Jeremia 3:14 - O Debleskro Lab 2024 (Sinte-Manouche)

¹⁴ Avenn pale, t'mer čave, kay nashan mandar krik, penell o baro Devel. Me hom t'maro ray. Me kamau t'mendar te lell yekes dran hako foro oun douy dran haki familya, oun kamau t'men an Sion te anell.

O Debleskro Drom 2021 (Sinte)

¹⁴ Awenn pale, tumer tchawe, kai nashan mandar krik, penell o baro Dewel. Me hom tumaro rai. Me kamau tumendar te lell jekes dran hako foro un dui dran haki familja, un kamau tumen an Zion te anell.

Jeremia 3:14 Iomraidhean Croise

2. Familjakro liil 30:6

Oun o baro ray oun i pralstoune dan i bičepangren i lila an o vast. Oun kolla nashan an o tselo them Israel oun Youda, oun dan vin gole yaake har o baro ray lenge penas: “T'mer Israelitarya, kay pral ačan oun vin lino van dran i vasta kol bare rayendar pral o them Assour, avenn pale pash o baro Debleste, ko Devel t'mare phourendar, o Abraham, o Isaak oun o Israel! Palle vell yob pale pash t'mende.

Jesaja 1:9

Te moukals o baro Devel, ko ray pral o bolepen oun i phoub, gar mendar pral, djals menge har i foryenge Sodom oun Gomorra.

Jesaja 10:22

Ninna te vans i Israelitarya yaake boud har i santa pash o baro pani, gar boud lendar ačenn pral, oun venn pale pale ap o Debleskro drom. O merepen vell boudenge. Kova hi i vi-kerdo koova. Yaake vell o čačepen kerdo.

Jesaja 17:6

Kokres i vast pherdo menshe ačenn djido. O Israel hi har i djeteskro rouk, kolestar dan le i djeteskre drake tele. Oun douy te triin drake ačan pral ap i pralstoune kashta, oun star te panč ap i telstoune kashta. Me, o baro Devel, hom o Israeleskro Devel, oun penom kova.

Jesaja 27:12

I tsiro vella, kay lell o baro Devel peskre menshen khetne dran o tselo them mank o pani Eufrat oun o them Egiptia. Yob rodell len vin har yek o tikno djob vin rodell dran o phouss, yek pal o vavar.

Jesaja 31:6

T'mer Israelitarya, rissrenn trouyel pash o baro Debleste, kolestar t'mer yaake dour tele peran!

Jesaja 44:22

Ko čilačo koova, hoy tou kral, lom toutar krik, te hi lo gar bouder. Yaake har i nebla, har i folka krik phourdedo vell, yaake phourdom koy doosh krik, hoy ap toute his. Ab pale pash mande, me playsrom touke, te vess miro.

Jesaja 54:5

Kova, kay tout kras, hi kanna tiro rom. Baro Devel, ray pral o bolepen oun i phoub hi leskro lab. Yob ginas tout vin dran o pandepen, oun hi o Israeleskro čačo Devel. Yob vell kharedo: O Devel pral i tseli phoub.

Jesaja 55:7

Koon kamas či o Deblestar te djinell, kova te djal kanna peskro čilačo dromestar tele! Oun kova, kay čilačo koova an peskro shero hi, yob te moukell savo koova, oun vell pale pash maro baro Debleste, yaake te krell yob peskro dji leske pre, oun lell leskri doosh krik.

Jesaja 57:17

Lengri doosh his, te lan le gar doha. Pral kova vom rhoyedo, oun koleske dom me len, khatrom man glan lende oun rhoyrom man. Oun yon djan doureder ap pengro drom oun van gar pale pash mande.

Jesaja 6:13

Ninna te ačell o deshto kotar gomme koy, djal lenge har i tikne kashta, kay venn dran i tele-dino rouk. I yag rhačrell len pre. Ko telstouno kotar o roukestar ačell. Oun dran leste vell nevo djipen, hoy hi o Debleske koy.

Jeremia 2:19

Dran tiro čilačepen vell kova ap toute. Tou shounal gar. Doleske leh tou savi phagi. Tou hounte djiness oun hayvess, havo pharo koova oun douka ap koleste venna, kay djal peskro baro Deblestar krik, oun kamell lestar bouder či te djinell. Kova penell o baro Devel, ko ray pral o bolepen oun i phoub.

Jeremia 2:2

Dja koy, oun rake glan i tsele menshende an o foro Yerusalem, oun pen: Kova penell o baro Devel: Israel, me djinau, har ap mande rikral har terno hals, oun har kamal man har i pirni peskro pirnes, oun har tou mantsa djal an o moulo tato them, an ko them, kay či bares vell an i phoub.

Jeremia 23:3

Oun me lau khetne kolen, kay djido ačan mire menshendar dran i tsele themma, kay tradom len. Me anau len pale khere. Kote djal lenge mishto, oun yon venn pale boud menshe.

Jeremia 29:14

palle moukau man t'mendar te hatsell, penell o baro Devel. Oun me lau t'men dran t'maro pandepen vin, oun anau t'men khetne dran i tsele menshende oun themma, kay tradom t'men, penell o baro Devel. Oun me anau t'men pale an kava them, kay moukom t'men krik te anell.

Jeremia 3:1

O baro Devel penas: Te bičras i morsh peskri romyat krik, oun yoy djal pash i vavar morsheste, nay lell yob lat gar pale. Palle vals ko them pale-čiddo. Tou dal tout trouyel boudentsa, oun kameh pale pash mande te vell?

Jeremia 3:12

Dja koy oun de kol laba gole ap kolende, kay djivenn an o norden oun pen: “Tou Israel, kay djal mandar krik, am pale”, penas o baro Devel. Palle kamau bouder gar rhoyedo ap t'mende te dikell. Man hi i dji t'menge, oun kamau gar hako tsiro rhoyedo te vell ap t'mende.

Jeremia 3:8

har me lakri phenyat, i Israel, krik bičrom koleske, kay das li pes vavar morshentsa trouyel, oun dom lat i liil, kay činlo hi, te bičrom lat krik. Kova kras i rhorheni Youdake kek daar. Yoy djas koy oun das pes ninna trouyel vavar morshentsa.

Jeremia 31:12

Yon venna pral ap i berga Sion, oun denn gole i barhtyatar, oun venn barhteles pral kova, hoy o baro Devel len dell: djob, mool, djet oun terne bakre oun groumya. Lengre djia venn zorelo har i garta, kolat hako tsiro doha pani hi. Oun lenge hi bouder gar ropaske.

Jeremia 31:32

Kova hi gar har kova, hoy lengre phourentsa vin krom, har lom len pash o vast oun lom len dran o them Egiptia. Kol laba, hoy lende dom, te rikrenn le pen ap lende, phagan le, ninna te hom me lenge i lačo ray.

Jeremia 31:6

Ko tsiro vella, kay denn le gole ap i berge Efrayim: Avenn, te djas pre an o foro Sion pash maro baro Debleste!

Hosea 5:15

Me djau mange pale kote, kay khere hom, bis te dikenn le pengri doosh dren oun rodenn man. Te djal lenge gar mishto, palle poučenn le pale pal mande.

Zakarie 1:4

Ma avenn har t'mare phoure! Glan boud bersha penan lenge mire rakepangre mire laba oun penan: Kava penell o baro Devel, ko ray pral o bolepen oun i phoub: Moukenn t'mare čilače dromma! Ma krenn bouder gar čilačo koova! Yon shounan gar ap mande oun kran gar, hoy lenge penom.

Remarja 9:27

Pral i Israelitarya rakras o Debleskro rakepaskro, o Yesaya, kol laba: Ninna te vans i Israelitarya yaake boud har i tikne barra pash o baro pani, kol boudendar ačella yek vast pherdo pral, oun vell dran o Debleskri rholi vin.