Jeremia 27:4 - O Debleskro Lab 2024 (Sinte-Manouche)

⁴ te penenn le lengre rayenge kava lab: Kova hi, hoy penell o baro Devel, ko ray pral o bolepen oun i phoub, koles o Israel an-mangell:

O Debleskro Drom 2021 (Sinte)

⁴ te penenn le lengre rajenge kau lab: Kowa hi, hoi penell o baro Dewel, ko rai pral o bolepen un i phub, koles o Israel an-mangell:

Jeremia 27:4 Iomraidhean Croise

2. Mose 5:1

Palle djas o Mose oun o Aron pash o Farao oun penan ap leste: “Yaake rakrella o baro Devel, kay o Israeleskro Devel hi: Mouk mire menshen te djal, te djan le an o moulo tato them, oun kote sharenn le man.”

Jeremia 10:10

O baro Devel hi o čačo Devel, ko djido Devel, kay hako tsireske o baro ray ačell. Te vell yob rhoyedo, trissell i phoub, oun i menshe nay rikrenn leskri rholi gar vin.

Jeremia 10:16

Har vavarčandes hi ko Devel, koles o Yakobeskre čave an-mangenna! Yob hi kova, kay kras halauter. Oun i Israelitarya hi leskre menshe. Yob kharell: o baro Devel, ko ray pral o bolepen oun i phoub.

Jeremia 25:27

Oun o baro Devel penas mange: Pen lenge: Kova hi, hoy penell o baro Devel, ko ray pral o bolepen oun i phoub, kones i Israelitarya an-mangenn: Piyenn, te venn mato oun hounte čadenn, bis te perenn tele oun nay stenn gar bouder pre! Perenn an o rharo, hoy bičrau mank t'mende!

Jeremia 27:3

Man hi i lab kol bare rayenge pral i themma Edom, Moab, Ammon, Tirus oun Sidon. Lengre bičepangre hi an Yerusalem pash o baro rayeste Sedekya. Mouk lenge te penell,

Jeremia 27:5

Miri bari zoryah krom kay phoub oun i menshen oun firhen, kay ap i phoub hi. Oun me dau len, koneste kamau.

Jeremia 28:14

O baro Devel, ko ray pral o bolepen oun i phoub, kay o Israeleskro Devel hi, kova penell: Me krau, te hounte boudrenn i menshe an kal tsele themma o baro rayeske dran Babilonia, o Neboukadnezar. Leskro vast hi phares ap lende čiddo har i saster, hoy o harho troul o gouroumeskri meen čivell. Ninna i firhen čivom an leskro vast.”

Jeremia 51:19

Har vavarčandes hi ko Devel, koles o Yakobeskre čave an-mangenna! Yob hi kova, kay kras halauter. Oun i Israelitarya hi leskre menshe. Yob kharell: o baro Devel, ko ray pral o bolepen oun i phoub.