Jeremia 3:11 - O Debleskro Lab 2024 (Sinte-Manouche)

¹¹ Oun o baro Devel penas ap mande: I Israel, kay djas mandar krik, hi feteder har i rhorheni Youda.

O Debleskro Drom 2021 (Sinte)

¹¹ Un o baro Dewel penas ap mande: I Israel, kai djas mandar krik, hi feteder har i chocheni Juda.

Jeremia 3:11 Iomraidhean Croise

Jeremia 11:10

Yon krenn savo čilačo koova har lengre phoure kran, kay glan lende his, oun kaman ap mire laba vitar gar te shounell, oun nashan kol vavar deblen palla oun mangan len an. Yaake rikran kol menshe dran o kheer Israel oun dran o kheer Youda kol laba gar dren, hoy krom lengre phourentsa vin.

Jeremia 3:22

Avenn pale pale, t'mer kay djan t'menge mandar! Oun me kamau lauter bistrell, hoy kran. Dik, mer vah pash toute. Tou hal o baro Devel, maro ray.

Jeremia 3:7

Oun me patsom, har yoy kova lauter kras, vell yoy pash mande pale. Kova kras yoy gar. Lakri pheen, i Youda, kay man ninna rhorhras, dikas,

Jeremia 3:8

har me lakri phenyat, i Israel, krik bičrom koleske, kay das li pes vavar morshentsa trouyel, oun dom lat i liil, kay činlo hi, te bičrom lat krik. Kova kras i rhorheni Youdake kek daar. Yoy djas koy oun das pes ninna trouyel vavar morshentsa.

Ezekiel 16:47

Touke his gar doha, te djas ap lengre čilače dromma, oun te kress ko djoungelo koova, hoy yon kran! Na-a, tou val gomme čilačeder har yon, oun kral gomme djoungleder koova har yon kran.

Ezekiel 23:11

Lakri pheen, i Oholiba, dikas kova. Ninna te dikas li har lakri phenyake djas, nashas li gomme boudeder morshende palla, oun loubras djoungleder trouyel har lakri pheen.

Hosea 11:7

Mire menshe ačenna krik mandar, oun kamenn gar pash mande te vell. Ninna te venn le pash mande, o pralstuneste, hadenn le man gar.

Hosea 4:16

I menshe an Israel hi har i divyi groumni, oun moukenn pen či te penell. Har nay krals o baro Devel lentsa, har te vans le tikne bakre, oun nay anals len vin ap i bourhlo kotar phoub, te hatsenn le kote zenlepen?