

²⁴ Har mangam ko djoungelo debles Baal an, nashram lauter, hoy mare phoure penge khetne lan, har terne hams: bakre, groumya, čave oun ča.

O Debleskro Drom 2021 (Sinte)

²⁴ Har mangam ko djungelo debles Baal an, nashram lauter, hoi mare phure penge khetne lan, har terne hams: bakre, grumja, tchawe un tcha.

Jeremia 3:24 Iomraidhean Croise

Jeremia 11:13

Yaake boud forya t'men hi, yaake boud deblen hi t'men, t'mer menshe an Youda. Oun yaake boud dromma an Yerusalem hi, yaake boud rhačepangre kran t'mer, kay rhačrenn firhen o djoungelo debleske Baal.

Jeremia 22:21

Yerusalem, har djas touke gomme mishto, dom me tout trad. Tou penal, me dau gar yak ap kova, hoy lo rakrell. Yaake kral hako tsiro. Ninna har tou gomme terno hals, shounal gar ap mande.

Jeremia 44:7

Doleske penell o baro Devel, ko ray pral o bolepen oun i phoub, kay o Israeleskro Devel hi: Hoske krenn t'mer savo čilačepen ap t'mende kokres? Kamenn t'mer, te merenn t'mare menshe vin: morsha oun djouvya, čave oun ternepen? Oun či ačell pral t'mendar, kay van dran o them Youda?

Jeremia 8:16

Kolla, kay kamenn te kourenn pen mentsa, hi pash o foro Dan tardo. Foun kotar shounah koy gole lengre grayendar. O tselo them trissell koy golyatar hoy i graya denn. Yon venna oun rhan ko tselo them pre, lauter, hoy ap ko them hi, kol forya oun lauter, hoy koy dren djivella.

Jeremia 9:18

Shounenn, o ropen vell shounlo an o foro Sion: Ah, har djan yon zoryah ap mende! I ladj vas ap mende! Mer hounte djas dran kava them. Mare khera rhačran yon tele.

Ezekiel 16:19

Oun kova hoy dom me tout te rhal, ko lačo yarro, djet oun gvin čival tou glan lende, te dikenn le lačes ap toute. Ava, yaake dour djal tou, penell o baro Devel, maro ray.

Ezekiel 16:20

Tire čave oun ča, kay hi mire čave, kolen lal tou oun dal len lenge moulo, te rhan le len pre. His touke gar doha, te moukal man?

Ezekiel 16:61

Palle ladjeh tout pral kova, hoy kral, te dikeh, har lau tiri phoureder oun tiri terneder pheen, oun čivau tout pral lende, te venn le touke har tire ča. Kova hi boud boudeder har touke vin krom.

Ezekiel 16:63

Me lau tiri tseli doosh toutar krik, hoy ap toute anal. Te vell touke palle tiro phouro djipen an o shero, ladjeh tou, oun nay kreh tiro mouy bouder gar pre i ladjatar. Kava penau me, o baro Devel, tiro ray.

Hosea 10:6

Ava, ko terno gouroum vell an o them Assour anlo, oun kote vell lo o baro rayeste, o Yareb, dino. Havi ladj o Efrayimeske! Havi ladj vell ap i Israelitarya, kay patsan, te hi le yaake gosevo!

Hosea 2:8

Doleske čivau soubyengre bourra ap lakro drom oun krau i massouri, te nay hatsell li peskro drom gar.

Hosea 9:10

O baro Devel penell: I Israelitarya his mange har drake an o moulo them, har hatsom len kote. Oun t'mare phoure his mange har neve fayge ap i faygetikro rouk. I tsiro koy pre, har van le pash i berga Peor, dan le pen o vi-ladjedo debleske Baal koy, oun van yaake pale-čiddo har ko devel, kones yon kaman.