Jeremia 28:5 - O Debleskro Lab 2024 (Sinte-Manouche)

⁵ Koy rakras o Debleskro rakepaskro, o Yeremia ap o rakepaskro, o Hananya. Oun i rashaya oun i tsele menshe, kay an o Debleskro kheer tardo hi, shounan, har lo penas:

O Debleskro Drom 2021 (Sinte)

⁵ Koi rakras o Debleskro rakepaskro, o Jeremia ap o rakepaskro, o Hananja. Un i rashaja un i tsele menshe, kai an o Debleskro kheer tardo hi, shunan, har lo penas:

Jeremia 28:5 Iomraidhean Croise

1. Familjakro liil 3:19

O Pedaya his o dad douy čavendar: o Zorobabel oun o Shimi. O Zorobabel his o dad kol douy morsh čavendar, o Meshoullam oun o Hananya. Oun i Shelomit his lengri pheen.

Jeremia 19:14

Oun o Yeremia djas pale dran Tofet, kay bičras les o baro Devel koy, te penell yob o Debleskre laba. Oun djas ap koy glanstouni platsa glan o baro Debleskro kheer, oun penas ap i tsele menshende:

Jeremia 26:2

Kova hi, hoy me, o baro Devel, touke penau: Dja ap i glanstouni platsa glan miro baro kheer, oun rake ap kol tsele menshende, kay van dran i tsele forya dran o them Youda, te mangenn le man an. Pen lenge i tsele laba, hoy touke penom. Ma mouk čomone krik!

Jeremia 28:1

An kava emligo bersh an o pančto čon an o starto bersh, har o Sedekya o baro ray pral Youda his, rakras o rakepaskro, o Hananya, ap mande. Leskro dad his o Asur. O Hananya his i rakepaskro dran Gibeon, kay das glan, kay leskre laba o baro Deblestar venna. Yob rakras ap mande, har homs an o baro Debleskro kheer. Oun i rashaya oun kol vavar menshe, kay ninna koy his, shounan, har yob mange penas:

Jeremia 7:2

Dja oun čip tout an ko voudar o baro Debleskro kherestar, oun pen i menshenge kal laba: T'mer lauter dran o them Youda, kay djan kate dren, te mangenn o baro Debles an, shounenn o baro Debleskro lab!