Jeremia 26:20 - O Debleskro Lab 2024 (Sinte-Manouche)

²⁰ Kote his i vavar morsh, o Ouria, koleskro dad o Shemaya his, dran o foro Kiryat-Yearim. Kova penas ninna glan-vi, hoy o baro Devel leske penas, oun rakras pral koy bibarht, hoy vell pral kava foro oun kava them, yaake har o Yeremia rakras.

O Debleskro Drom 2021 (Sinte)

²⁰ Kote his i wawar mursh, o Uria, koleskro dad o Shemaja his, dran o foro Kirjat-Jearim. Kowa penas ninna glan-wi, hoi o baro Dewel leske penas, un rakras pral koi bibacht, hoi well pral kau foro un kau them, jaake har o Jeremia rakras.

Jeremia 26:20 Iomraidhean Croise

1. Rajengro liil 18:10

Me dau man sovel pash o baro Debleste, kay tiro Devel hi: O Ahab rodas tout an hako them, pash i tsele bare rayende. Oun te penan yon: Yob hi gar pash mende, kamas lo, te denn le pen sovel, kay nay hatsan le tout gar.

2. Rajengro liil 23:37

Oun yob kras, hoy čilačo his glan o baro Debleskre yaka, yaake har leskre phoure kran.

Jeremia 2:30

Koy tseli phagi, hoy dom t'men, his čičeske. T'mer moukan t'men gar te tserdell. Mire rakepangren, kay pash t'mende bičrom, maran t'mer. T'maro rharo rhas len har i rhoyedo levo.

Jeremia 36:19

Koy penan kol pralstoune ap leste: Tou oun o Yeremia, t'mer hounte khatrenn t'men, te djinell kek, kay han!

Josua 15:60

Ninna kol douy forya Kiryat-Baal, hoy kharell ninna Kiryat-Yearim oun Rabba, oun koy pashel lengre gaba.

Josua 18:14

Foun kay berga, ap lakri rig, kay o kham tele djal, djas o drom kote doureder, kay o kham pralstounes tardo hi, bis glan o foro Kiryat-Baal, hoy kharell ninna Kiryat-Yearim. Kava foro hi čiddo an o them Youda. Yaake dour djas o them kote, kay o kham tele djal.

1. Samuel 6:21

Oun yon bičran morshen pash kol menshende an o foro Kiryat-Yearim oun penan lenge: “I Filistarya anan o morhton pale, kay o baro Debleskre deesh laba dren hi. Avenn t'mer kay tele, oun lenn les pre pash t'mende!”

1. Samuel 7:2

Ko morhton, kay o baro Debleskre deesh laba dren hi, ačas i rah tsiro an Kiryat-Yearim, yaake biish bersha. An ko tsiro poučan i Israelitarya pale pal o baro Debleste.