Jeremia 28:1 - O Debleskro Lab 2024 (Sinte-Manouche)

¹ An kava emligo bersh an o pančto čon an o starto bersh, har o Sedekya o baro ray pral Youda his, rakras o rakepaskro, o Hananya, ap mande. Leskro dad his o Asur. O Hananya his i rakepaskro dran Gibeon, kay das glan, kay leskre laba o baro Deblestar venna. Yob rakras ap mande, har homs an o baro Debleskro kheer. Oun i rashaya oun kol vavar menshe, kay ninna koy his, shounan, har yob mange penas:

O Debleskro Drom 2021 (Sinte)

¹ An kau emligo bersh an o pantchto tchon an o starto bersh, har o Zedekja o baro rai pral Juda his, rakras o rakepaskro, o Hananja, ap mande. Leskro dad his o Asur. O Hananja his i rakepaskro dran Gibeon, kai das glan, kai leskre laba o baro Deblestar wenna. Job rakras ap mande, har homs an o baro Debleskro kheer. Un i rashaja un kol wawar menshe, kai ninna koi his, shunan, har job mange penas:

Jeremia 28:1 Iomraidhean Croise

1. Rajengro liil 3:4

I dives vas, kay djas o baro ray Salomo an o foro Gibeon, te marell lo kote firhen o Debleske. Koy platsa his i feteder platsa, kay rhačran le firhen o Debleske. An o tselo tsiro his yaake yek zero firhen, hoy o Salomo kote ap koy rhačepaskri o Debleske rhačras.

2. Rajengro liil 24:18

Biish-te-yek bersh his o Sedekya, har lo baro ray vas; oun deesh-te-yek bersha his lo baro ray an o foro Yerusalem. Leskri day kharas Hamoutal. Lakro dad his o Yirmeya dran Libna.

2. Familjakro liil 36:11

Biish-te-yek (21) bersh his o Sedekya, har lo baro ray vas; oun deesh-te-yek (11) bersha his lo baro ray an o foro Yerusalem.

Jesaja 9:15

I pralstoune pral i menshende anenn i menshen ap bange dromma oun krenn te djinenn yon bouder gar, hoy čačo hi.

Jeremia 23:28

Te dell i rakepaskro souni, mou penell lo peskri souni! Kova, kay lell i lab mandar, kova te penell ko lab mishto doureder! Me, o baro Devel penau t'menge: O phouss oun o djob hi gar o emligo koova. Yaake hi vitar gar emligo ko rakepen, hoy kol rhorhene rakepangre rakrenna, oun o rakepen, hoy mandar vella.

Jeremia 27:1

Kava hi ko lab, hoy penas o baro Devel ap o Yeremia. Kova his i tikno tsiro palla, kay vas o Sedekya, koleskro dad o Yosia his, o baro ray pral o them Youda.

Jeremia 27:12

Oun me penom kal tsele laba ap o baro rayeste pral o them Youda, o Sedekya, oun penom leske ninna: Te kamenn t'mer djido te ačell, krenn, hoy o baro ray dran Babilonia t'mendar kamell, oun moukenn les oun leskre menshen o ray pral t'mende te vell!

Jeremia 27:3

Man hi i lab kol bare rayenge pral i themma Edom, Moab, Ammon, Tirus oun Sidon. Lengre bičepangre hi an Yerusalem pash o baro rayeste Sedekya. Mouk lenge te penell,

Jeremia 28:11

Oun o Hananya penas glan i tsele menshende, kay kote his: “Kova penell o baro Devel: Yaake phagau i zoor o baro rayestar Neboukadnezar dran Babilonia khetne, glan douy bersha trouyel hi, oun lau i tsele themma dran leskre vasta vin.” Oun o Debleskro rakepaskro o Yeremia djas peske.

Jeremia 28:17

Oun o Hananya meras an kava emligo bersh an o eftato čon.

Jeremia 28:5

Koy rakras o Debleskro rakepaskro, o Yeremia ap o rakepaskro, o Hananya. Oun i rashaya oun i tsele menshe, kay an o Debleskro kheer tardo hi, shounan, har lo penas:

Jeremia 29:15

T'mer penenn, kay o baro Devel das t'men peskre rakepangre ninna an o them Babilonia. –

Jeremia 36:12

Oun sik djas lo an o baro rayeskro kheer, kote, kay i pralstoune khetne beshdo his: o činepaskro Elishama, kay i lila činas, o Delaya, koleskro dad o Shemaya his, o Elnatan, koleskro dad o Akbor his, o Gemarya, koleskro dad o Shafan his, o Sidkiya, koleskro dad o Hananya his, oun kol vavar pralstoune.

Jeremia 37:13

Har yob pash o Benyamineskro Voudar vas, his kote i lourdo, kay das garda, koon dren te vin nashella. Kova kharas Iria, leskro dad his o Shelemya, koleskro dad his o Hananya; o Iria das garda ap ko voudar, oun rikras o Yeremiyes peske vastentsa pre, oun penas: Tou kameh pash i Babilonarya vergel te nashell.

Jeremia 37:19

Kay hi kanna t'mare dikepangre, kay penan t'menge glan-vi, te vell o baro ray dran o them Babilonia gar pral t'mende, oun vitar gar pral kava tselo them?

Jeremia 49:34

Kava hi ko lab, hoy penas o baro Devel ap peskro rakepaskro, o Yeremia, pral o them Elam. Kova his i tikno tsiro palla, kay vas o Sedekya o baro ray pral o them Youda.

Jeremia 51:59

Kal tsele laba, kay penenn, havi bibarht pral o foro Babilon vell, činas o Debleskro rakepaskro, o Yeremia, an i liil. Kava liil das lo i morsheste, kova kharas Seraya. Leskro dad his o Neriya, koleskro dad his o Maasseya. Kova his an ko tsiro, har o Sedekya an o starto bersh baro ray pral o them Youda his, oun an o foro Babilon djas. O Seraya djas leha. Oun an leskro vast his, te dikell lo, kay lauter mishto djas ap o drom.

Ezekiel 13:6

Lengro dikepen hi či-moldo. Oun lengro dourkepen hi rhorhepen. Ninna te bičras len gar o baro Devel, penenn le Yaake penas o baro Devel, oun lourenn pre, te vell kova, hoy yon glan-vi penan.

Hosea 7:3

Pengro čilačepah krenn le o baro rayes barhtelo, oun pengro rhorhepah i pralstunen.

Josua 10:12

Ap ko dives, kay o baro Devel i Amoraryen an o Israeleskro vast das, rakras o Yosua o baro Debleha oun kharas vin glan i Israelitarya: “Kham, ač tardo pral o foro Gibeon! Oun tou, čon ač tardo an i tala Ayalon!”

Josua 9:3

Har shounan i menshe, kay an o foro Gibeon djivenn, hoy o Yosua kolentsa kras, kay an i forya Yericho oun Ai djivan,