Jeremia 27:12 - O Debleskro Lab 2024 (Sinte-Manouche)

¹² Oun me penom kal tsele laba ap o baro rayeste pral o them Youda, o Sedekya, oun penom leske ninna: Te kamenn t'mer djido te ačell, krenn, hoy o baro ray dran Babilonia t'mendar kamell, oun moukenn les oun leskre menshen o ray pral t'mende te vell!

O Debleskro Drom 2021 (Sinte)

¹² Un me penom kal tsele laba ap o baro rajeste pral o them Juda, o Zedekja, un penom leske ninna: Te kamenn tumer djido te atchell, krenn, hoi o baro rai dran Babilonia tumendar kamell, un mukenn les un leskre menshen o rai pral tumende te well!

Jeremia 27:12 Iomraidhean Croise

Gosewe laba 1:33

Koon ap mande shounell, nay djivell kek daryah, oun leskro dji hounte darell kek bibarht.

Jeremia 17:4

Oun t'mer hounte djan dran kava them, hoy dom t'men hako tsireske. Oun me krau, te venn t'mer boudepangre kolenge, kay rikrenn t'men tele an i them, kay prindjrenn gar. Miri rholi hi har i yag, hoy gar bouder vin djala.

Jeremia 21:9

Koon an kava foro ačella, hounte merella an o kourepen, i bokatar, oun ap i pharo nasslepen. Koon vin djala oun pash kol Kaldearya nashella, kay troul t'maro foro tardo hi, kova ačell djido. Leske ačell či har peskro djipen.

Jeremia 27:8

Kanna penau t'menge, te hounte krenn t'mer, hoy kamell o baro ray dran Babilonia t'mendar, yaake har hounte krell i gouroum, koles i kasht troul leskri meen hi, kova, hoy leskro ray kamell. Hako them peskre menshentsa, hoy kamell kova gar te krell, koles dau i phagi. Leskre menshe hounte merenn an o kourepen, i bokatar oun dran nasslepen, bis te moukau o Neboukadnezares ko them dren te lell.

Jeremia 28:1

An kava emligo bersh an o pančto čon an o starto bersh, har o Sedekya o baro ray pral Youda his, rakras o rakepaskro, o Hananya, ap mande. Leskro dad his o Asur. O Hananya his i rakepaskro dran Gibeon, kay das glan, kay leskre laba o baro Deblestar venna. Yob rakras ap mande, har homs an o baro Debleskro kheer. Oun i rashaya oun kol vavar menshe, kay ninna koy his, shounan, har yob mange penas:

Jeremia 28:2

“Kova penell o baro Devel, ko ray pral o bolepen oun i phoub, kay o Israeleskro Devel hi: Me phagom koy zoor o baro rayestar dran Babilonia.

Jeremia 38:17

Oun o Yeremia penas ap o Sedekya: Kova penell o baro Devel, ko ray pral o bolepen oun i phoub, kay o Israeleskro Devel hi: Te dja tou vin pash i pralstunende o baro rayestar dran o them Babilonia, palle ačeh tou djido, oun kava foro vell gar rhačedo, tou oun tiro kheer ačenna djido.

Jeremia 42:11

Ma trashenn o baro rayestar dran o them Babilonia, glan koleste t'men traash hi, penell o baro Devel; me hom pash t'mende, te vap t'menge ap i rig, oun lap t'men dran leskro vast vin. Doleske ma trashenn lestar!