Jeremia 28:16 - O Debleskro Lab 2024 (Sinte-Manouche)

¹⁶ Doleske penell o baro Devel: Tiro rakepah anal i menshen o Debleskro dromestar krik. Doleske lau tout krik i phoubyatar. Kava bersh mereh tou.”

O Debleskro Drom 2021 (Sinte)

¹⁶ Doleske penell o baro Dewel: Tiro rakepah anal i menshen o Debleskro dromestar krik. Doleske lau tut krik i phubjatar. Kau bersh mereh tu.”

Jeremia 28:16 Iomraidhean Croise

1. Mose 7:4

An efta divessa moukau me brishin tele te vell ap i phoub: star-desha divessa oun star-desha rati, yaake te merell ap i phoub o tselo djipen, hoy krom.”

1. Rajengro liil 13:34

Kay doosh, hoy anas o Yerobeam ap peste, kras, te meras leskri familya vin, oun vas bouder gar hatslo ap i tseli phoub.

2. Mose 32:12

Kameh, te penenn i Egiptarya: Kava Devel anas i Israelitaryen dran maro them vin, te marell lo len an i berge, te ačell kek lendar pral ap i phoub. Mangau tout, dja pale tiri rhačedi rholyatar! Mouk kay bibarht gar pral lende te vell!

Jeremia 20:6

Oun tou, Pashour, veh tapedo khetne kolentsa, kay pash toute an o kheer hi, oun pandles an Babilonia anlo. Kote hounte meress oun veh paskedo tire tsele malentsa, kay ginal lenge rhorhepen dren.

Jeremia 28:17

Oun o Hananya meras an kava emligo bersh an o eftato čon.

Jeremia 28:3

Glan douy bersha trouyel hi, anau ko tselo kouč koova pale pale, hoy an o baro Debleskro kheer his, oun hoy o baro ray dran Babilonia, o Neboukadnezar, kotar krik las, oun an o them Babilonia anas.

Jeremia 29:32

Doleske dau me, o baro Devel, leste oun leskri familyate i phagi. Kek lendar ačell djido mank kal menshende. Oun yob dikell gar ko lačepen, hoy krau ap mire menshende. Peskro rakepah anas yob mire menshen mandar krik. Kova penell o baro Devel.

Amos 7:17

Doleske penell o baro Devel: Tiri romni vell i loubni an o foro. Tire čave oun ča venn maredo o rhareha. Tiri phoub lenn vavar menshe. Tou meress an i pale-čiddo them. Oun i Israelitarya venn vin tradedo dran lengro them.”

Amos 9:8

Me, o baro Devel hom o ray, oun lau ko tselo čilačepen an o yak, hoy i menshe an o them Israel krenn. Doleske thovau les krik i phoubyatar. Vin lino venn gar boud menshe, ninna te vell gar o tselo kheer Israel maredo. Kova penau me, o baro Devel.

5. Mose 6:15

Tiro baro Devel hi mank t'mende oun kamell te kamess les kokres. Te rikreh gar pash leste, vell leskri rholi pral toute, oun yob lell tout krik i phoubyatar.