Jeremia 26:15 - O Debleskro Lab 2024 (Sinte-Manouche)

¹⁵ Djinenn! Te marenn man, marenn t'mer yekes, kay kek doosh ap leste hi, oun anenn miro rat ap t'mende oun ap kava foro oun kolende, kay dren djivenn. Čačepah, o baro Devel bičras man pash t'mende, te penap kava lauter glan t'mare kanda.”

O Debleskro Drom 2021 (Sinte)

¹⁵ Djinenn! Te marenn man, marenn tumer jekes, kai kek doosh ap leste hi, un anenn miro rat ap tumende un ap kau foro un kolende, kai dren djiwenn. Tchatchepah, o baro Dewel bitchras man pash tumende, te penap kawa lauter glan tumare kanda.”

Jeremia 26:15 Iomraidhean Croise

1. Mose 4:10

Oun o Devel penas: “Hoy kral tou? Shoun! Tiro phraleskro rat dell gole pal mande dran i phoub.

1. Mose 42:22

Oun o Ruben penas ap lende: “Penom me gar ap t'mende: Ma krenn čilačepen o čaveske? T'mer shounan gar. Kanna vell leskro rat ap mende.”

2. Rajengro liil 24:4

oun maras boud saven, kay kek čilačepen kran, oun anas lengro rat pral peste. Oun o tselo foro Yerusalem his pherdo rat. Kava koova kamas o baro Devel gar te bistrell.

2. Familjakro liil 24:22

Oun o Yoash bistras har boud lačepen o Yoyada ap leste kras, koleskro čavo o Zakarie his, koles yob moukas te marell. Har o Zakarie meras, penas lo: “O baro Devel dikell kova, oun yob dell pale pale, hoy le ap mande kran.”

Gosewe laba 6:16

Shob koova hi, ap kolende dikell o baro Devel rhoyedes; oun i eftato koova hi leske o djoungleder:

Gosewe laba 6:17

yaka, kay dikenn tele ap i vavarende; i mouy, hoy rakrell rhorhepen; vasta, hoy marenn saven, kay kek čilačepen kran;

Jeremia 2:30

Koy tseli phagi, hoy dom t'men, his čičeske. T'mer moukan t'men gar te tserdell. Mire rakepangren, kay pash t'mende bičrom, maran t'mer. T'maro rharo rhas len har i rhoyedo levo.

Jeremia 2:34

Ninna hatsan le ap tire koola o rat i čorvelendar, kay kran kek čilačepen, oun kay tou gar koy pashel tapral, kay phagan le an tiro kheer dren. Ninna te kral tou kova lauter,

Jeremia 22:17

Yoyakim, tire yaka oun tiro dji dikenn ap či vavares, har te vess bravleder tiro rhorhepah. Tou mareh kolen, kay kek čilačepen kran, oun rikreh i menshen zoryah oun daventsa tele.

Jeremia 22:3

Kova penell o baro Devel: Krenn hakeneske, hoy mishto oun čačo hi! Oun lenn kolen, kay van vi-čoredo dran kol čilačengre vasta vin! Oun lenn či krik kol menshendar, kay hi vi-themarya pash t'mende, vitar gar kol čavendar, kolen kek dad bouder hi, oun kol romyendar, kolengro rom meras. Ma djan zoryah ap yekeste pre! Ma bičrenn kolen an o merepen, kay kek doosh ap lende lan.

Jeremia 26:12

O Yeremia penas ap i pralstunende oun i vavar menshende: “O baro Devel bičras man, te penap kova lauter glan-vi, hoy shounan t'mer man te penell pral kava kheer oun pral kava foro.

Jeremia 30:1

Kova penas o baro Devel ap o Yeremia:

Jeremia 7:6

Ma rikrenn kolen tele, kay hi dran i vavar them, vitar gar kol čaven, kay len kek dad bouder hi, oun kol romyen, kay len kek rom bouder hi! Ma denn kol menshen ratles, kay kek čilačepen kran! Ma nashenn vavar deblenge palla. Yon anenn t'men an i bibarht.

4. Mose 35:33

Ma krenn ko them pale-čiddo, kay djivenn! Pale-čiddo vell ko them dran o rat, hoy ratell, te vell yek maredo. Kokres ko rateha kolestar, kay maras yekes, nay vell o them pale djoudjo.

Mateo 26:25

Oun o Youdas, kay ap leste phoukrell kamell, poučas lestar: “Sikepaskro, hom me kova?” Penas o Yezous: “Ava, tou hal kova.”

Mateo 26:4

Oun yon rodan i drom, har nay taprans le o Yezouses čorrhanes, te marenn le les.

Bičepangre 7:60

Oun yob peras ap i phoub tele, oun das pale gole: “Ray, le koy doosh lendar!” Har yob kova penas, meras lo.

5. Mose 19:10

Yaake hi t'men doha forya kay nay nashell yek dren. Oun yaake krenn t'mer, te vell an t'maro them, hoy t'maro baro Devel t'menge dell, kek mensho maredo, ap koleste kek doosh hi. Te vals savo mensho maredo, anans bari doosh ap t'mende.

Debleskro tsiro 16:6

Yon maran tire menshen, ninna tire rakepangren, oun moukan lengro rat te nashell. Oun kanna hounte piyenn le o rat. Kova hi lengri phagi.”