Jeremia 26:24 - O Debleskro Lab 2024 (Sinte-Manouche)

²⁴ Pral o Yeremiyes rikras o Ahikam peskro vast. Koleskro dad his o Shafan. O Ahikam moukas les gar an i vasta kol menshendar te dell, kay kaman les te marell.

O Debleskro Drom 2021 (Sinte)

²⁴ Pral o Jeremijes rikras o Ahikam peskro wast. Koleskro dad his o Shafan. O Ahikam mukas les gar an i wasta kol menshendar te dell, kai kaman les te marell.

Jeremia 26:24 Iomraidhean Croise

1. Rajengro liil 18:4

Oun an ko tsiro, kay i Isebel o baro Debleskre rakepangren kamas te marell, las o Obadya sheel lendar oun khatras len, i paash-sheel an kay grotta oun i paash sheel an koy grotta, oun anas lenge maro oun pani, te rhan le oun piyenn le.

2. Rajengro liil 25:22

Pral kol menshende, kay pral ačan an o them Youda, kolen o Neboukadnezar, ko ray pral o them Babilonia, pral moukas, čivas lo o morshes Gedalya, koleskro dad o Ahikam his, koleskro dad o Shafan his.

2. Familjakro liil 34:20

Oun o baro ray kharas kol morshen khetne: o Hilkiya, o Ahikam, ko his i čavo o Shafanestar, o Akbor, koleskro dad o Mika hi, o Shafan, kay činas i lila, oun o Asaya, ko his i pralstouno an o baro rayeskro kheer. Oun o baro ray penas lenge:

Jeremia 29:3

O Yeremia das peskro liil kol douy morshenge peha, o Elasa, koleskro dad o Shafan his, oun o Gemarya, koleskro dad o Hilkiya his. Kolen bičras o baro ray pral Youda, o Sedekya, an o them Babilonia pash o baro rayeste pral Babilonia, o Neboukadnezar. An ko liil his tardo:

Jeremia 36:10

Oun o Barouk draveras dran ko liil o Yeremiyeskre laba glan i menshende an o baro Debleskro kheer. Yob his tardo an koy isema ko morshestar Gemarya, koleskro dad o Shafan his. Kova his o činepaskro, kay i lila činas. Leskri isema his ap i pralstouni platsa pash o nevo voudar o baro Debleskro kherestar.

Jeremia 36:11

O Gemarya, les his i čavo. Koleskro lab his Mika. Kova shounas halauter, hoy o Barouk dran o liil glan draveras, kol tsele laba, hoy o baro Devel penas.

Jeremia 36:12

Oun sik djas lo an o baro rayeskro kheer, kote, kay i pralstoune khetne beshdo his: o činepaskro Elishama, kay i lila činas, o Delaya, koleskro dad o Shemaya his, o Elnatan, koleskro dad o Akbor his, o Gemarya, koleskro dad o Shafan his, o Sidkiya, koleskro dad o Hananya his, oun kol vavar pralstoune.

Jeremia 36:19

Koy penan kol pralstoune ap leste: Tou oun o Yeremia, t'mer hounte khatrenn t'men, te djinell kek, kay han!

Jeremia 36:26

Yob penas ap peskro čaveste, o Yerameel oun ap o Seraya, koleskro dad o Asriel his, oun ap o Shelemya, koleskro dad o Abdeel his, te tapenn le o činepaskres, o Barouk, oun o Debleskro rakepaskres, o Yeremia. Kolen khatras o baro Devel. Doleske hatsan le len gar.

Ezekiel 8:11

Glan kol figure his 70 (efta-deesh) phoureder dran o kheer Israel tardo, mank lende o Yazania, koleskro dad o Shafan his. Oun hakeno lendar his i čaro an o vast, kay soungepaskro koova dren hi. Oun dran kova hadas pes i tampa pre.

Bičepangre 23:10

Ko čingepen vas yaake baro, te trashas ko pralstouno lourdo, te tserdans yon nay o Paules an kotya. Dran kova das yob peskre lourden gole, te anenn le les pale an o lourdengro kheer.

Bičepangre 27:43

Ko baro lourdo kamas gar, te vell o Paulo moulo dino. Yob djas koy mashkral oun penas, te stenn kanna kolla an o pani, kay nay rikrenn pen pral o pani, te venn le vergel ap o them.

Debleskro tsiro 12:16

Koy kras i phoub peskro mouy pre, oun piyas ko tselo zorelo pani, hoy ko baro lolo sap dran peskro mouy vin čoungras.