Jeremia 26:23 - O Debleskro Lab 2024 (Sinte-Manouche)

²³ Kolla tapran o Ouries oun anan les pale pash o baro rayeste Yoyakim. Kova moukas les o rhareha moulo te dell oun pash i čorvelende te paskrell.

O Debleskro Drom 2021 (Sinte)

²³ Kolla tapran o Uries un anan les pale pash o baro rajeste Jojakim. Kowa mukas les o chareha mulo te dell un pash i tchorwelende te paskrell.

Jeremia 26:23 Iomraidhean Croise

2. Rajengro liil 23:37

Oun yob kras, hoy čilačo his glan o baro Debleskre yaka, yaake har leskre phoure kran.

Jeremia 2:30

Koy tseli phagi, hoy dom t'men, his čičeske. T'mer moukan t'men gar te tserdell. Mire rakepangren, kay pash t'mende bičrom, maran t'mer. T'maro rharo rhas len har i rhoyedo levo.

Jeremia 22:17

Yoyakim, tire yaka oun tiro dji dikenn ap či vavares, har te vess bravleder tiro rhorhepah. Tou mareh kolen, kay kek čilačepen kran, oun rikreh i menshen zoryah oun daventsa tele.

Jeremia 22:19

Yob vell gar paskedo, yob vell krik tserdedo har i mouli bourika, oun vin vitsedo glan i voudya o forestar Yerusalem.

Jeremia 26:15

Djinenn! Te marenn man, marenn t'mer yekes, kay kek doosh ap leste hi, oun anenn miro rat ap t'mende oun ap kava foro oun kolende, kay dren djivenn. Čačepah, o baro Devel bičras man pash t'mende, te penap kava lauter glan t'mare kanda.”

Jeremia 36:30

Doleske penau pral toute, Yoyakim, ray pral Youda: Kek tire čavendar vell pal toute o ray pral o Davideskro them. Tou mereh oun veh vin vitsedo oun ačeh čiddo an o kham ap o dives oun an o shilapen an i rati.

Ezekiel 19:6

Kova djivas mank i vavar leve, vas i zorelo terno levo, oun djinas, har te dandrell lo firhen moulo, oun ninna menshen rhas lo.

Mateo 14:10

Dran kova vas o Yohanneske leskro shero tele dino an o stilepen.

1. Tessalonikarja 2:15

I bibolde maran o Yezous Kristes. Glan leste maran le o Debleskre rakepangren. Men lan le ninna palla. Yon rhoyrenn o Debles. Oun ap i tsele menshende hi yon čilačo.

Hebrearja 11:37

Vavar van i barrentsa moulo vitsedo, an kotya činlo, oun o rhareha maredo. Vavar van palla lino. Len his kek kheer oun či te rhal. Lengre koola his dran bakrengre balla oun bouzyengre balla. Oun te van le tapedo, van le dino.

Debleskro tsiro 11:7

Oun te rakran yon i tsele laba, hoy o Devel lenge penas, palle vell o firho dran o telstunepen pre. Oun ko firho hi zorleder har yon, oun marell len.