Jeremia 3:10 - O Debleskro Lab 2024 (Sinte-Manouche)

¹⁰ Oun an ko tselo koova vas i Youda, lakri pheen, gar pash mande o tselo djiyestar, kokres o mouyeha, penas o baro Devel.

O Debleskro Drom 2021 (Sinte)

¹⁰ Un an ko tselo koowa was i Juda, lakri pheen, gar pash mande o tselo djijestar, kokres o mujeha, penas o baro Dewel.

Jeremia 3:10 Iomraidhean Croise

2. Familjakro liil 34:33

Oun o Yosia vitsras i tsele djoungele rhorhene deblen dran o tselo them vin, kay i Israelitarya djivan, oun kras, te mangan le halauter o baro Debles an, kay lengro Devel hi. Yaake rah, har o Yosia djivas, moukan le gar o baro Debles, ko Debles, koles ninna lengre phoure an-mangan.

Debleskri gili 18:44

Tou lal man vin dran o čingepen mire menshentsa, oun kral man o ray pral i menshende dran vavar themma, Menshe, kolen me gar prindjrom, boudrenn mange.

Debleskri gili 66:3

Penenn ap o Debleste: Har baro hi kova lauter, hoy tou kral. Kolla, kay tout gar kaman, hounte čivenn pen tele glan toute, glan tiri bari zoor!

Jesaja 10:6

Me bičrom len pash kol menshende, kay kamenn mandar či te djinell, oun ap kolende rhoyedo hom, te djan le ap lende pre, oun randenn len vin oun čorenn len vin, oun stakrenn len khetne har i čik ap o drom.

Jesaja 29:13

O baro Devel, maro ray, penas: Kal menshe sharenn man labentsa. Lengre čipya hadenn man. Lengre djia hi dour krik mandar. Te mangenn le man an, rakrenn le palla, hoy lenge glan penlo vas.

Jesaja 31:6

T'mer Israelitarya, rissrenn trouyel pash o baro Debleste, kolestar t'mer yaake dour tele peran!

Jeremia 11:10

Yon krenn savo čilačo koova har lengre phoure kran, kay glan lende his, oun kaman ap mire laba vitar gar te shounell, oun nashan kol vavar deblen palla oun mangan len an. Yaake rikran kol menshe dran o kheer Israel oun dran o kheer Youda kol laba gar dren, hoy krom lengre phourentsa vin.

Jeremia 12:2

Yon hi har rouka, kay tou čival an i phoub. Yon van baro oun zorelo, oun hidjrenn boud roukengre. Lengro mouy rakrell lačepen toutar, lengro dji hi dour toutar krik.

Jeremia 9:1

Te vals man an o moulo tato them i kheer, kay nay ačau, moukoms me mire menshen, oun djoms mange. Yon lauter hi har romma, kay moukan pengre romyen beshdo. Yaake moukan kal phoukepangre o baro Debles.

Hosea 7:14

Te denn le gole ap mande, vell kova gar dran lengro dji. Čiddo hi le ap pengro čiben oun rovenna zoreles, oun činenn pen ratles, te vell len djob oun mool. Ap mande shounenn le gar.

Amos 4:9

Me bičrom i tato phourdepen oun i nasslepen ap t'maro djob, yaake te meras o djob tele. Ninna rhan i stepangre lauter, hoy bares vas an t'mari baar oun an t'maro drakengro them, ap t'mare faygetikre rouka oun djeteskre rouka. Ninna palle van t'mer gar pale pash mande, penell o baro Devel.

Maleachi 2:11

I menshe dran Youda phagan pengri sovel, hoy dan le pengro Debleste. Oun an o them Israel oun an o foro Yerusalem djal djoungelo koova, hoy i menshen pale-čiddo krell. I morsha an Youda romedineran djouvyen, kay vavar deblen an-mangenna. Oun yaake kran le o kheer pale-čiddo, kay o baro Devel djivell, oun hoy lo kamell.