Jeremia 27:22 - O Debleskro Lab 2024 (Sinte-Manouche)

²² Kova lauter vell krik anlo an o them Babilonia, oun ačell kote, bis ap ko dives, kay me pal kova dikau, oun moukau les pale pale kate te anell. Kova penell o baro Devel.

O Debleskro Drom 2021 (Sinte)

²² Kowa lauter well krik anlo an o them Babilonia, un atchell kote, bis ap ko diwes, kai me pal kowa dikau, un mukau les pale pale kate te anell. Kowa penell o baro Dewel.

Jeremia 27:22 Iomraidhean Croise

2. Rajengro liil 25:13

Oun i lourde dran Babilonia phagan i bare turme paash, hoy dran lolo saster kerdo van oun glan o kheer o baro Deblestar tardo his. Ninna phagan le kol vourdya an kotya oun ko thopaskro čaro, hoy dran lolo saster kerdo vas, oun hoy an o baro Debleskro kheer tardo his. Oun ko tselo lolo saster anan i Babilonarya an o them Babilonia.

2. Familjakro liil 36:21

Glan i rah tsiro penas o Mose ap i Israelitarya: “Hako eftato bersh hounte boudrell kek t'mendar ap peskri harhetikri phoub, te lell i phoub pale nevi zoor!” Ap ko lab rikran pen i Israelitarya gar. Kanna ačas ko them efta-deesh bersha mouklo čiddo. Yaake vas ko lab čačo, hoy o baro Devel o Yeremiyeske an o mouy čivas: “O them ačell mouklo čiddo efta-deesh bersha, bis te kol bersha trouyel hi, kolen i Israelitarya gar dren rikran.”

Esra 1:11

Kol tsele koola dran sonakay oun roup his khetne 5.400 (panč-zerya-star-sheel). Halauter anas o Sheshbazar pral an o foro Yerusalem. Oun pash leste his kol tsele menshe, kay van krik anlo an o them Babilonia, oun djan kanna leha pale an o foro Yerusalem.

Esra 7:19

Oun kol pirya oun čare oun vavar koova, hoy touke dino van i boudjake an o kheer tiro Deblestar, an leske an o foro Yerusalem!

Esra 7:9

Ap o ersto dives an o ersto čon kran le pen ap o drom, oun ap o ersto dives an o pančto čon van le an o foro Yerusalem. O Debleskro kamlo vast his pral leste.

Gosewe laba 21:30

Kote dell kek gosvepen, či hoy yek feteder nay djinals oun penals, har nay krell o baro Devel.

Jeremia 20:5

Ko tselo bravlepen an kava foro dau me kolen, kay len vin randenn. I tsele love, hoy i menshe an Yerusalem dran pengri boudi khetne anan oun lengro kouč koova oun o tsele bravlepen kol rayendar pral o them Youda lenn le pentsa oun anenn les an o them Babilonia.

Jeremia 27:21

Kova hi, hoy penas o baro Devel, ko ray pral o bolepen oun i phoub, kay ninna o Israeleskro Devel hi, pral ko kouč koova, hoy pral ačas an leskro kheer, oun an o kheer o baro rayestar pral Youda, oun an o foro Yerusalem:

Jeremia 27:7

I menshe dran i tsele themma hounte boudrenn leske oun leskro čaveske, oun koleskro čaveske, bis te vell ko tsiro, kay nashrell ninna leskro them peskri zoor. Oun menshe dran vavar bare themma oun lengre zorele bare raya venn i raya pral lende.

Jeremia 29:10

Kova penell o baro Devel: Ap ko tsiro, kay hi i Babilonarya efta-deesh bersha i raya pral t'mende, dikau me pale ap t'mende, te rikrap miro lačo lab oun anau t'men pale khere.

Jeremia 32:5

Oun o baro ray dran Babilonia moukell o Sedekyes an o them Babilonia te anell; kote ačell lo ninna, bis te dau me les peskri phagi, penell o baro Devel. Ninna te kourenn t'men i lourdentsa dran o them Babilonia, djal t'menge kova gar mishto vin.

Jeremia 34:2

Koy penas o baro Devel, kay o Israeleskro Devel hi, ap o Yeremia: Dja pash o Sedekya, ko rayeste pral o them Youda, oun pen leske: Kova penell o baro Devel: Me dau kava foro an o vast o baro rayestar dran o them Babilonia, oun yob rhačrell les tele.

Jeremia 34:3

Oun ninna tou nay nasheh gar glan leskro vast krik. Na-a tou veh tapedo oun an leskro vast dino. Tou dikeh les tire yakentsa oun rakreh leha mouy ap mouy. Oun palle veh an o them Babilonia anlo.

Jeremia 34:5

na-a, tou mereh an o lačepen. Oun yaake har kran i menshe tire phourenge, kay glan toute bare raya his, yaake krenn le ninna touke: Yon krenn i yag oun rhačrenn soungepaskro koova, te sharenn le tout. Oun denn gole o ropah: “Maro ray meras!” Me, o baro Devel, penau kova.

Daniel 5:23

Oun tou hadal tout pral leste, ko bolepaskro rayeste, oun penal, te anenn le i khore dran leskro kheer glan toute. Oun t'mer piyan mool dran lende, tou oun tire bare morsha, ninna tire romya oun vavar djouvya. Oun tou sharal i deblen dran roup oun sonakay, dran lolo saster oun vavar saster, kasht oun bar, kol deblen, kay gar dikenn oun gar shounenn. Ko Debles, koles tiro dourho an peskro vast hi, oun pash koleste tire tsele dromma hi, koles hadal tou gar.

Daniel 9:2

An kava ersto bersh, kay yob kote o baro ray his, dom me, o Daniel, yak ap kova, hoy an o Debleskre lila činlo hi, kote kay penell o baro Devel ap peskro rakepaskro, o Yeremia, te ačell o foro Yerusalem 70 (efta-deesh) bersha khetne dino čiddo.