Jeremia 27:5 - O Debleskro Lab 2024 (Sinte-Manouche)

⁵ Miri bari zoryah krom kay phoub oun i menshen oun firhen, kay ap i phoub hi. Oun me dau len, koneste kamau.

O Debleskro Drom 2021 (Sinte)

⁵ Miri bari sorjah krom kai phub un i menshen un viechen, kai ap i phub hi. Un me dau len, koneste kamau.

Jeremia 27:5 Iomraidhean Croise

1. Mose 1:25

Oun o Devel kras hake divye firhen oun hake firhen, kay gar divye hi, ninna i tsele tikne firhen ap i phoub. Oun yob dikas, kay kova mishto hi.

1. Mose 9:6

O Devel kras o menshes, yaake har yob hi. Doleske hounte vell kova moulo dino i menshestar, kay i menshes moulo das.

Esra 1:2

Yaake rakrell o Cyrus, ko ray pral o them Persia: O baro Devel an o bolepen das man i tsele themma ap kay phoub. Oun yob penas mange, te krap leske i kheer an o foro Yerusalem an o them Youda.

Nehemia 9:22

Oun dal rayengre themma oun vavar menshen an lengre vasta; yek them pal o vavar dal tou len. Yaake lan le o them Heshbon dren, kay o Sihon o baro ray his, ninna o them Bashan, kay o Og o baro ray his.

Debleskri gili 102:25

Me penom: Mo Devel, le man gar krik ap o paash drom miro djipastar! Tiro djipen herell gar pre, an kek tsiro.

Debleskri gili 96:5

I debla i vavar menshendar hi rhorhene debla. O baro Devel hi kova, kay o bolepen kras.

2. Mose 20:11

An shob divessa kras o baro Devel o bolepen oun i phoub, o pani oun halauter, hoy koy dren hi. Oun o eftato dives kras lo či. Doleske penas lo: Kava dives hi i baro dives mange. Kava dives hi miro.

2. Mose 6:6

Doleske pen ap i Israelitarya: Me hom o baro Devel! Me lau t'men vin dran t'mari phari boudi, hoy i Egiptarya ap t'mende čivan. Miri bari rholi vell ap lende, oun bari zoryah lau t'men vin.

Jesaja 42:5

O baro Devel hi maro ray, kova, kay o bolepen kras, oun har i plarhta bourhles kras. Ninna i phoub kras lo, oun lauter hoy li vin anell. Oun i menshen ap late dell lo o dourho, oun djipen kolende, kay ap late djivenn. Yob penell:

Jesaja 44:24

Kava penell o baro Devel, kova, kay ginas tout vin dran i bibarht, oun kova, kay tout kras har gomme gar boldo hals: Me, o baro Devel hom kova, kay lauter kras, Me kokres krom o bolepen bourhlo pral i phoub, Oun har me i phoub zoreles pre čivom, his kek kote pash mande.

Jesaja 45:12

Me hom kova, kay kras i phoub, oun ko menshes, kay ap late hi, ninna. Mire vastentsa krom o bolepen bourhles, oun kol tsele momlia ap leste penom me, kay le venn.

Jesaja 48:13

Mire vastentsa krom i phoub, oun čivom o bolepen bourhles pral i phoub. Me dom len gole, oun yon his koy tardo.

Jesaja 51:13

Bistran t'mer o baro Debles, kova, kay t'men kras? Yob hi kova, kay o bolepen bourhles pral i phoub kras, oun i phoub pre čivas. Hoske darenn t'mer o tselo tsiro glan i rholi kolendar, kay rikrenn t'men tele oun kamenn t'men te marell? Lengri rholi nay taprell t'men gar!

Jeremia 27:4

te penenn le lengre rayenge kava lab: Kova hi, hoy penell o baro Devel, ko ray pral o bolepen oun i phoub, koles o Israel an-mangell:

Jeremia 32:17

Baro Devel, miro ray, tou kral o bolepen oun i phoub dran tiri bari zoor oun tiro zorelo vasteha. Oun či hi koy, hoy nay kreh gar.

Jeremia 51:15

Yob, o baro Devel, kras i phoub peskri zoryah, oun kras lat zoreles an peskro gosvepen, oun kras o bolepen koy pral.

Daniel 2:38

Oun das an tiro vast i tsele themma, kay menshe djivenna, ninna i firhen an o veesh oun i čirklen tel o bolepen. Oun kras tout ray pral lende. Tou hal ko shero dran sonakay.

Daniel 4:14

I bolepangre, kay lauter an o yak lenn, rakran kova vin. Oun yon, kay venna o Deblestar, kamenn, te vell kova yaake, te dikenn i menshe, te hi o pralstouno Debles i zoor pral i rayengre themma, oun yob len koleste dell, koneste yob kamell. Koles, kay tikno hi mank i menshende, nay čivell yob pral lende.

Daniel 4:17

Ko rouk, koles tou dikal, kova, kay baro oun zorelo vas, – yaake baro, te djas lo bis ap o bolepen, oun koles hakeno nay dikas, kay lo ninna his ap kay phoub,

Daniel 4:22

Tou veh pale-čiddo oun hounte djivess pash i firhende oun bouder gar mank i menshende. Yon denn tout khass te rhal har i groumyen. Oun tou čiveh tout vin tele. Oun o brishin perell ap toute tele oun krell tout sapenes. Oun efta bersha djan yaake trouyel, bis te tou hayveh, te hi o pralstouno Debles i tsele rayengre themma an peskro vast, oun yob dell kol themma koleste yob kamell.

Daniel 4:25

Oun lauter vas yaake pral o baro rayeste, o Neboukadnezar.

Daniel 5:18

Tou miro ray! O pralstouno Devel das tiro dades Neboukadnezar themma, rayeskri zoor, barepen oun raylepen.

Bičepangre 14:15

“Morshale, hoy krenn t'mer kote? Mer ham menshe har t'mer, oun penah t'menge o lačo lab o djido Deblestar. Yob kamell, te venn t'mer ap leskro drom, oun mangenn bouder gar kol rhorhene deblen dran kasht oun bar an. Yob hi ko Devel, kay kras o bolepen oun i phoub, oun o baro pani, oun lauter, hoy djivella.

Bičepangre 17:24

Ko Devel kras o bolepen oun i phoub, oun lauter, hoy koy pre hi. Yob hi o ray pral o bolepen oun i phoub. Yob djivell gar an i Debleskre khera, kay i menshe pengre vastentsa kran.

Bičepangre 17:26

Ko Devel kras ko yek menshes, o Adames. Kolestar van i tsele menshe an hake themma ap i phoub. Yob das len i tsiro, har rah yon djivenna, oun ninna an havo them yon djivenna.

5. Mose 2:19

Oun tou veh pash o them, kay i Ammonarya djivenn, kol menshe, kay venna pal o Lot. Kolenge kress kek čilačepen! Oun mouk tout ap kek čingepen lentsa dren. Me dau tout kek kotar lengro themestar, hoy dom lende.”

5. Mose 2:21

Kolla his boud oun bare lengste menshe, yaake bares har i Anakarya. Oun o baro Devel tradas len krik dran o them glan i Ammonarya, te lenn kolla ko them oun djivenn palle koy dren.

5. Mose 2:7

Ma bistrenn, maro baro Devel das men barht an halauter, hoy mare vasta kran. Yob das yak ap mende ap o drom an kava baro moulo them: Star-deesh (40) bersha his o baro Devel mentsa, oun halauter hoy men hounte vas, das lo men.

5. Mose 2:9

Oun o baro Devel penas ap mande: “Kre i menshenge an o them Moab kek čilačepen, oun ma mouk tout an i čingepen lentsa dren! Ma bistrenn, yon hi i menshe, kay venna pal o Lot. Lenge dom o foro Ar oun ko them trouyel, te djivenn le kote. Me kamau tout či lengro themestar te dell.”

5. Mose 32:8

har o pralstouno Devel i menshen pengro them das. Yob moukas i natsyone kote djivenn, kay lo kamas. Peskre čaven Israel das lo hakenes i them bares doha leskre menshenge.

5. Mose 4:17

i firho ap o them, i čirklo ap o bolepen,

5. Mose 4:25

Te djivan t'mer an o them boud bersha oun t'men hi čave oun čavengre čave kote, ma krenn t'menge i debleskri figura čomonestar! Kova vals čilačo glan i yaka o baro Deblestar. Te krenn t'mer savo djoungelo koova, krenn t'mer les rhoyedo.

5. Mose 4:32

Rakrenn pral ko phouro tsiro, har t'mer gomme gar koy hans, har o Devel o menshes ap kay phoub kras. Rodenn ap i tseli phoub: Vas sau baro koova diklo oun shounlo,

5. Mose 4:35

T'men moukas lo kova te dikell, te djinenn, te hi o baro Devel o čačo Devel, oun te dell kek vavar debles har les kokres.

5. Mose 5:16

Dik ap tiro dadeste oun ap tiri date, te djal lenge mishto. Yaake djiveh i rah djipen an ko them, hoy tout tiro baro Devel della.

5. Mose 9:29

Yon hi tire menshe, kolen tou vin lal dran o them Egiptia tiri bari zoryah oun tiro zorelo vasteha, te venn le tire menshe!”

Kolossarja 1:16

Dran leste vas lauter kerdo, hoy hi an o bolepen oun ap i phoub, kova, hoy dikah, oun hoy gar dikah. Mank lende hi bare raya oun i zorele pralstoune oun lauter, kay hi len penepaske mashkral o bolepen oun i phoub. Lauter van dran leste, oun van leske kerdo.

Hebrearja 1:2

Kanna, an kava tsiro, bičras lo peskro čaves pash mende, te rakras yob ap mende. Koleste das o Devel lauter an leskre vasta, te vell yob o ray pral lauter. Koleha kras lo o bolepen oun i phoub.

Debleskro tsiro 4:11

“Tou, o Devel, maro ray, tou hal moldo, te less o raylepen, oun o sharepen, oun i zoor. Tou kral o bolepen oun i phoub. Yaake, har tou kamal, yaake kral tou kova, oun vas kova.”