Jeremia 3:21 - O Debleskro Lab 2024 (Sinte-Manouche)

²¹ I gole oun i ropen vell shounlo ap o pralstouno them: Kolla hi i Israelitarya, kay djivan i čilačo djipen, oun bistran lengro baro Debles.

O Debleskro Drom 2021 (Sinte)

²¹ I gole un i ropen well shunlo ap o pralstuno them: Kolla hi i Israelitarja, kai djiwan i tchilatcho djipen, un bistran lengro baro Debles.

Jeremia 3:21 Iomraidhean Croise

Hiob 33:27

Ko mensho givell palle glan i menshende oun penell: “Me lom doosh ap mande, oun rissrom mange o čačepen yaake har me kamom. Oun miro Devel moukas kova gar ap miro shero pale te vell.

Gosewe laba 10:9

Kova, kay an o čačepen djivell, hounte darell gar. Kova, kay ap bange dromma djal, vell tapedo.

Gosewe laba 19:3

O mensheskro dinlepen anell les ap i drom, kay nashrell lo pes. Oun palle dell lo o baro Debleste i doosh.

Jesaja 15:2

I menshe dran o kheer Dibon djan pre pash kol pre-čidde barra, kay mangenn le pengre deblen an, te rovenn le koy pral i forya Nebo oun Medeba. Pengre balla oun pengre čora činan le tele i doukatar.

Jesaja 17:10

Israel, tou bistral tiro Debles, kova, kay tout vin las dran i čilače vasta. Tou bistral koles, kay his touke har i baro zorelo bar, pal koleste nay khatral tout. Oun kral touke pre-čidde barra, kay mangeh vavar deblen an. Ninna te čival kote shoukar drakengre rouka an i phoub,

Jesaja 57:11

Konestar trashal oun daral tou yaake, te rhorhral man oun bistral man, oun moukal man touke gar an o shero te vell? Hi kova gar yaake: I rah tsiro penom či koy pral. Oun doleske dareh bouder gar mandar.

Jeremia 12:12

Pral ko nango pralstouno them venn kol kourepangre, kay denn lauter khetne. O baro Devel anas len kay, te kourenn le pen i menshentsa an o tselo them, yek rigyatar bis ap i vavar. Oun kek nay nashell peske lendar.

Jeremia 13:25

T'mer bistran man oun djan rhorhene deblen palla. Doleske vell kay phagi pral toute, Yerusalem, hoy me, o baro Devel tout dau.

Jeremia 18:15

har mire menshe man bistran. Yon anenn firhen oun soungepaskro koova kol deblenge, kay kek hi. Kolla anan len o phoureder drom tele, oun moukenn len ap i djoungele dromma te djal.

Jeremia 2:32

Nay bistrell i terni čay peskro sonakay, i terni djouvel, kay kamell romedinerell, peskro biyabeskro ripen? Na-a! Mire menshe bistrenn man pale te pale.

Jeremia 3:2

Ap havi berga hals tou gomme gar i morsheha čiddo? Ap o drom hal tou beshdo, oun loureh ap lende, har i Arabari an o moulo tato them. Oun tou kreh ko them pale-čiddo tiro vi-ladjedo oun djoungelo koveha.

Jeremia 31:9

Yon venna ropah. Oun me rakrau lenge lačes, oun anau len pash panya oun ap lače dromma, te perell kek; me hom o Israeleskro dad, oun o Efrayim hi miro phoureder čavo.

Jeremia 7:29

Čin tire lengste balla tele, oun vitse len toutar krik! Gib i ropaskri gili ap i berge! O baro Devel hi rhoyedo pral kal menshende, oun tradell len pendar krik, oun kamell lendar či te djinell.

Ezekiel 23:35

Tou bistral man oun sikral man o doumo. Doleske hidje kanna tiri doosh, hoy ap toute anal, har vi-ladjedo koova kral oun har i loubni djival. Kova penell o baro Devel, maro ray.

Ezekiel 7:16

Oun kolla, kay nay nashenn penge, djivenn ap i berge har darene taube mank i bare barra, oun rovenn pral pengri doosh.

Hosea 13:6

Oun har dom len te rhal, oun yon čalo van oun len doha his, phourdan le pen pre, oun bistran man.

Hosea 8:14

I Israelitarya bistran koles, kay kras len. Yon krenn penge bare shoukar khera. Oun i menshe an o them Youda krenn penge zorele forya. Me, o baro Devel, vitsrau i yag an lengre forya, hoy lengre khera pre rhačrell.

Micha 3:9

Yaake shounenn kova, t'mer pralstoune an o kheer Yakob, oun t'mer raya an o kheer Israel! T'mer, kay stakrenn t'mare pirentsa ap o čačepen trouyel, oun penenn foun kova, hoy čačo hi: Kova hi rhorhepen.

4. Mose 22:32

Oun o baro Debleskro bolepaskro penas ap leste: “Hoske dal tou tiri bourika triin kope? Dik, me vom pash toute, te rikrap tout pale. Tiro drom, hoy tou djah, hi gar mishto an mire yaka.

2. Korintarja 7:10

Te hi yekes ropaske pral peskri doosh, oun o Devel dikell lačes ap leste, anell les kova ap o Debleskro drom, oun o Devel dell les o djipen. Oun kova khaytell kekes. Te hi yekes ropaske pral i phoubyakro koova anell les kova an o merepen.