Jeremia 26:2 - O Debleskro Lab 2024 (Sinte-Manouche)

² Kova hi, hoy me, o baro Devel, touke penau: Dja ap i glanstouni platsa glan miro baro kheer, oun rake ap kol tsele menshende, kay van dran i tsele forya dran o them Youda, te mangenn le man an. Pen lenge i tsele laba, hoy touke penom. Ma mouk čomone krik!

O Debleskro Drom 2021 (Sinte)

² Kowa hi, hoi me, o baro Dewel, tuke penau: Dja ap i glanstuni platsa glan miro baro kheer, un rake ap kol tsele menshende, kai wan dran i tsele forja dran o them Juda, te mangenn le man an. Pen lenge i tsele laba, hoi tuke penom. Ma muk tchomone krik!

Jeremia 26:2 Iomraidhean Croise

Jeremia 1:17

Ab zoreles! Oun kre tout ap o drom! Oun pen lenge halauter, hoy me touke penau! Ma traash lendar, te krap me gar, te trashess tou glan lende!

Jeremia 1:7

O baro Devel penas ap mande: Pen gar: Me hom gar phouro doha! Tou hounte djas, kay me tout bičrau. Oun pen halauter, hoy me touke penau.

Jeremia 19:14

Oun o Yeremia djas pale dran Tofet, kay bičras les o baro Devel koy, te penell yob o Debleskre laba. Oun djas ap koy glanstouni platsa glan o baro Debleskro kheer, oun penas ap i tsele menshende:

Jeremia 23:28

Te dell i rakepaskro souni, mou penell lo peskri souni! Kova, kay lell i lab mandar, kova te penell ko lab mishto doureder! Me, o baro Devel penau t'menge: O phouss oun o djob hi gar o emligo koova. Yaake hi vitar gar emligo ko rakepen, hoy kol rhorhene rakepangre rakrenna, oun o rakepen, hoy mandar vella.

Jeremia 25:2

Oun o Debleskro rakepaskro, o Yeremia, penas kava lab i tsele menshenge an o them Youda oun an Yerusalem. Oun yob penas lenge:

Jeremia 28:5

Koy rakras o Debleskro rakepaskro, o Yeremia ap o rakepaskro, o Hananya. Oun i rashaya oun i tsele menshe, kay an o Debleskro kheer tardo hi, shounan, har lo penas:

Jeremia 36:10

Oun o Barouk draveras dran ko liil o Yeremiyeskre laba glan i menshende an o baro Debleskro kheer. Yob his tardo an koy isema ko morshestar Gemarya, koleskro dad o Shafan his. Kova his o činepaskro, kay i lila činas. Leskri isema his ap i pralstouni platsa pash o nevo voudar o baro Debleskro kherestar.

Jeremia 42:4

Oun o Yeremia, penas ap lende: Mishto, me shounau ap t'mende, oun mangau t'maro baro Deblestar, har t'mer penan. Oun lauter, hoy o baro Devel penell, penau t'menge doureder. Oun me rikrau t'menge či pale, hoy yob mange penell.

Jeremia 7:2

Dja oun čip tout an ko voudar o baro Debleskro kherestar, oun pen i menshenge kal laba: T'mer lauter dran o them Youda, kay djan kate dren, te mangenn o baro Debles an, shounenn o baro Debleskro lab!

Jeremia 7:27

Te peneh tou, Yeremia, lenge kova lauter, shounenn yon gar ap toute. Te deh tou len gole, penenn yon či koy pre.

Ezekiel 3:10

Oun pale penas yob ap mande: Tou, mensho, mire tsele laba, hoy me touke penau, de yak ap lende, oun le len an tiro dji!

Ezekiel 33:7

Tou, mensho, tout rodom vin, te dess yak ap o kheer Israel. Te shouneh i lab dran miro mouy, hounte peness kova lenge, te djinenn le, hoy kamau me pral lende te anell.

Ezekiel 40:4

Oun ko morsh penas ap mande: Tou, mensho, dik oun shoun mishto, oun de yak ap halauter, hoy sikrau tout. Doleske val tou kate anlo, te sikrap kova touke. Halauter, hoy kate dikal, pen i menshenge dran o kheer Israel!

Mateo 28:20

Penenn lenge, te rikrenn le ap lauter, hoy me t'menge penom! Čačepah, me hom pash t'mende hako dives yaake rah, har i phoub koy hi.”

Louka 19:47

Hako dives djas o Yezous an o Debleskro baro kheer oun sikras i menshende o Debleskro drom. I bare rashaya, i biboldengre čačepangre oun i vavar pralstoune rodan i drom, te marenn le les.

Johanni 18:20

O Yezous penas ap leste: “Me rakrom glan i tsele menshende yaake, kay hakeno kova nay shounas. Hako tsiro rakrom an i biboldengri kangri oun an o Debleskro baro kheer, kay i tsele bibolde khetne van. Me penom či čorrhanes.

Johanni 8:2

O vavar dives taysarlake vas yob pale an o Debleskro baro kheer. Oun i tsele menshe van pash leste. Oun yob beshas pes tele, oun penas lenge o Debleskro lab.

Bičepangre 20:20

Man his kek daar, te penap t'menge o tselo čačepen, har me t'mende o Debleskro drom sikrom. Oun me penom o Debleskro lab an t'mare khera.

Bičepangre 20:27

Me moukom gar tele, te penap t'menge halauter, hoy o Devel t'menge kras.

Bičepangre 5:25

Koy vas yek oun penas lenge: “Kol morsha, kay t'mer stildo čivan, hi an o Debleskro baro kheer tardo, oun penenn i menshenge o Debleskro lab.”

Bičepangre 5:42

Yon moukan gar tele, te penenn le o lačo lab o Yezous Kristestar. Hako dives djan le an o Debleskro baro kheer oun pash i menshende an i khera, oun sikran len o Yezouseskro drom.

5. Mose 12:5

Mangenn o baro Debles ap i platsa an, hoy yob peske vin rodell mashkral an o them Israel, te djivell lo kote. Kote djan, te mangenn les an.

5. Mose 4:2

Čivenn kek lab koy pashel, hoy me penom, te hounte krenn! Lenn ninna či kolestar krik, te rikrenn les gar. Rikrenn t'men ap i laba t'maro baro Deblestar, hoy me t'menge penau.

Josua 8:35

Oun his kek lab, hoy moukas o Yosua gar vin te kharell kol tsele labendar, hoy o Mose penas. Oun i tsele Israelitarya, ninna i djouvya oun čave oun vi-themarya mank lende shounan kova.

Debleskro tsiro 22:19

Oun te lell yek čomone krik kal labendar, kay hi činlo an kava liil, palle lell o Devel leskro rhapen krik ko roukestar, hoy della o djipen. Ninna nay djal yob gar an o Debleskro foro dren, pral hoy činom an kava liil.