Jeremia 26:19 - O Debleskro Lab 2024 (Sinte-Manouche)

¹⁹ Har o Mika kova glan-vi penas, moukas les o baro ray Hiskiya oun kol menshe an Youda te marell? Na-a! Yon lan o baro Debleskre laba ap o dji oun mangan lestar, te marell lo len gar. Oun o baro Devel rikras pes pale oun bičras gar koy bibarht pral lende, kolatar yob rakras. Oun kanna, te marah mer o Yeremiyes, anah i bari bibarht ap mende!”

O Debleskro Drom 2021 (Sinte)

¹⁹ Har o Micha kowa glan-wi penas, mukas les o baro rai Hiskija un kol menshe an Juda te marell? Na-a! Jon lan o baro Debleskre laba ap o dji un mangan lestar, te marell lo len gar. Un o baro Dewel rikras pes pale un bitchras gar koi bibacht pral lende, kolatar job rakras. Un kanna, te marah mer o Jeremijes, anah i bari bibacht ap mende!”

Jeremia 26:19 Iomraidhean Croise

2. Samuel 24:16

Har sikras ko bolepaskro peskro vasteha ap o foro Yerusalem, te vell ko nasslepen koy, khaytas o baro Debles koy bibarht. Oun yob penas ap ko bolepaskro, kay anas o merepen pral i menshende: “Kanna hi doha! Le tiro vast lendar krik!” O Debleskro bolepaskro his tardo ap koy djobeskri platsa o morshestar Arauna. Kova his i Yebousari.

2. Familjakro liil 32:20

Oun o baro ray, o Hiskiya, oun o Debleskro rakepaskro, o Yesaya, koleskro dad o Amoz his, dan gole ap o baro Debleste an o bolepen, te vell lo lenge ap i rig.

2. Familjakro liil 34:21

“Djan koy oun poučenn o baro Debles mange oun i menshenge dran Israel, kay pral ačan, oun kolenge an o them Youda, pral kol laba an ko liil, hoy hatslo vas. Mare phoure shounan gar ap o baro Debleskre laba, oun djivan gar yaake, har dren činlo hi an kava liil. Doleske hi o baro Debleskri rholi bares ap mende čiddo.”

2. Mose 32:14

Koy rikras pes o baro Devel pale oun moukas gar koy bari bibarht pral peskre menshende te vell.

Jesaja 26:21

O baro Devel vell dran peskro kheer vin, te anell lo o čilačepen pale ap i sherya kolendar, kay o čilačepen kran. Palle vell o rat kolendar diklo, kay maredo van. Oun i phoub khatrell len bouder gar.

Jesaja 37:1

Har o baro ray Hiskiya kova shounas, kras lo peskre koola paash oun rivas i gono ap peste, oun djas an o baro Debleskro kheer.

Jesaja 37:4

O baro ray pral o them Assour bičras peskro pralstounes, te praasell lo o djido Debles. Har kamoms, te shounell o baro Devel, tiro Devel, kol tsele laba, hoy ko morsh penas, oun dell les i phagi! Mange o Deblestar kol menshenge, kay pral ačan leskre menshendar, te rikrell lo peskro vast pral lende!”

Jeremia 26:15

Djinenn! Te marenn man, marenn t'mer yekes, kay kek doosh ap leste hi, oun anenn miro rat ap t'mende oun ap kava foro oun kolende, kay dren djivenn. Čačepah, o baro Devel bičras man pash t'mende, te penap kava lauter glan t'mare kanda.”

Jeremia 26:3

Te peneh lenge halauter, nay vell, te denn le yak ap kova, oun djan tele hakeno peskro čilačo dromestar. Palle rikrau man tele, te anap koy bibarht pral lende, hoy kamom ap lende te anell ko čilačepaske, hoy yon kran.

Jeremia 44:7

Doleske penell o baro Devel, ko ray pral o bolepen oun i phoub, kay o Israeleskro Devel hi: Hoske krenn t'mer savo čilačepen ap t'mende kokres? Kamenn t'mer, te merenn t'mare menshe vin: morsha oun djouvya, čave oun ternepen? Oun či ačell pral t'mendar, kay van dran o them Youda?

Amos 7:3

Koy khaytas kova o baro Debles, oun yob penas: “Mishto, kova vell gar yaake!”

Habakuk 2:10

An tiro dji his, te maress i menshen an boud themma. Kova hoy touke glan lal, anell i ladj pral tiro kheer, oun tou veh maredo.

Zakarie 7:2

Glan kava tsiro bičran i menshe an o foro Betel morshen pash o kheer o baro Deblestar, kay hi o ray pral o bolepen oun i phoub, te mangenn le lestar leskro lačepen. Kal morsha his o Sharezer oun o Regem-Melek peskre morshentsa. Yon te poučenn kote ninna i rashayendar oun o Debleskre rakepangrendar: “Hounte kras mer doureder, te rhas či o Debleske oun rovas an o pančto čon har kram yaake boud bersha?”

Mateo 23:35

T'mer han čilačo har t'mare phoure. Yon maran i lače menshen yaake rah har i phoub tardo hi: O lačo morsh Abel vas maredo glan i tsele vavar menshende. Pal leste maran le vavar lače menshen bis ap ko tsiro, kay o Zakari maredo vas, koleskro dad his o Baraki. O Zakares maran t'mer mashkral o Debleskro kheer oun i sasterni rhačepaskri, kay i firhe o Debleske rhačedo venna. Doleske vell i phagi ap t'mende, kay kanna djivenna.

Bičepangre 5:39

Te hi ko koova o Deblestar, palle nay phagenn les gar. Denn yak, te čingrenn t'mer gar ap o Debleste.” Oun yon shounan ap o Gamaliel.

Debleskro tsiro 16:6

Yon maran tire menshen, ninna tire rakepangren, oun moukan lengro rat te nashell. Oun kanna hounte piyenn le o rat. Kova hi lengri phagi.”